ಗುರ್ಮೀತ್ ರಾಮ್ ರಹೀಮ್​​ಗೆ 40 ದಿನಗಳ ಪೆರೋಲ್! 14ನೇ ಬಾರಿಗೆ ಜೈಲಿನಿಂದ ಬಿಡುಗಡೆ...Ram Rahim Gets Parole

Ram Rahim Gets Parole :  ತನ್ನ ಇಬ್ಬರು ಶಿಷ್ಯರ ಮೇಲೆ ಅತ್ಯಾಚಾರ ಎಸಗಿದ ಆರೋಪದಲ್ಲಿ 20 ವರ್ಷಗಳ ಜೈಲು ಶಿಕ್ಷೆ ಅನುಭವಿಸುತ್ತಿರುವ ಡೇರಾ ಸಚ್ಚಾ ಸೌದಾ ಮುಖ್ಯಸ್ಥ ಗುರ್ಮೀತ್ ರಾಮ್ ರಹೀಮ್ ಸಿಂಗ್​​ಗೆ ಮತ್ತೊಮ್ಮೆ ಪೆರೋಲ್ ಸಿಕ್ಕಿದ್ದು, ಇಂದು ಬೆಳಿಗ್ಗೆ ಜೈಲಿನಿಂದ ಬಿಡುಗಡೆಯಾಗಿ ಹೊರಗೆ ಬಂದಿದ್ದಾನೆ.

ಡೇರಾ ಮುಖ್ಯಸ್ಥ ಆಗಸ್ಟ್ 2017 ರಿಂದ ರೋಹ್ಟಕ್‌ನ ಸುನಾರಿಯಾ ಜೈಲಿನಲ್ಲಿ ಶಿಕ್ಷೆ ಅನುಭವಿಸುತ್ತಿದ್ದಾನೆ. ಆಗಸ್ಟ್ 25, 2017 ರಂದು ಪಂಚಕುಲದ ವಿಶೇಷ ಸಿಬಿಐ ನ್ಯಾಯಾಲಯವು ಸಾಧ್ವಿಗಳ (ಮಹಿಳಾ ಶಿಷ್ಯರು) ಮೇಲೆ ಅತ್ಯಾಚಾರ ಮಾಡಿದ ಆರೋಪದ ಮೇಲೆ ರಾಮ್ ರಹೀಮ್ ಅವರನ್ನು ದೋಷಿ ಎಂದು ತೀರ್ಪು ನೀಡಿತು. ಅವರಿಗೆ ತಲಾ 20 ವರ್ಷಗಳ ಜೈಲು ಶಿಕ್ಷೆ ವಿಧಿಸಲಾಯಿತು. ಪ್ರಸ್ತುತ   ಪತ್ರಕರ್ತೆಯೊಬ್ಬರ ಅತ್ಯಾಚಾರ ಮತ್ತು ಕೊಲೆ ಪ್ರಕರಣದಲ್ಲಿ ಶಿಕ್ಷೆ ಅನುಭವಿಸುತ್ತಿದ್ದಾನೆ.

ಮಾಹಿತಿಯ ಪ್ರಕಾರ, ರಾಮ್ ರಹೀಮ್​​​ಗೆ ಈ 40 ದಿನಗಳ ಪೆರೋಲ್ ಸಿಕ್ಕಿದೆ. ಬಿಗಿ ಪೊಲೀಸ್ ಭದ್ರತೆಯಲ್ಲಿ ರೋಹ್ಟಕ್ ನ ಸುನಾರಿಯಾ ಜೈಲಿನಿಂದ ಹೊರಬಂದು ಸಿರ್ಸಾ ಡೇರಾಗೆ ತೆರಳಿದ್ದಾರೆ. ರಾಮ್ ರಹೀಮ್ 14 ನೇ ಬಾರಿಗೆ ಜೈಲಿನಿಂದ ಹೊರಬಂದಿದ್ದಾನೆ. ಗುರ್ಮೀತ್ ರಾಮ್ ರಹೀಮ್ ಇದಕ್ಕೂ ಮೊದಲು ಏಪ್ರಿಲ್ 9 ರಂದು 21 ದಿನಗಳ ರಜೆಯ ಮೇಲೆ ಜೈಲಿನಿಂದ ಹೊರಬಂದಿದ್ದನು.

