ಈ ಕ್ರಮವು ಕಾಂಗ್ರೆಸ್ನ ಕಪಟ ರಾಜಕಾರಣಕ್ಕೆ ಸಾಕ್ಷಿಯಾಗಿದೆ. ಇಂತಹ ಕ್ರಮಕ್ಕೆ ಮುಂದಾಗಿರುವ ನಾಯಕರು ಆರೆಸ್ಸೆಸ್ನ 100 ವರ್ಷಗಳ ಇತಿಹಾಸದತ್ತ ಒಮ್ಮೆ ಕಣ್ಣು ಹಾಯಿಸುವುದು ಒಳಿತು. ಶಿಸ್ತು, ದೇಶಭಕ್ತಿ ಮತ್ತು ರಾಷ್ಟ್ರಸೇವೆಗೆ ಇನ್ನೊಂದು ಹೆಸರೇ ಆರೆಸ್ಸೆಸ್. ದೇಶದಲ್ಲಿ ಎಲ್ಲಿಯೇ ಪ್ರಕೃತಿ ವಿಕೋಪಗಳು, ಅವಘಡಗಳು ಸಂಭವಿಸಿದರೂ ರಕ್ಷಣೆಗೆ, ಪರಿಹಾರ ಕಾರ್ಯಕ್ಕೆ ಮೊದಲು ಧಾವಿಸುವವರು ಆರೆಸ್ಸೆಸ್ನ ಕಾರ್ಯಕರ್ತರು. ರಾಷ್ಟ್ರೀಯ ಏಕತೆ ಮತ್ತು ಸಾಮಾಜಿಕ ಸಾಮರಸ್ಯ ಬಲಪಡಿಸುವ ಕಾರ್ಯವನ್ನು ಈ ಸಂಘಟನೆ ನಿರಂತರವಾಗಿ ಮಾಡುತ್ತ ಬಂದಿದೆ. ಶಾಖೆಗಳಲ್ಲಿ ಯುವಕರಿಗೆ, ಮಕ್ಕಳಿಗೆ ಶಾರೀರಿಕ ಸದೃಢತೆಯ ತರಬೇತಿ, ನೈತಿಕ ಮೌಲ್ಯಗಳು ಮತ್ತು ಸಾಮಾಜಿಕ ಜವಾಬ್ದಾರಿಯನ್ನು ಕಲಿಸಲಾಗುತ್ತದೆ. ಇದರಿಂದ ದೇಶಕ್ಕೆ ಸಮರ್ಪಿತರಾದ ನಾಗರಿಕರು ರೂಪುಗೊಳ್ಳುತ್ತಾರೆ.
