ಭೀಕರ ಅಪಘಾತ; ಮದುವೆಯಾದ 10 ದಿನಗಳಲ್ಲಿ ನವವಿವಾಹಿತ ದಂಪತಿ ನಿಧನ

ಆಂಧ್ರಪ್ರದೇಶ: ನಿಂತಿದ್ದ ಲಾರಿಗೆ ಕಾರೊಂದು ಡಿಕ್ಕಿ ಹೊಡೆದು ನಂದ್ಯಾಳ ಜಿಲ್ಲೆಯಲ್ಲಿ ಭೀಕರ ರಸ್ತೆ ಅಪಘಾತ ಸಂಭವಿಸಿದೆ. ಘಟನೆಯಲ್ಲಿ ಐವರು ಸ್ಥಳದಲ್ಲೇ ಸಾವನ್ನಪ್ಪಿದ್ದಾರೆ. ಮೃತರೆಲ್ಲರೂ ಹೈದರಾಬಾದ್ ಮೂಲದವರು ಎಂದು ಪೊಲೀಸರು ಗುರುತಿಸಿದ್ದಾರೆ. 

ರವೀಂದರ್ ಮತ್ತು ಲಕ್ಷ್ಮಿ ಅವರು ತಮ್ಮ ಮಗ ಬಾಲ ಕಿರಣ್ ಅವರ ಸೊಸೆ ಕಾವ್ಯ ಶ್ರೀ ಜತೆಗೆ ಅಶೋಕ್  ಮೃತರು. ಕಾರಿನಲ್ಲಿದ್ದವರೆಲ್ಲ ಹೈದರಾಬಾದ್ ಮೂಲದವರಾಗಿದ್ದಾರೆ. ಮೃತರಲ್ಲಿ ಇಬ್ಬರು ಮಹಿಳೆಯರೂ ಇದ್ದಾರೆ ಎಂದು ತಿಳಿದುಬಂದಿದೆ. ತಿರುಮಲ ತಿರುಪತಿ ಶ್ರೀವರ ದರ್ಶನ ಪಡೆದು ಹಿಂತಿರುಗುತ್ತಿದ್ದಾಗ ಈ ಅವಘಡ ಸಂಭವಿಸಿದೆ ಎಂದು ಪೊಲೀಸರು ತಿಳಿಸಿದ್ದಾರೆ.  

ಒಂದೇ ಕುಟುಂಬದ ಐವರು ತಿರುಮಲ ದರ್ಶನಕ್ಕೆ ತೆರಳಿದ್ದರು. ಪತಿ-ಪತ್ನಿ ರವೀಂದರ್ ಮತ್ತು ಲಕ್ಷ್ಮಿ ಅವರು ತಮ್ಮ ಮಗ ಬಾಲ ಕಿರಣ್ ಅವರ ಸೊಸೆ ಕಾವ್ಯ ಶ್ರೀ ಜೊತೆಗೆ ಅಶೋಕ್ ಎಂಬುವರು ಕಾರಿನಲ್ಲಿ ಪ್ರಯಾಣಿಸುತ್ತಿದ್ದರು. ದೇವರ ದರ್ಶನ ಪಡೆದು ಹಿಂತಿರುಗುತ್ತಿದ್ದ ವೇಳೆ ವೇಗವಾಗಿ ಬಂದ ಕಾರೊಂದು ನಿಂತಿದ್ದ ಲಾರಿಗೆ ಡಿಕ್ಕಿ ಹೊಡೆದಿದ್ದರಿಂದ ಈ ಅವಘಡ ಸಂಭವಿಸಿದೆ. ಈ ಭೀಕರ ಅಪಘಾತದಲ್ಲಿ ಕಾರ್​ನಲ್ಲಿದ್ದವರೆಲ್ಲರೂ ಸಾವನ್ನಪ್ಪಿದ್ದಾರೆ.  

ಕಾವ್ಯ ಶ್ರೀ ಬಾಲ ಕಿರಣ್ ಅವರನ್ನು ವಿವಾಹವಾದರು. ಈ ಹಿನ್ನಲೆಯಲ್ಲಿ ಶ್ರೀಗಳ ದರ್ಶನ ಮುಗಿಸಿ ಹಿಂತಿರುಗುತ್ತಿದ್ದರು. ಮದುವೆಯಾದ 10 ದಿನಗಳಲ್ಲೇ ನವ ದಂಪತಿ ಸಾವನ್ನಪ್ಪಿದ್ದರಿಂದ ಕುಟುಂಬಸ್ಥರು ಆಕ್ರಂದನ ಮುಗಿಲು ಮುಟ್ಟಿದೆ. ಸ್ಥಳೀಯರು ನೀಡಿದ ಮಾಹಿತಿ ಮೇರೆಗೆ ಪೊಲೀಸರು ಸ್ಥಳಕ್ಕೆ ಧಾವಿಸಿ ರಕ್ಷಣಾ ಕಾರ್ಯ ಆರಂಭಿಸಿದ್ದಾರೆ. ಮೃತದೇಹಗಳನ್ನು ಮರಣೋತ್ತರ ಪರೀಕ್ಷೆಗೆ ರವಾನಿಸಿರುವ ಪೊಲೀಸರು ಪ್ರಕರಣ ದಾಖಲಿಸಿಕೊಂಡು ತನಿಖೆ ಆರಂಭಿಸಿದ್ದಾರೆ.