ಛತ್ರಪತಿ ಶಿವಾಜಿ ಮಹಾರಾಜನಾಗಿ ರಿಷಬ್ ಶೆಟ್ಟಿ! Rishab Shetty ಪೋಸ್ಟರ್‌ ಔಟ್

ಬೆಂಗಳೂರು: ಇಡೀ ಭಾರತ ಚಿತ್ರರಂಗವೇ ನಮ್ಮ ಕನ್ನಡ ಸಿನಿಮಾಗಳತ್ತ ನೋಡುವಂತೆ ಮಾಡಿದ ನಮ್ಮ ಹೆಮ್ಮೆಯ ಡಿವೈನ್​ಸ್ಟಾರ್​ ಖ್ಯಾತಿಯ ನಟ ರಿಷಬ್​ ಶೆಟ್ಟಿ(Rishab Shetty) 'ಕಾಂತರ ಚಾಪ್ಟರ್​-1' ಚಿತ್ರದ ಶೂಟಿಂಗ್​ನಲ್ಲಿ ಬಿಜಿ ಇದ್ದು, ಚಿತ್ರ ಕೆಲಸಗಳು ಅತ್ಯಂತ ಬೀರುಸಿನಿಂದ ಸಾಗಿದೆ.ಇದರ ನಡುವೆ ಇದೀಗ ಮತ್ತೊಂದು ಹೊಸ ಸಿನಿಮಾ ಘೋಷಣೆ ಮಾಡಿದ್ದಾರೆ.

ಕಾಂತರ ಸಿನಿಮಾ ದೇಶಾದ್ಯಂತ ಹಿಟ್​ ಆದ ಮೇಲೆ ಕಾಂತರ ಚಾಪ್ಟರ್​-1 ಚಿತ್ರದ ಮೇಲೆ ನಿರೀಕ್ಷೆ ಹೆಚ್ಚಿದೆ. ಕನ್ನಡ ಚಿತ್ರರಂಗದಲ್ಲಿ ಮಾತ್ರವಲ್ಲ. ಇತರೆ ಸಿನಿಮಾ ಇಂಡಸ್ಟ್ರೀಯಲ್ಲಿ ಕೂಡ ರಿಷಬ್​ ಬಹುಬೇಡಿಕೆಯ ನಟ ಆಗಿದ್ದಾರೆ. ಈ ಹಿನ್ನೆಲೆ ಕಾಂತರ ಚಾಪ್ಟರ್​ ಬಿಡುಗಡೆ ಮುನ್ನವೇ ನಟ ರಿಷಬ್​ ತಮ್ಮ ಮುಂಬರುವ ಎರಡು ಚಿತ್ರಗಳನ್ನು ಘೋಷಣೆ ಮಾಡಿದ್ದಾರೆ.

ಇದನ್ನೂ ಓದಿ: ಸಿಂಎಂ, ಡಿಸಿಎಂಗೆ ಧನ್ಯವಾದ ಹೇಳಿದ ಅಲ್ಲು ಅರ್ಜುನ್! ಕಾರಣವೇನು ಗೊತ್ತಾ? | Allu Arjun

ಇತ್ತೀಚಿಗಷ್ಟೇ ತೆಲುಗಿನ 'ಜೈ ಹನುಮಾನ್​' ಚಿತ್ರದಲ್ಲಿ ನಟಿಸುವುದಾಗಿ ಹೇಳಿದ್ದ ರಿಷಬ್​, ಈಗ ಮತ್ತೊಂದು ಪ್ರಾಜೆಕ್ಟ್​ 'ಛತ್ರಪತಿ ಶಿವಾಜಿ ಮಹಾರಾಜ್​' ಚಿತ್ರವನ್ನು ಇದೀಗ ಘೋಷಣೆ ಮಾಡಿದ್ದಾರೆ. ಈ ಘೋಷಣೆಯಿಂದ ಸಿನಿ ಪ್ರಿಯರ ಕುತೂಹಲ ಮತ್ತಷ್ಟು ಹೆಚ್ಚಿಸಿದೆ. ಪ್ಯಾನ್​ ಇಂಡಿಯಾ ಮಟ್ಟದಲ್ಲಿ ಮೂಡಿ ಬರಲಿರುವ ತೆಲುಗು ಚಿತ್ರರಂಗ ಜೈ ಹನುಮಾನ್​ ಮತ್ತು ಛತ್ರಪತಿ ಶಿವಾಜಿ ಮಹಾರಾಜ್​ ಚಿತ್ರಗಳಲ್ಲಿ ಕಾಣಿಸಿಕೊಳ್ಳಲು ನಟ ರಿಷಬ್​ ಶೆಟ್ಟಿ ಸಜ್ಜಾಗಿದ್ದಾರೆ.

ಪೋಸ್ಟರ್​ ಅನಾವರಣ: ಸಂದೀಪ್​ ಸಿಂಗ್​ ನಿರ್ದೇಶನದ ಹಿಸ್ಟಾರಿಕಲ್​ ಡ್ರಾಮಾ ಹೊಂದಿರುವ ಛತ್ರಪತಿ ಶಿವಾಜಿ ಮಹಾರಾಜ್​ ಚಿತ್ರದಲ್ಲಿ ರಿಷಬ್ ಮುಖ್ಯ ಭೂಮಿಕೆಯಲ್ಲಿ ಕಾಣಿಸಿಕೊಳ್ಳಲಿದ್ದಾರೆ. ಈ ಸಿನಿಮಾದ ಪೋಸ್ಟರ್​ ಕೂಡ ಅನಾವರಣವಾಗಿದೆ. ಪೋಸ್ಟರ್​ನಲ್ಲಿ ಶಿವಾಜಿ ಮಹಾರಾಜರ ರೂಪದಲ್ಲಿ ಖಡ್ಗ ಹಿಡಿದು ರಿಷಬ್ ಕಾಣಿಸಿಕೊಂಡಿದ್ದಾರೆ. ಸೋಷಿಯಲ್​ ಮಿಡಿಯಾದಲ್ಲಿ ಈ ಪೋಸ್ಟರ್​ ನೋಡಿದ ಅಭಿಮಾನಿಗಳು ಥ್ರೀಲ್​ ಆಗಿದ್ದಾರೆ. ಅಲ್ಲದೇ, ರಿಷಬ್​ ಅವರೇ ತಮ್ಮ ಇನ್ಸ್ಟಾಗ್ರಾಮ್ ಪೇಜ್​ನಲ್ಲಿ ಹಂಚಿಕೊಂಡಿದ್ದು, 2027ರ ಜನವರಿ 21ಕ್ಕೆ ಸಿನಿಮಾ ಚಿತ್ರಮಂದಿರಕ್ಕೆ ಲಗ್ಗೆ ಇಡಲಿದೆ ಎಂದು ಬರೆದುಕೊಡಿದ್ದಾರೆ.

https://www.vijayavani.net/allu-arjun-thanked-cm-and-dcm-do-you-know-the-reason