ಕೇಂದ್ರದ ಮತ ಕಳ್ಳತನದ ಬಗ್ಗೆ ಸ್ಪೋಟಕ ಪುರಾವೆ ಹಂಚಿಕೊಳ್ಳುವುದಾಗಿ ರಾಹುಲ್ ಗಾಂಧಿ ಪ್ರತಿಜ್ಞೆ | Rahul Gandhi

Rahul Gandhi: ಕೇಂದ್ರ ಸರ್ಕಾರದ ಮತ ಕಳ್ಳತನದ ಬಗ್ಗೆ ಸ್ಫೋಟಕ ಪುರಾವೆಯನ್ನು ಪ್ರಸ್ತುತಪಡಿಸುವುದಾಗಿ ಲೋಕಸಭಾ ವಿಪಕ್ಷ ನಾಯಕ ರಾಹುಲ್ ಗಾಂಧಿ ಗುರುವಾರ (ಸೆಪ್ಟೆಂಬರ್,11) ಹೇಳಿದ್ದಾರೆ.

ಈ ಬಗ್ಗೆ ಸುದ್ದಿ ಸಂಸ್ಥೆಯೊಂದಿಗೆ ಉತ್ತರ ಪ್ರದೇಶದ ರಾಯ್​ಬರೇಲಿಯಲ್ಲಿ ಮಾತನಾಡಿದ ರಾಹುಲ್​​, ನಾವು ಬೆಂಗಳೂರು ಸೆಂಟ್ರಲ್‌ಗೆ ಸಂಬಂಧಿಸಿದ ಮತ ಕಳ್ಳತನದ ಪುರಾವೆಗಳನ್ನು ನೀಡಿದ್ದೇವೆ.ಅಲ್ಲದೆ, ಮುಂದೆ, ನಾವು ಕ್ರಿಯಾತ್ಮಕ ಮತ್ತು ಸ್ಫೋಟಕ ಪುರಾವೆಗಳನ್ನು ನೀಡುತ್ತೇವೆ. ಮತ ಕಳ್ಳತನ ಮತ್ತು ಅಧಿಕಾರ ಕಳ್ಳತನ ಎಂಬ ಘೋಷಣೆ ವಾಕ್ಯಗಳು ದೇಶದಾದ್ಯಂತ ಪ್ರತಿಧ್ವನಿಸುತ್ತಿದೆ. ರಾಷ್ಟ್ರದಲ್ಲಿ ಬೆಂಕಿಯಂತೆ ಹರಡುತ್ತಿದೆ. ಏಕೆಂದರೆ, ಇದು ಸತ್ಯ ಎಂದು ತಿಳಿಸಿದ್ದಾರೆ.

ಬಿಜೆಪಿ ನಾಯಕರು ಉದ್ರೇಕಗೊಳ್ಳುವುದನ್ನು ನಿಲ್ಲಿಸಬೇಕು ಏಕೆಂದರೆ ಹೈಡ್ರೋಜನ್ ಬಾಂಬ್ ಎಲ್ಲವನ್ನೂ ಸ್ಪಷ್ಟಪಡಿಸುತ್ತದೆ ಎಂದು ರಾಹುಲ್ ಹೇಳಿದರು. ಅಲ್ಲದೆ, ಕಳೆದ ತಿಂಗಳು, ಬಿಹಾರದ ಮುಜಫರ್‌ಪುರದಲ್ಲಿ ನಡೆದ ತಮ್ಮ ಮತ ಅಧಿಕಾರ ಯಾತ್ರೆಯಲ್ಲಿ, ರಾಹುಲ್ ​ಗಾಂಧಿ, ಆಡಳಿತಾರೂಢ ಬಿಜೆಪಿ ಚುನಾವಣೆಗಳಲ್ಲಿ ಮತ ಕದಿಯುತ್ತಿದೆ ಎಂದು ಕಿಡಿಕಾರಿದ್ದರು.

