ನಾಲ್ಕು ಕ್ಯಾರಿಯರ್‌ಗಳಲ್ಲಿ ಬಂದ ರಿಹಾನ್ನಾ ಲಗೇಜ್; ಜಾಮ್‌ನಗರದಲ್ಲಿ ಜಮಾಯಿಸಿದ ಸ್ಟಾರ್​​​​​​​​ಗಳ ದಂಡು

ಮುಂಬೈ: ಉದ್ಯಮಿ ಮುಖೇಶ್ ಅಂಬಾನಿ ಮತ್ತು ನೀತಾ ಅಂಬಾನಿ ಅವರ ಕಿರಿಯ ಪುತ್ರ ಅನಂತ್ ಅಂಬಾನಿ ಈ ವರ್ಷ ರಾಧಿಕಾ ಮರ್ಚೆಂಟ್ ಅವರೊಂದಿಗೆ ವಿವಾಹವಾಗಲಿದ್ದಾರೆ. ಇದಕ್ಕೂ ಮುನ್ನ ಅಂಬಾನಿ ಕುಟುಂಬದ ತವರು ಜಾಮ್‌ನಗರದಲ್ಲಿ ವಿವಾಹ ಪೂರ್ವ ಕಾರ್ಯಕ್ರಮಗಳನ್ನು ಆಯೋಜಿಸಲಾಗಿದೆ. ಮಾರ್ಚ್ 1 ರಿಂದ 3 ರವರೆಗೆ ಮೂರು ದಿನಗಳ ಕಾಲ ನಡೆಯುವ ಸಮಾರಂಭದಲ್ಲಿ ಸ್ಟಾರ್​​ಗಳ ದಂಡೇ ಇರಲಿದೆ.

ಮೂರು ದಿನಗಳ ಕಾಲ ವಿವಿಧ ವಿಷಯಗಳ ಮೇಲೆ ಕಾರ್ಯಕ್ರಮಗಳು ನಡೆಯಲಿದ್ದು, ಬಾಲಿವುಡ್ ಮತ್ತು ಹಾಲಿವುಡ್ ತಾರೆಯರು ಪ್ರದರ್ಶನ ನೀಡಲಿದ್ದಾರೆ. ಈ ಸಮಯದಲ್ಲಿ, ಹಾಲಿವುಡ್ ಗಾಯಕಿ ರಿಹಾನ್ನಾ ಕೂಡ ಪ್ರದರ್ಶನ ನೀಡಲಿದ್ದಾರೆ. ಅವರ ತಂಡ ಮತ್ತು ಅವರು ಜಾಮ್‌ನಗರ ತಲುಪುತ್ತಿದ್ದಾರೆ. ರಿಹಾನ್ನಾ ಅವರನ್ನು ಅತ್ಯಂತ ಭವ್ಯವಾದ ಶೈಲಿಯಲ್ಲಿ ಸ್ವಾಗತಿಸಲಾಗುವುದು. 

ನಾಲ್ಕು ಕ್ಯಾರಿಯರ್‌ಗಳಲ್ಲಿ ಬಂದ ರಿಹಾನ್ನಾ ಲಗೇಜ್
ರಿಹಾನ್ನಾ ಅವರ ತಂಡದ ಅನೇಕ ಸದಸ್ಯರು ಆಕೆಯ ಆಗಮನದ ಮುಂಚೆಯೇ ಬಂದಿದ್ದಾರೆ. ರಿಹಾನ್ನಾಗಾಗಿ ಅಂಬಾನಿ ಕುಟುಂಬ ವಿಶೇಷ ವ್ಯವಸ್ಥೆ ಮಾಡಿದೆ. ಆಕೆಯನ್ನು ಕರೆದೊಯ್ಯಲು ಮರ್ಸಿಡಿಸ್ ಕಾರು ಈಗಾಗಲೇ ವಿಮಾನ ನಿಲ್ದಾಣದಲ್ಲಿ ನಿಂತಿದೆ. ಇದಲ್ಲದೇ 4 ದೊಡ್ಡ ಕ್ಯಾರಿಯರ್‌ಗಳಲ್ಲಿ ಬಂದ ರಿಹಾನ್ನಾ ಲಗೇಜ್ ಜಾಮ್‌ನಗರ ತಲುಪಿದೆ. ಹಿಂದಿನ ದಿನವೂ ರಿಹಾನ್ನಾ ತಂಡದ ಅನೇಕ ಸದಸ್ಯರು ಆಗಮಿಸಿದ್ದರು. ರಿಹಾನ್ನಾ ಅಲ್ಲದೆ ರಣಬೀರ್ ಕಪೂರ್ ಕೂಡ ತಮ್ಮ ಇಡೀ ಕುಟುಂಬದೊಂದಿಗೆ ಆಗಮಿಸಿದ್ದಾರೆ. ರಾಹಾ, ನೀತು ಮತ್ತು ಆಲಿಯಾ ವಿಮಾನ ನಿಲ್ದಾಣದಲ್ಲಿ ಕಾಣಿಸಿಕೊಂಡರು. ಇದಲ್ಲದೇ ಅರ್ಜುನ್ ಕಪೂರ್ ಕೂಡ ಆಗಮಿಸಿದ್ದಾರೆ. ಒಟ್ಟಿನಲ್ಲಿ ಈ ಸ್ಟಾರ್ ಗಳು ಈ ಕಾರ್ಯಕ್ರಮವನ್ನು ಮೆಗಾ ಕಾರ್ಯಕ್ರಮವನ್ನಾಗಿ ಮಾಡಲಿದ್ದಾರೆ.

