ಎಟಿಎಂನಲ್ಲಿ 27 ಲಕ್ಷ ರೂ.ಕಳವು

ಕೋಲಾರ: ನಗರದ ಪ್ರಶಾಂತ್​ ನಗರದಲ್ಲಿನ ಎಸ್​ಬಿಐ ಎಟಿಎಂಗೆ ಭಾನುವಾರ ರಾತ್ರಿ ನುಗ್ಗಿದ ಕಳ್ಳರು ಬರೋಬ್ಬರಿ 27 ಲಕ್ಷ ರೂ. ದೋಚಿ ಪರಾರಿಯಾಗಿದ್ದಾರೆ.

ರಾತ್ರಿ 2ಗಂಟೆ ಸುಮಾರಿಗೆ ಯಂತ್ರವಿರುವ ಕೊಠಡಿಗೆ ನುಗ್ಗಿ ಒಳಗಿನಿಂದ ಶೆಲ್ಟರ್​ ಮುಚ್ಚಿಕೊಂಡು ಮಿಷನ್​ನಲ್ಲಿದ್ದ 27 ಲಕ್ಷ ರೂ. ನಗದು ದೋಚಿಕೊಂಡು ಪರಾರಿಯಾಗಿದ್ದಾರೆ. ಸ್ಥಳಿಯರು ಸೋಮವಾರ ಬೆಳಗ್ಗೆ ವಾಯುವಿಹಾರ ಮಾಡುವಾಗ ಕೃತ್ಯ ಗಮನಕ್ಕೆ ಬಂದಿದ್ದು, ಗಲ್​ಪೇಟೆ ಪೊಲೀಸರಿಗೆ ಮಾಹಿತಿ ನೀಡಿದ್ದಾರೆ. ಸ್ಥಳಕ್ಕೆ ಬಂದ ಬೆರಳಚ್ವು ತಜ್ಞರು, ಶ್ವಾನದಳ ಭೇಟಿ ನೀಡಿ ಪರಿಶೀಲನೆ ನಡೆಸಿದ್ದಾರೆ. ಪ್ರಕರಣ ಕುರಿತು ಗಲ್​ಪೇಟೆ ಪೊಲೀಸ್​ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದ್ದು, ಎಸ್ಪಿ ನಿಖಿಲ್​ ಸ್ಥಳಿಕ್ಕೆ ಭೇಟಿ ನೀಡಿ ಪರಿಶೀಲಿಸಿದರು.

ವಿಶೇಷ ತನಿಖಾ ತಂಡ ರಚನೆ

ಎಟಿಎಂ ಕಳವು ಪ್ರಕರಣ ಜಿಲ್ಲೆಯಲ್ಲಿ ಇದೇನು ಮೊದಲಲ್ಲ. ಈ ಹಿಂದೆಯೂ ಶ್ರೀನಿವಾಸಪುರ, ಬೇತಮಂಗಲ, ಬಂಗಾರಪೇಟೆ, ಚಿಕ್ಕತಿರುಪತಿಯಲ್ಲೂ ಎಟಿಎಂ ಕಳವು ಪ್ರಕರಣಗಳು ಸಂಭವಿಸಿದ್ದರು. ಇದರ ನಡುವೆಯೂ ಈಗ ಕೋಲಾರದಲ್ಲಿ ಕೃತ್ಯ ಎಸಗಿದ್ದಾರೆ. ಎಸ್​ಪಿ ಬಿ.ನಿಖಿಲ್​ ಅವರು ಪ್ರಕರಣ ಭೇದಿಸಲು ವಿಶೇಷ ತಂಡ ರಚನೆ ಮಾಡಿದ್ದು ತನಿಖೆ ಚುರುಕುಗೊಂಡಿದೆ.

https://www.vijayavani.net/pulp-factory-owners-are-also-in-trouble