ಇದನ್ನೂ ಓದಿ: ಕಾಂಗ್ರೆಸ್​ನಲ್ಲಿ ಕೆಲಸ ಮಾಡದೇ ಇರುವ ಕೆಟ್ಟ ಮಾವಿನ ಹಣ್ಣುಗಳನ್ನು ತಕ್ಷಣ ತೆಗೆದುಹಾಕಬೇಕು: ಮಲ್ಲಿಕಾರ್ಜುನ ಖರ್ಗೆ| Mallikarjun Kharge

ಮುಂದಿನ ದಿನಗಳಲ್ಲಿ, ನರೇಂದ್ರ ಮೋದಿ, ಅಮಿತ್ ಶಾ ಮತ್ತು ಮುಖ್ಯ ಚುನಾವಣಾ ಆಯುಕ್ತರು ಮತಗಳನ್ನು ಕದಿಯುತ್ತಿದ್ದಾರೆ ಎಂಬುದನ್ನು ನಾವು ನಿಮಗೆ ನಿಸ್ಸಂದೇಹವಾಗಿ ಸಾಬೀತುಪಡಿಸುತ್ತೇವೆ.ಮುಂದಿನ 6 ತಿಂಗಳೊಳಗೆ ಲೋಕಸಭೆ ಮತ್ತು ವಿಧಾನಸಭೆಯಲ್ಲಿ ಮತ ಕಳ್ಳತನದ ಮಾದರಿಯನ್ನು ಅಭಿವೃದ್ಧಿಪಡಿಸಿದ್ದಾರೆ ಎಂದು ನಾವು ನಿಮಗೆ ತಿಳಿಸುತ್ತೇವೆ. ಇದನ್ನು ಕೇಂದ್ರವು ಗುಜರಾತ್ ಮಾದರಿ ಎಂದು ಹೆಸರಿಸಿದೆ. ಬಿಹಾರದ ಯುವಕರು ಪ್ರಧಾನಿ ನರೇಂದ್ರ ಮೋದಿಗೆ ಮತ ಕಳ್ಳತನ ಹೇಗೆ ಕೊನೆಗೊಳಿಸಲಾಗುತ್ತದೆ ಎಂಬುದನ್ನು ತೋರಿಸುತ್ತಾರೆ ಎಂದು ರಾಹುಲ್​ ತಿಳಿಸಿದ್ದಾರೆ.

ನಮ್ಮಲ್ಲಿ ಯಾವುದೇ ಪುರಾವೆ ಇಲ್ಲದ ಕಾರಣ ನಾವು ಏನನ್ನೂ ಹೇಳಲಿಲ್ಲ. ಆದರೆ ಮಹಾರಾಷ್ಟ್ರದಲ್ಲಿ ಬಿಜೆಪಿಯು ಮತ ಕಳ್ಳತನವನ್ನು ಅತಿಯಾಗಿ ಮಾಡಿದ್ದರಿಂದ ನಮಗೆ ಪುರಾವೆ ಸಿಕ್ಕಿತು. ಲೋಕಸಭಾ ಚುನಾವಣೆಯ ನಂತರ ಇಸಿಐ ಮಹಾರಾಷ್ಟ್ರದಲ್ಲಿ ಸುಮಾರು 1 ಕೋಟಿ ಹೆಚ್ಚಿನ ಮತಗಳನ್ನು ಸೇರಿಸಿತು. ಅಲ್ಲದೆ, ಹರಿಯಾಣ, ಮಹಾರಾಷ್ಟ್ರ ಮತ್ತು ಲೋಕಸಭಾ ಚುನಾವಣೆಗಳನ್ನು ಹೇಗೆ ಮತಗಳನ್ನು ಹೇಗೆ ಕದ್ದರು ಎಂಬುದನ್ನು ನಾವು ನಿಮಗೆ ಪುರಾವೆಗಳೊಂದಿಗೆ ತೋರಿಸುತ್ತೇವೆ ಎಂದು ಗಾಂಧಿ ಹೇಳಿದರು. (ಏಜೆನ್ಸೀಸ್)

https://www.vijayavani.net/132-years-of-swami-vivekanandas-chicago-speech-pm-modi-calls-it-the-most-inspiring-moment-in-our-history#SwamiVivekananda