UP election commission: ಉತ್ತರ ಪ್ರದೇಶದ ಮತದಾರರ ಪಟ್ಟಿಯಲ್ಲಿ ವೋಟರ್‌ಗಳ ಹೆಸರುಗಳು ತುಂಬಾ ವಿಚಿತ್ರವಾಗಿ ಪ್ರಿಂಟ್ ಆಗಿದ್ದು, ಭಾರಿ ಚರ್ಚೆಗೆ ಕಾರಣವಾಗಿವೆ. 'ರಾಮ್ ನೇ ಯಾದವ್ ಕೊ ಮಾರಾ' ಹಾಗೂ ಅಪ್ಪನ ಹೆಸರಿನ ಜಾಗದಲ್ಲಿ 'ಬಿ.ಕಾಮ್' ಅಂತ ಬರೆದಿರೋದು ನೋಡಿದ್ರೆ ಯಾವುದೋ ಕಾಮಿಡಿ ಸ್ಕ್ರಿಪ್ಟ್ ತರ ಕಾಣಿಸುತ್ತದೆ.
ಈ ಎಡವಟ್ಟು ಸಾಮಾಜಿಕ ಜಾಲತಾಣಗಳಲ್ಲಿ ವೈರಲ್ ಆಗುತ್ತಿದ್ದಂತೆ ಯುಪಿ ಆಡಳಿತ ಮಂಡಳಿ ಎಚ್ಚೆತ್ತುಕೊಂಡು ಸ್ಪಷ್ಟನೆ ನೀಡಿದೆ. ಆನ್‌ಲೈನ್ ನೋಂದಣಿ ಆರಂಭವಾದ ಬಳಿಕ ಇಂಗ್ಲಿಷ್‌ನಲ್ಲಿದ್ದ ಹೆಸರುಗಳನ್ನು ಹಿಂದಿಗೆ ಪರಿವರ್ತಿಸುವಾಗ ಈ ತಾಂತ್ರಿಕ ದೋಷ ಸಂಭವಿಸಿದೆ ಎಂದು ಚುನಾವಣಾ ಆಯೋಗ ತಿಳಿಸಿದೆ. ಸಾಫ್ಟ್‌ವೇರ್ ಲಿಪ್ಯಂತರ (Transliteration) ಮಾಡಬೇಕಿದ್ದ ಜಾಗದಲ್ಲಿ ಪದಗಳ ಅರ್ಥವನ್ನು ನೇರವಾಗಿ ಅನುವಾದ (Translation) ಮಾಡಿದೆ.
