ತಾಲೂಕು ಕೀಡಾಂಗಣದಲ್ಲಿ(ಮಂಗಳಾ ಸ್ಟೇಡಿಯಂ) ನಿರ್ಮಾಣ ಹಂತದಲ್ಲಿರುವ ಒಳಾಂಗಣ ಕ್ರೀಡಾಂಗಣದ ಮಹಡಿಗೆ ಅಳವಡಿಸಿದ್ದ ಶೀಟು ಹಾರಿ ಹೋಗಿ ಹಾನಿಯಾಗಿದೆ. ಆನೆಕೆರೆ ರಸ್ತೆ ಸಮೀಪದ ಗೂಡಂಗಡಿಗಳಿಗೆ ಅಳವಡಿಸಿದ್ದ ಶೀಟುಗಳು ಗಾಳಿಯ ರಭಸಕ್ಕೆ ಹಾರಿ ರಸ್ತೆಯಲ್ಲೆಲ್ಲಾ ಹರಡಿದೆ. ಗಾಳಿ ಮಳೆಯಿಂದಾಗಿ ಕೋಟಿ ಚೆನ್ನಯ್ಯ ಥೀಮ್ ಪಾರ್ಕ್ನ ಮುಂಭಾಗದ ರಸ್ತೆಯಲ್ಲಿ ವಿದ್ಯುತ್ ಕಂಬ ಮುರಿದು ಬಿದ್ದಿದ್ದು, ರಸ್ತೆಗೆ ಅಡ್ಡಲಾಗಿ ಮರ ಬಿದ್ದು ಸಂಚಾರಕ್ಕೆ ಅಡಚಣೆಯಾಗಿದೆ. ಮುಡಾರು ಗ್ರಾಮದಲ್ಲಿ 7 ಸಾವಿರ ಕೋಳಿಗಳಿದ್ದ ಕೋಳಿ ಶೆಡ್ನ ಮೇಲ್ಛಾವಣಿ ಸಂಪೂರ್ಣವಾಗಿ ಜಖಂಗೊಂಡಿದೆ. ಎರಡೂವರೆ ಸಾವಿರ ಕೋಳಿಗಳು ಮೃತಪಟ್ಟಿವೆ. ಗ್ರಾಮದ ವಿವಿಧೆಡೆ ಕೃಷಿಗೆ ಅಪಾರ ಪ್ರಮಾಣದಲ್ಲಿ ಹಾನಿಯಾಗಿದೆ.
