ರಾಮ ದರ್ಬಾರಿನಲ್ಲಿ ಪ್ರತಿಷ್ಠಾಪಿಸಲಾಗಿರುವ ರಾಮ ಮತ್ತು ಇತರ ಮೂರ್ತಿಗಳ ಪ್ರಾಣ ಪ್ರತಿಷ್ಠಾಪನೆ ಜೂನ್ 5ರಂದು ನಡೆದಿತ್ತು. ಶುಕ್ರವಾರ ರಾತ್ರಿ ರಾಮ ದರ್ಬಾರ್ ಗೆ ಭಕ್ತರಿಗೆ ಪ್ರವೇಶ ಕಲ್ಪಿಸುವ ತೀರ್ಮಾನ ತೆಗೆದುಕೊಳ್ಳಲಾಗಿದ್ದು, ಶನಿವಾರ ಕೆಲವೇ ಭಕ್ತರಿಗೆ ಮಾತ್ರ ಪಾಸ್ ಒದಗಿಸಲಾಗಿದೆ. ಭಾನುವಾರದಿಂದ ರಾಮ ದರ್ಬಾರ್ಗೆ ಭೇಟಿ ನೀಡಲು ಭಕ್ತಾದಿಗಳಿಗೆ ಬೆಳಗ್ಗೆ 7-9, 9ರಿಂದ 11, ಮಧ್ಯಾಹ್ನ 1 ರಿಂದ 3, 3 ರಿಂದ 5 ಗಂಟೆ, ಸಂಜೆ 5 ರಿಂದ 7 ಮತ್ತು ರಾತ್ರಿ 7 ರಿಂದ 9 ಗಂಟೆಯ ಸ್ಲಾಟ್ಗಳನ್ನು ನಿಗದಿಪಡಿಸಲಾಗಿದೆ. ಪ್ರತಿ ಸ್ಲಾಟ್ಗೆ 300 ಪಾಸ್ಗಳನ್ನು ಮಾತ್ರ ವಿತರಿಸಲಾಗುತ್ತದೆ. ಜಿಲ್ಲಾಡಳಿತ ಮತ್ತು ದೇವಾಲಯ ಟ್ರಸ್ಟ್ ತಲಾ 150 ಪಾಸ್ಗಳನ್ನು ವಿತರಿಸಲಿವೆ ಎಂದು ಶ್ರೀ ರಾಮ ಜನ್ಮಭೂಮಿ ತೀರ್ಥಕ್ಷೇತ್ರ ಟ್ರಸ್ಟ್ನ ಸದಸ್ಯ ಅನಿಲ್ ಮಿಶ್ರಾ ತಿಳಿಸಿದ್ದಾರೆ.