ಗುರ್ಮೀತ್ ರಾಮ್ ರಹೀಮ್ ಆಗಸ್ಟ್ 5 ರಂದು ಪೆರೋಲ್ ಮೇಲೆ ಜೈಲಿನಿಂದ ಹೊರಬಂದಿದ್ದು, ಈಗ ಅವರು ಸೆಪ್ಟೆಂಬರ್ 14 ರಂದು ಜೈಲಿನ ಬ್ಯಾರಕ್‌ಗೆ ಹಿಂತಿರುಗಲಿದ್ದಾನೆ. ಜಾಮೀನು ಷರತ್ತುಗಳ ಪ್ರಕಾರ, ಅವರು ಸಿರ್ಸಾದಲ್ಲಿರುವ ತಮ್ಮ ಆಶ್ರಮದಲ್ಲಿಯೇ ಇರುತ್ತಾರೆ. ಇದರೊಂದಿಗೆ, ಜನವರಿ 1 ರಿಂದ ಸೆಪ್ಟೆಂಬರ್ 14 ರವರೆಗಿನ ಕಳೆದ ನಾಲ್ಕು ತಿಂಗಳ ಅವಧಿಯಲ್ಲಿ, ಅವರು 91 ದಿನಗಳ ಕಾಲ ಜೈಲಿನಿಂದ ಹೊರಗಿದ್ದಾನೆ. ಏಪ್ರಿಲ್ ಆರಂಭದಲ್ಲಿ, ರಾಜ್ಯ ಸರ್ಕಾರವು ರಾಮ್ ರಹೀಮ್ ಅವರನ್ನು 21 ದಿನಗಳ ಕಾಲ ಫರ್ಲೋ ಮೇಲೆ ಬಿಡುಗಡೆ ಮಾಡಿತ್ತು.

ರಾಮ್ ರಹೀಮ್​​ಗೆ ಪೆರೋಲ್ ಮೇಲೆ ಹೊರಬರುವುದು ಹೊಸದೇನಲ್ಲ. ಇದಕ್ಕೂ ಮುನ್ನ ಜನರು ಪೆರೋಲ್ ಮೇಲೆ ಜೈಲಿನಿಂದ ಹೊರಬಂದಿದ್ದಾನೆ. ಈ ಬಾರಿ ರಾಮ್ ರಹೀಮ್ ಜೈಲಿನಿಂದ ಹೊರಬಂದಾಗ, ಆಗಸ್ಟ್ 15 ರಂದು ಅವರು ತಮ್ಮ ಹುಟ್ಟುಹಬ್ಬವನ್ನು ಆಚರಿಸಿಕೊಳ್ಳಲಿದ್ದಾನೆ. ಆಗಸ್ಟ್ 15 ರಂದು ರಾಮ್ ರಹೀಮ್ ಅವರ 58 ನೇ ಹುಟ್ಟುಹಬ್ಬ. ಈ ಅವಧಿಯಲ್ಲಿ ಇಡೀ ತಿಂಗಳು ಕಾರ್ಯಕ್ರಮಗಳು ನಡೆಯಲಿವೆ. ರಾಮ್ ರಹೀಮ್ ಈ ಹಿಂದೆ 21 ದಿನಗಳ ರಜೆಯ ಮೇಲೆ ಹೊರಬಂದಾಗ, ಆ ಸಮಯದಲ್ಲಿ ಏಪ್ರಿಲ್ 29 ರಂದು ಡೇರಾ ಸಚ್ಚಾ ಸೌದಾದ ಸ್ಥಾಪನಾ ದಿನವಾಗಿತ್ತು. ಇದಕ್ಕೂ ಮೊದಲು ಫೆಬ್ರವರಿ ತಿಂಗಳಲ್ಲಿ, ದೆಹಲಿ ವಿಧಾನಸಭಾ ಚುನಾವಣೆಯ ನಡುವೆ, ರಾಮ್ ರಹೀಮ್ 30 ದಿನಗಳ ಕಾಲ ಪೆರೋಲ್ ಮೇಲೆ ಹೊರಬಂದಿದ್ದನು.

https://www.vijayavani.net/this-hen-has-four-legs-watch-the-video