ಐರನ್​ ಓರ್​ ಸರಕು ರೈಲು ಸಂಚಾರಕ್ಕೆ ಚಾಲನೆ

ರಾಣೆಬೆನ್ನೂರ: ಇಲ್ಲಿಯ ರೈಲ್ವೆ ನಿಲ್ದಾಣಕ್ಕೆ ನೈರುತ್ಯ ರೈಲ್ವೆ ಪ್ರಧಾನ ನಿರ್ವಾಹಕ ಮುಕುಲ್​ ಮಥುರ್​ ಭೇಟಿ ನೀಡಿ ಮೂಲಸೌಕರ್ಯ ಹೆಚ್ಚಿಸುವ, ರೈಲ್ವೆ ಹಳಿ, ಸುರಕ್ಷತಾ ಕ್ರಮಗಳ ಕುರಿತು ಪರಿಶೀಲಿಸಿದರು.

ರೈಲ್ವೆ ನಿಲ್ದಾಣದಲ್ಲಿ ನೂತನವಾಗಿ ನಿಮಿರ್ಸಿದ ವಸತಿ ಗೃಹ ಉದ್ಘಾಟಿಸಿದರು. ಜತೆಗೆ ಐರನ್​ ಓರ್​ ಸರಕು ರೈಲು ಸಂಚಾರಕ್ಕೆ ಹಸಿರು ನಿಶಾನೆ ತೋರಿಸಿದರು. ರಾಣೆಬೆನ್ನೂರ&ಚಿಕ್ಕಜಾಜೂರ&-ಮೊಳಕಾಲ್ಮೂರು ವಿಭಾಗಗಳ ರೈಲು ಹಳಿ ನಡುವಿನ ಹಳಿ ಸ್ಥಿತಿ, ಸುರಕ್ಷತಾ ಅಂಶಗಳು ಮತ್ತು ವಿಭಾಗದ ಕಾರ್ಯಗಳನ್ನು ಪರಿಶೀಲಿಸಿದರು.

ಮುಖ್ಯ ಕಾರ್ಯನಿರ್ವಾಹಕ ಪ್ರಶಾಂತ ಕುಮಾರ, ಇಂಜಿನಿಯರ್​ ಸಿ.ಎಂ. ಗುಪ್ತಾ, ವಿಭಾಗೀಯ ರೈಲು ನಿರ್ವಾಹಕ ಮುದಿತ್​ ಮಿತ್ತ, ಮೈಸೂರು ವಿಭಾಗ ಮತ್ತು ಇತರ ಹಿರಿಯ ವಿಭಾಗೀಯ ಅಧಿಕಾರಿಗಳು ಉಪಸ್ಥಿತರಿದ್ದರು.