ಕಾನೂನು ಸಂಘರ್ಷ: ಬಾಲಿವುಡ್ ಬೆಡಗಿ ಶಿಲ್ಪಾ ಜತೆ ವಿವಾಹ, ಪುತ್ರ ವಿಯಾನ್ ತುಂಟಾಟ, ಉದ್ಯಮಗಳ ವಿಸ್ತರಣೆಯಿಂದ ಬೀಗುತ್ತಿದ್ದ ಕುಂದ್ರಾ ಮೊದಲ ಬಾರಿಗೆ ಕಾನೂನು ಸಂಘರ್ಷಕ್ಕೆ ಒಳಗಾಗಿದ್ದು, 2013ರಲ್ಲಿ. ಐಪಿಎಲ್ ಬೆಟ್ಟಿಂಗ್ ಹಗರಣ ಕುಂದ್ರಾ ಕಾಲಿಗೆ ಸುತ್ತಿಕೊಂಡಿತು. ತತ್ಪರಿಣಾಮ ಕುಂದ್ರಾ ಕ್ರಿಕೆಟ್ ಸಂಬಂಧಿಸಿದ ಎಲ್ಲ ಚಟುವಟಿಕೆಯಿಂದ ಆಜೀವ ನಿಷೇಧಕ್ಕೆ ಒಳಗಾಗಬೇಕಾಯಿತು. ಆದರೆ, 2018ರಲ್ಲಿ ಕುಂದ್ರಾಗೆ ದೆಹಲಿ ಪೊಲೀಸರಿಂದ ಕ್ಲೀನ್ಚಿಟ್ ಸಿಕ್ಕಿತು.ಆದರೆ, 2 ಸಾವಿರ ಕೋಟಿ ರೂ. ಮೊತ್ತದ ಕ್ರಿಪ್ಟೊ ಕರೆನ್ಸಿ ವಿಷಯವಾಗಿ ಕುಂದ್ರಾ ಜಾರಿ ನಿರ್ದೇಶನಾಲಯದಿಂದ ವಿಚಾರಣೆಗೆ ಗುರಿಯಾದರು. 2019ರಲ್ಲಿ ದಾವೂದ್ ಇಬ್ರಾಹಿಂ ಸಹಚರನಾದ ಡ್ರಗ್ಸ್ ದಂಧೆಯ ಮಾಜಿ ಡಾನ್ ಇಕ್ಬಾಲ್ ಮಿರ್ಚಿಗೆ ಸಂಬಂಧಿಸಿದ ಅಕ್ರಮ ಹಣ ವರ್ಗಾವಣೆ ಪ್ರಕರಣದಲ್ಲಿ ಕುಂದ್ರಾ ವಿಚಾರಣೆ ಎದುರಿಸಬೇಕಾಯಿತು.
