ಇದು ಫೇಮಸ್​​ ಲವ್​ಸ್ಟೋರಿ; ರಾಜ್​ ಕಪೂರ್​​ ಕುಡಿದ ಅಮಲಿನಲ್ಲಿ ರಾತ್ರಿಯಿಡಿ ಅಳಲು ಆಕೆಯೇ ಕಾರಣ.. | Raj kapoor

ಮುಂಬೈ: ಸುನಿಲ್ ಮತ್ತು ನರ್ಗೀಸ್ ಅವರ ಪ್ರೇಮಕಥೆಯಿಲ್ಲದೆ ಬಾಲಿವುಡ್‌ನ ಯಾವುದೇ ಸಾಂಪ್ರದಾಯಿಕ ಪ್ರೇಮಕಥೆಗಳ ಉಲ್ಲೇಖವು ಅಪೂರ್ಣವಾದಂತಾಗುತ್ತದೆ. ಭಾರತೀಯ ಚಿತ್ರರಂಗದ ಹಿರಿಯ ನಟ ರಾಜ್ ಕಪೂರ್(Raj kapoor) ಮತ್ತು ನರ್ಗೀಸ್ ಅವರ ಪ್ರೇಮಕಥೆಯನ್ನು ಎಲ್ಲಾ ಸಮಯದಲ್ಲೂ ಉಲ್ಲೇಖಿಸಲಾಗುತ್ತದೆ. ನರ್ಗೀಸ್ ಅವರ ಮೊದಲ ಪ್ರೀತಿ ಮದುವೆಯಾಗಿ ಮಕ್ಕಳನ್ನು ಹೊಂದಿದ್ದ ರಾಜ್ ಕಪೂರ್ ಎಂಬುದು ಎಲ್ಲರಿಗೂ ಗೊತ್ತು.

ಇದನ್ನು ಓದಿ: Mufasa The Lion King | ವಿಶೇಷ ಅತಿಥಿಯೊಂದಿಗೆ ಸಿನಿಮಾ ವೀಕ್ಷಣೆಗೆ ಬಂದ ಪ್ರಿನ್ಸ್​​​ ಮಹೇಶಬಾಬು ಅಭಿಮಾನಿ

ರಾಜ್ ಕಪೂರ್ ಮತ್ತು ನರ್ಗೀಸ್ ಅನೇಕ ಚಿತ್ರಗಳಲ್ಲಿ ಒಟ್ಟಿಗೆ ಕೆಲಸ ಮಾಡಿದ್ದಾರೆ. ಅವರ ಜೋಡಿಯು ತೆರೆಯ ಮೇಲೆ ಎಲ್ಲರನ್ನು ಮೋಡಿ ಮಾಡುತಿತ್ತು. ನಿಜ ಜೀವನದಲ್ಲಿ ನರ್ಗೀಸ್ ರಾಜ್ ಕಪೂರ್ ಅವರ ಹೃದಯದ ಅರಸಿಯಾಗಿದ್ದರು. ಇಬ್ಬರೂ ಸುಮಾರು 9 ವರ್ಷಗಳ ಕಾಲ ಒಬ್ಬರಿಗೊಬ್ಬರು ಡೇಟಿಂಗ್ ಮಾಡುತ್ತಿದ್ದರು. ಆದರೆ ಇದ್ದಕ್ಕಿದ್ದಂತೆ ಈ ಸಂಬಂಧ ಮುರಿದುಹೋಯಿತು ಮತ್ತು ಇಬ್ಬರೂ ಮತ್ತೆ ಒಟ್ಟಿಗೆ ಕಾಣಿಸಿಕೊಂಡಿಲ್ಲ.