ವಿಶೇಷ ವ್ಯವಸ್ಥೆ
ವಿಮಾನ ನಿಲ್ದಾಣಕ್ಕೆ ಆಗಮಿಸುವ ಎಲ್ಲ ಅತಿಥಿಗಳಿಗೆ ವಿಶೇಷ ವ್ಯವಸ್ಥೆ ಮಾಡಲಾಗಿದೆ. ಅಲಂಕಾರಗಳಲ್ಲದೆ ಸಾಂಪ್ರದಾಯಿಕ ಸಂಗೀತ ಮತ್ತು ನೃತ್ಯಕ್ಕೂ ವಿಶೇಷ ವ್ಯವಸ್ಥೆ ಮಾಡಲಾಗಿದೆ. ಇದಲ್ಲದೇ ಅಲ್ಲಿ ಉಪಹಾರ, ಸ್ವಾಗತ ಪಾನೀಯಗಳ ವ್ಯವಸ್ಥೆಯನ್ನೂ ಮಾಡಲಾಗಿದೆ. ಅತಿಥಿಗಳು ವಿಮಾನ ನಿಲ್ದಾಣದಿಂದ ಹೊರಬಂದ ತಕ್ಷಣ ಉಪಹಾರ ಮತ್ತು ಪಾನೀಯಗಳೊಂದಿಗೆ ಸ್ವಾಗತಿಸಲಾಗುತ್ತದೆ. ಅದರ ವಿಡಿಯೋಗಳು ನಿರಂತರವಾಗಿ ಹೊರಬರುತ್ತಿವೆ.

ಜನಪದ ಗೀತೆಗಳನ್ನೂ ಆಯೋಜಿಸಲಾಗಿದೆ
ಬುಧವಾರ, ಜಾಮ್‌ನಗರದ ರಿಲಯನ್ಸ್ ಟೌನ್‌ಶಿಪ್ ಬಳಿಯ ಜೋಗ್ವಾಡ್ ಗ್ರಾಮದಲ್ಲಿ ಮುಕೇಶ್ ಅಂಬಾನಿ, ಅನಂತ್ ಅಂಬಾನಿ ಮತ್ತು ರಾಧಿಕಾ ಮರ್ಚೆಂಟ್ ಮತ್ತು ಅಂಬಾನಿ ಕುಟುಂಬದ ಇತರ ಸದಸ್ಯರು ಸಾಂಪ್ರದಾಯಿಕ ಗುಜರಾತಿ ಆಹಾರವನ್ನು ಗ್ರಾಮಸ್ಥರಿಗೆ ಬಡಿಸಿದರು. ರಾಧಿಕಾ ಅವರ ತಾಯಿಯ ಅಜ್ಜಿ ಮತ್ತು ಪೋಷಕರಾದ ವೀರೇನ್ ಮತ್ತು ಶೈಲಾ ಮರ್ಚೆಂಟ್ ಕೂಡ ಅನ್ನ ಸೇವೆಯಲ್ಲಿ ಪಾಲ್ಗೊಂಡರು.

ಸುಮಾರು 51 ಸಾವಿರ ಸ್ಥಳೀಯ ಜನರಿಗೆ ಆಹಾರ ನೀಡಲಾಯಿತು, ಇದು ಮುಂದಿನ ಕೆಲವು ದಿನಗಳವರೆಗೆ ಮುಂದುವರಿಯುತ್ತದೆ. ಅನಂತ್ ಅಂಬಾನಿ ಮತ್ತು ರಾಧಿಕಾ ಮರ್ಚೆಂಟ್ ಅವರ ವಿವಾಹಪೂರ್ವ ಆಚರಣೆಗಳಿಗಾಗಿ ಅಂಬಾನಿ ಕುಟುಂಬ ಸ್ಥಳೀಯರ ಆಶೀರ್ವಾದವನ್ನು ಕೋರಿದೆ. ಭೋಜನದ ನಂತರ ಬಂದವರು ಸಾಂಪ್ರದಾಯಿಕ ಜಾನಪದ ಸಂಗೀತವನ್ನು ಆನಂದಿಸಿದರು. ಗುಜರಾತಿನ ಖ್ಯಾತ ಗಾಯಕಿ ಕೀರ್ತಿದನ್ ಗಧ್ವಿ ತಮ್ಮ ಗಾಯನದ ಮೂಲಕ ಜನರನ್ನು ರಂಜಿಸಿದರು.

ಅನಂತ್ ಅಂಬಾನಿ ರಿಲಯನ್ಸ್ ಇಂಡಸ್ಟ್ರೀಸ್ ಅಧ್ಯಕ್ಷ ಮುಖೇಶ್ ಅಂಬಾನಿ ಮತ್ತು ರಿಲಯನ್ಸ್ ಫೌಂಡೇಶನ್ ಸಂಸ್ಥಾಪಕ ಮತ್ತು ಅಧ್ಯಕ್ಷೆ ನೀತಾ ಅಂಬಾನಿ ಅವರ ಕಿರಿಯ ಪುತ್ರ. ರಾಧಿಕಾ ಅವರು ಎನ್‌ಕೋರ್ ಹೆಲ್ತ್‌ಕೇರ್‌ನ ಸಿಇಒ ವೀರೆನ್ ಮರ್ಚೆಂಟ್ ಮತ್ತು ಉದ್ಯಮಿ ಶೈಲಾ ಮರ್ಚೆಂಟ್ ಅವರ ಕಿರಿಯ ಪುತ್ರಿ. ಅನಂತ್ ಮತ್ತು ರಾಧಿಕಾ ಬಾಲ್ಯದ ಗೆಳೆಯರು. 

https://www.vijayavani.net/air-india-fined-rs-30-lakh-for-non-availability-of-wheelchair