ಆಂಜಿಯೋಪ್ಲಾಸ್ಟಿಯಿಂದ 107 ವರ್ಷದ ವೃದ್ಧೆಯ ಜೀವ ಕಾಪಾಡಿದ ವೈದ್ಯರು! ಇಳಿ ವಯಸ್ಸಲ್ಲೂ ಆಪರೇಷನ್​ ಸಕ್ಸಸ್​!

ಅಹಮದಾಬಾದ್​ (ಗುಜರಾತ್​): ಒಂದೆಡೆ ಅತಿ ಚಿಕ್ಕ ವಯಸ್ಸಿನಲ್ಲಿಯೇ ಹೃದಯಾಘಾತಕ್ಕೆ ಒಳಗಾಗಿ ಸಾಯುವವರ ಸಂಖ್ಯೆ ಹೆಚ್ಚುತ್ತಲೇ ಇದ್ದರೆ, ಅದೇ ಇನ್ನೊಂದೆಡೆ, ಹೃದಯಾಘಾತಕ್ಕೆ ಒಳಗಾಗಿದ್ದ 107 ವರ್ಷ ವಯಸ್ಸಿನ ವಯೋವೃದ್ಧೆಗೆ ಆಂಜಿಯೋಪ್ಲಾಸ್ಟಿ ಶಸ್ತ್ರಚಿಕಿತ್ಸೆ ಮೂಲಕ ಯಶಸ್ವಿಯಾಗಿ ಆಪರೇಷನ್​ ಮಾಡಿರುವ ಘಟನೆ ಗುಜರಾತ್​ನಲ್ಲಿ ನಡೆದಿದೆ.

ಅತ್ಯಂತ ಕಠಿಣ ಮತ್ತು ಸವಾಲಿನ ಶಸ್ತ್ರಚಿಕಿತ್ಸೆಯನ್ನು ಮಾಡಿ ಇಳಿ ವಯಸ್ಸಿನಲ್ಲಿಯೂ ಶಸ್ತ್ರಚಿಕಿತ್ಸೆಯನ್ನು ಫಲಪ್ರದ ಮಾಡಿದ್ದಾರೆ.

ಹೀಗೆ ಇಳಿವಯಸ್ಸಿನಲ್ಲಿ ಪ್ರಾಣಾಪಾಯದಿಂದ ಪಾರಾಗಿರುವ ಮಹಿಳೆ ಮಧ್ಯಪ್ರದೇಶದ ಮಂಡಸೌರ ಜಿಲ್ಲೆಯ ಜಮ್ನಾಬೆನ್​​. ಜನ್ಮಾಬೆನ್​ ಅವರ ರಕ್ತನಾಳಗಳಲ್ಲಿ ಶೇ.99ರಷ್ಟು ಸಮಸ್ಯೆ ಉಂಟಾಗಿತ್ತು. ಆಕೆ ಬದುಕುವುದೇ ಕಷ್ಟವಾಗಿತ್ತು. ನಂತರ ಆಕೆಯ ಕುಟುಂಬಸ್ಥರು ಸುಮಾರು 8 ಗಂಟೆ ಕಾಲ ದೂರ ಪ್ರಯಾಣ ಬೆಳೆಸಿ ಅಹಮದಾಬಾದ್​ನ ಮಾರೆಂಗೋ ಸಿಮ್ಸ್​ (ಸಿಐಎಂಸಿ) ಆಸ್ಪತ್ರೆಗೆ ದಾಖಲಿಸಿದ್ದರು.

ಆಕೆ ಹೃದಯ ಬಡಿತದಲ್ಲಿ ಏರುಪೇರಾಗಿದ್ದರಿಂದ ಅದನ್ನು ಸಹಜ ಸ್ಥಿತಿಗೆ ತರಲು ಆಂಜಿಯೋಪ್ಲಾಸ್ಟಿ ಶಸ್ತ್ರಚಿಕಿತ್ಸೆ ಮಾಡಬೇಕಿತ್ತು. ಈ ಶಸ್ತ್ರ ಚಿಕಿತ್ಸೆ ಮಾಡಿದರೆ ಮಹಿಳೆ ಬದುಕುಳಿಯುವುದು ಕಷ್ಟವಾಗಿತ್ತು. ಆದರೂ ಸವಾಲನ್ನು ಸ್ವೀಕರಿಸಿ ಹೃದ್ರೋಗ ತಜ್ಞ ಡಾ.ಕೆಯೂರ್ ಪಾರಿಖ್ ಮತ್ತು ಅರಿವಳಿಕೆ ತಜ್ಞ ಚಿಂತನ್ ಸೇಠ್ ಅವರ ತಂಡ ಯಶಸ್ವಿ ಶಸ್ತ್ರಚಿಕಿತ್ಸೆ ಮಾಡಿದೆ.

https://www.vijayavani.net/s-another-film-after-the-kashmeer-files/

https://www.vijayavani.net/s-cancer-in-all-patients-vanishes-for-the-first-time-during-us-drug-trial/

https://www.vijayavani.net/s-20-lakhs-award-for-death-reaction-by-yashpal-mutalik/