ದೆಹಲಿ ಪೊಲೀಸರು ಮತ್ತು ಸಂತ್ರಸ್ತರು ಈ ಪ್ರಕರಣವನ್ನು ಅಪರೂಪದಲ್ಲಿ ಅಪರೂಪ ಎಂದು ಪರಿಗಣಿಸಿ ಸಜ್ಜನ್ ಕುಮಾರ್ ವಿರುದ್ಧ ಮರಣದಂಡನೆ ವಿಧಿಸಬೇಕೆಂದು ಒತ್ತಾಯಿಸಿದರು. ಆದರೆ ನ್ಯಾಯಾಲಯ ಆತನಿಗೆ ಜೀವಾವಧಿ ಶಿಕ್ಷೆ ವಿಧಿಸಿದೆ. ತೀರ್ಪಿಗೆ ಸ್ವಲ್ಪ ಮೊದಲು, ಸಜ್ಜನ್ ಕುಮಾರ್ ಶಿಕ್ಷೆಯಲ್ಲಿ ದಯೆ ತೋರುವಂತೆ ಮನವಿ ಮಾಡಿದ್ದರು. ಈ ಪ್ರಕರಣದಲ್ಲಿ ನನಗೆ ಮರಣದಂಡನೆ ವಿಧಿಸಲು ಯಾವುದೇ ಆಧಾರವಿಲ್ಲ ಎಂದು ಅವರು ತನ್ನ ವಾದಗಳಲ್ಲಿ ಹೇಳಿದ್ದಾರೆ. ನನಗೆ 80 ವರ್ಷ, ವಯಸ್ಸು ಹೆಚ್ಚಾಗುತ್ತಿರುವುದರಿಂದ ನಾನು ಅನೇಕ ಕಾಯಿಲೆಗಳಿಂದ ಬಳಲುತ್ತಿದ್ದೇನೆ. ನಾನು 2018ರಿಂದ ಜೈಲಿನಲ್ಲಿದ್ದೇನೆ. ಅಂದಿನಿಂದ ನನಗೆ ಯಾವುದೇ ಫರ್ಲೋ/ಪೆರೋಲ್ ಸಿಕ್ಕಿಲ್ಲ ಎಂದು ಸಜ್ಜನ್ ಕುಮಾರ್ ನ್ಯಾಯಾಲಯಕ್ಕೆ ತಿಳಿಸಿದರು.
