ಕಾಂಗ್ರೆಸ್ನಲ್ಲಿ ಬೆಂಬಲ ಪಡೆದರೆ ವಿಧಾನಪರಿಷತ್ನ ಒಂದು ಸ್ಥಾನವನ್ನು ಬಿಟ್ಟುಕೊಡಬೇಕಾಗುತ್ತದೆ ಎಂಬ ಆತಂಕ ಜೆಡಿಎಸ್ಗೆ ಕಾಡುತ್ತಿದೆ. ಪರಿಷತ್ಗೆ ಒಂದು ಸ್ಥಾನವನ್ನು ಸುಲಭವಾಗಿ ಗೆಲ್ಲಿಸಿಕೊಳ್ಳಲು ಅವಕಾಶ ಇದೆ. ಆದ್ದರಿಂದಲೇ ಜೆಡಿಎಸ್ ತಾನಾಗಿ ಬೆಂಬಲ ಕೋರಲು ಮುಂದಾಗಿಲ್ಲ. ಬಿಜೆಪಿ ಜತೆ ಹೋಗುವುದನ್ನು ತಪ್ಪಿಸಲು ಕಾಂಗ್ರೆಸ್ ತಾನಾಗಿ ಮತಗಳ ವರ್ಗಾವಣೆ ಬಗ್ಗೆ ಭರವಸೆ ನೀಡುತ್ತದೆಂಬ ನಿರೀಕ್ಷೆಯಲ್ಲಿ ಜೆಡಿಎಸ್ ವರಿಷ್ಠರು ಕಾಯುತ್ತಿದ್ದಾರೆ. ಕಾಂಗ್ರೆಸ್ಗೂ ತಾವಾಗಿ ಮುಂದೆ ಹೋದರೆ ಪರಿಷತ್ ಸದಸ್ಯ ಸ್ಥಾನ ಕಸಿಯುವುದು ತಪ್ಪಿ ಹೋಗುತ್ತದೆಂಬ ಅಳುಕಿದೆ. ಕಾಂಗ್ರೆಸ್ ಹಾಗೂ ಜೆಡಿಎಸ್ನಲ್ಲಿ ಗೊಂದಲವಾದರೆ ಯಾರಾದರೂ ಪ್ರಭಾವಿ ಕಪು್ಪಕುದುರೆಯನ್ನು ಕಣಕ್ಕಿಳಿಸಿ ಮೂರನೇ ಸ್ಥಾನ ಗೆಲ್ಲುವ ಬಗ್ಗೆ ಬಿಜೆಪಿ ಆಸೆ ಹೊಂದಿದೆ. ಅಂತಿಮವಾಗಿ ದೇವೇಗೌಡರು ನೇರವಾಗಿ ಸೋನಿಯಾ ಗಾಂಧಿ ಜತೆ ಮಾತುಕತೆ ನಡೆಸಿದರೆ, ಬೆಂಬಲ ಸಿಗುವ ನಿರೀಕ್ಷೆ ಇದೆ. ಜೆಡಿಎಸ್ ಮಾತ್ರ ಕಾಂಗ್ರೆಸ್ ಅಥವಾ ಬಿಜೆಪಿ ಎರಡು ಕಡೆ ಅವಕಾಶವನ್ನು ತೆರೆದಿಟ್ಟುಕೊಂಡು ಕಾಯುತ್ತಿದೆ.