ರಾಜ್ ಕಪೂರ್ ಮತ್ತು ನರ್ಗೀಸ್ ಸುಮಾರು 9 ವರ್ಷಗಳ ಕಾಲ ಒಟ್ಟಿಗೆ ಇದ್ದರು, ಇಬ್ಬರೂ ಪರಸ್ಪರ ಪ್ರೀತಿಸುತ್ತಿದ್ದರು. ಆದರೆ ಈ ಪ್ರೇಮಕಥೆಗೆ ದೊಡ್ಡ ಅಡ್ಡಿಯಾಗಿದ್ದು ರಾಜ್ ಕಪೂರ್ ಮದುವೆ. ರಾಜ್ ಕಪೂರ್ ಕೃಷ್ಣ ಕಪೂರ್ ಅವರನ್ನು ಮದುವೆಯಾಗಿದ್ದು ಅವರಿಗೆ ಐವರು ಮಕ್ಕಳಿದ್ದರು. ಆದರೂ ಅವರು ನರ್ಗೀಸ್‌ ಜತೆಗೆ ಒಟ್ಟಿಗೆ ವಾಸಿಸುವುದಾಗಿ ಭರವಸೆ ನೀಡುತ್ತಿದ್ದರು. ಆದರೆ ಎಂದೂ ಅವರು ತಮ್ಮ ಹೆಂಡತಿಯನ್ನು ಬಿಟ್ಟು ಹೋಗಲಿಲ್ಲ. ಇಂಥಾ ಪರಿಸ್ಥಿತಿಯಲ್ಲಿ ರಾಜ್ ಕಪೂರ್ ಎಷ್ಟು ಪ್ರಯತ್ನಪಟ್ಟರೂ ನರ್ಗೀಸ್​​ ಜತೆಗಿನ ಮದುವೆಯ ಭರವಸೆಯನ್ನು ಈಡೇರಿಸಲು ಸಾಧ್ಯವಾಗದಿದ್ದಾಗ, ನರ್ಗೀಸ್ ಅವರಿಂದ ದೂರ ಉಳಿಯಲು ನಿರ್ಧರಿಸಿದರು ಮತ್ತು ಸುನೀಲ್ ದತ್ ಅವರನ್ನು ವಿವಾಹವಾಗಲು ಆಯ್ಕೆ ಮಾಡಿದರು.

ರಾಜ್ ಕಪೂರ್ ಅವರ ಪತ್ನಿ ಕೃಷ್ಣ ರಾಜ್ ಕಪೂರ್ ಮಾಧ್ಯಮವೊಂದಕ್ಕೆ ನೀಡಿದ ಹಳೆಯ ಸಂದರ್ಶನದಲ್ಲಿ ನರ್ಗೀಸ್​ ಮದುವೆ ಬಳಿಕ ರಾಜ್​ ಕಪೂರ್​ ಹೇಗಿರುತ್ತಿದ್ದರು ಎಂಬುದನ್ನು ತಿಳಿಸಿದ್ದಾರೆ. ನರ್ಗೀಸ್ ಅವರ ಮದುವೆಯ ನಂತರ, ರಾಜ್ ಕಪೂರ್ ಅವರು ಮದ್ಯದ ಅಮಲಿನಲ್ಲಿ ತಡವಾಗಿ ಮನೆಗೆ ಬರುತ್ತಿದ್ದರು. ನರ್ಗೀಸ್ ತನಗೆ ದ್ರೋಹ ಬಗೆದಿದ್ದಾಳೆಂದು ಭಾವಿಸಿ ಬಾತ್‌ಟಬ್‌ಗೆ ಬಿದ್ದು ಅಳುತ್ತಿದ್ದರು ಎಂದು ಹೇಳಿದರು. 1986ರಲ್ಲಿ ಸ್ವತಃ ರಾಜ್ ಕಪೂರ್ ಅವರು ಮಾಧ್ಯಮವೊಂದಕ್ಕೆ ನೀಡಿದ ಸಂದರ್ಶನದಲ್ಲಿ ನರ್ಗೀಸ್ ತನಗೆ ಮೋಸ ಮಾಡಿದ್ದಾರೆ ಎಂದು ಹೇಳಿದ್ದರು.

ನರ್ಗೀಸ್ ನಿಧನದ ಸಂದರ್ಭದಲ್ಲಿ ರಾಜ್ ಕಪೂರ್ ಬಂದರೂ ಬಾಗಿಲಲ್ಲೇ ನಿಂತಿದ್ದರು. ಎಲ್ಲರೂ ಅವರಿಗೆ ಕರೆ ಮಾಡಿ ನರ್ಗೀಸ್ ಅವರನ್ನು ಕೊನೆಯ ಬಾರಿಗೆ ನೋಡಲು ಕೇಳಿಕೊಂಡರು ಆದರೆ ರಾಜ್ ಕಪೂರ್ ಕೊನೆಯ ಬಾರಿಗೆ ನರ್ಗೀಸ್ ಅವರನ್ನು ನೋಡಲು ನಿರಾಕರಿಸಿದರು. ಈ ಮೂಲಕ ಅವರ ಪ್ರೇಮಕಥೆ ದುಃಖದ ಅಂತ್ಯ ಕಂಡಿತು(ಏಜೆನ್ಸೀಸ್​​)

https://www.vijayavani.net/mamta-kulkarni-says-please-stop-using-titles-like-husband-or-wife-in-connection-with-vicky-goswami