ದೆಹಲಿ: ಖಾಸಗಿ ಹಾಸ್ಟೆಲ್ ಅಥವಾ ಪಿಜಿಗಳಲ್ಲಿ ವಸತಿ ಮಾಡುವ ವಿದ್ಯಾರ್ಥಿಗಳು ಶೇ.12ರಷ್ಟು ಜಿಎಸ್ಟಿ ಪಾವತಿಸಬೇಕು ಎಂದು ಬೆಂಗಳೂರಿನ ಜಿಎಸ್ಟಿ ಅಡ್ವಾನ್ಸ್ ರೂಲಿಂಗ್ (ಎಎಆರ್) ಪೀಠ ಆದೇಶಿಸಿದೆ. ಹಾಸ್ಟೆಲ್ಗಳನ್ನು ವಸತಿ ಕಟ್ಟಡಗಳಿಗೆ ಹೋಲಿಸಲಾಗದು ಮತ್ತು ಅವುಗಳಿಗೆ ತೆರಿಗೆ ವಿನಾಯಿತಿಯನ್ನೂ ನೀಡಲಾಗದು ಎಂದು ತಿಳಿಸಿದೆ.
ಹಾಸ್ಟೆಲ್ಗಳನ್ನು ವಸತಿ ವಸತಿ ಘಟಕಗಳೆಂದು ಪರಿಗಣಿಸಲಾಗುವುದಿಲ್ಲ. ಹಾಗಾಗಿ ಇವುಗಳು ಜಿಎಸ್ಟಿ ವಿನಾಯಿತಿಗೆ ಅರ್ಹತೆ ಹೊಂದಿಲ್ಲ ಎಂದು ಎಎಆರ್ ಹೇಳಿದೆ. ಇದರರ್ಥ ಹಾಸ್ಟೆಲ್ಗಳಲ್ಲಿ ಉಳಿಯುವವರು ಇನ್ನು ಮುಂದೆ ತಮ್ಮ ಬಾಡಿಗೆಗೆ ಹೆಚ್ಚುವರಿ 12% ತೆರಿಗೆಯನ್ನು ಪಾವತಿಸಬೇಕಾಗಬಹುದು. ಎಎಆರ್, ಶ್ರೀಸಾಯಿ ಐಷಾರಾಮಿ ಸ್ಟೇ ಎಲ್ಎಲ್ಪಿ ಪ್ರಕರಣದ ವಿಚಾರಣೆಯ ಸಂದರ್ಭದಲ್ಲಿ, ವಸತಿ ಗೃಹಗಳ ಬಾಡಿಗೆ ಮಾತ್ರ ಜಿಎಸ್ಟಿ ವಿನಾಯಿತಿಗೆ ಅರ್ಹತೆ ಪಡೆಯುತ್ತದೆ ಎಂದು ಅದು ಹೇಳಿದೆ.
ಇದನ್ನೂ ಓದಿ: VIDEO | ವಿದ್ಯಾರ್ಥಿನಿಯೊಂದಿಗೆ ಅಸಭ್ಯವಾಗಿ ವರ್ತಿಸಿದ ಧರ್ಮಗುರು..
ಅಥಾರಿಟಿ ಆಫ್ ಅಡ್ವಾನ್ಸ್ ರೂಲಿಂಗ್ (ಎಎಆರ್), ವಸತಿ ಘಟಕಗಳ ಬಾಡಿಗೆ ಮಾತ್ರ ಜಿಎಸ್ಟಿಯಿಂದ ವಿನಾಯಿತಿಗೆ ಅರ್ಹವಾಗಿವೆ. ಹಾಸ್ಟೆಲ್ಗಳು ವಸತಿ ಘಟಕಗಳು ಅಲ್ಲ. ದಿನಕ್ಕೆ 1,000 ರೂ.ವರೆಗೆ ಬಾಡಿಗೆ ಇರುವ ಹೋಟೆಲ್ಗಳು ಮತ್ತು ಅತಿಥಿ ಗೃಹಗಳಿಗೆ ಜಿಎಸ್ಟಿ ವಿನಾಯಿತಿಯನ್ನು 2022ರ ಜುಲೈ 17ರಂದು ಸರ್ಕಾರ ತೆಗೆದು ಹಾಕಿದೆ. ಆದ್ದರಿಂದ ಹಾಸ್ಟೆಲ್ ಬಾಡಿಗೆಯು ಅಂದಿನಿಂದ ಜಿಎಸ್ಟಿ ವ್ಯಾಪ್ತಿಗೆ ಒಳಪಡುತ್ತದೆ ಎಂದಿದೆ.
ಹಾಸ್ಟೆಲ್ ಅಥವಾ ಪಿಜಿಗಳಲ್ಲಿ ಯಾವುದೇ ವೈಯಕ್ತಿಕ ಅಡುಗೆ ಸೌಲಭ್ಯವಿಲ್ಲದೆ ಜನರು ಒಂದೇ ಕೋಣೆಯನ್ನು ಹಂಚಿಕೊಂಡರೆ ಅದನ್ನು ವಸತಿ ಆವರಣವೆಂದು ಪರಿಗಣಿಸಲು ಸಾಧ್ಯವಿಲ್ಲ. ಬಾಡಿಗೆಗೆ ವಾಸಸ್ಥಳವನ್ನು ತೆಗೆದುಕೊಳ್ಳುವುದಾಗಿ ಹೇಳಿ, ನಂತರ ವಿಭಾಗಗಳನ್ನು ರಚಿಸಲಾಗುತ್ತಿದೆ. ಅಲ್ಲದೇ, ಬೆಡ್ಗಳ ಆಧಾರ ಮೇಲೆ ಕೋಣೆಯನ್ನು ಹಂಚಿಕೊಳ್ಳುವ ಜನರ ಸಂಖ್ಯೆಗೆ ಅನುಗುಣವಾಗಿ ಬಾಡಿಗೆದಾರ ಅಲ್ಲಿನ ನಿವಾಸಿಗಳಿಗೆ ಶುಲ್ಕ ವಿಧಿಸುತ್ತಾನೆ. ಇದು ವಸತಿಸ್ಥಾನದ ಲಕ್ಷಣಗಳಲ್ಲ ಎಂದು ಹೇಳಿದೆ.(ಏಜೆನ್ಸೀಸ್)
