ಇಲ್ಲಿ ತುಂಬ ಕಷ್ಟ...! ತಂದೆಯಿಂದಲೇ ಮೃತಪಟ್ಟ ರಾಧಿಕಾ ಮಾಡಿದ ವಾಟ್ಸ್​ಆ್ಯಪ್​ ಚಾಟ್​ಗಳು ಲಭ್ಯ, ಕೋಚ್​ಗೆ ಹೇಳಿದ್ದಿಷ್ಟು | Radhika

Radhika Yadav: ತಂದೆಯಿಂದಲೇ ಗುಂಡೇಟಿಗೆ ಬಲಿಯಾದ ರಾಷ್ಟ್ರ ಮಟ್ಟದ ಟೆನಿಸ್​ ಆಟಗಾರ್ತಿ ರಾಧಿಕಾ ಯಾದವ್​ ಪ್ರಕರಣ ಸದ್ಯ ಇಡೀ ದೇಶವನ್ನೇ ಬೆಚ್ಚಿ ಬೀಳಿಸಿದೆ. ಒಬ್ಬ ತಂದೆಯೇ ಸಾಧನೆಯ ಹಾದಿಯಲ್ಲಿದ್ದ ಮಗಳನ್ನು ಗುಂಡಿಟ್ಟು ಕೊಲ್ಲುತ್ತಾರೆ ಎಂಬ ಸಂಗತಿ ನಿಜಕ್ಕೂ ಅರಗಿಸಿಕೊಳ್ಳಲು ಕಷ್ಟಸಾಧ್ಯ. ಈ ಪ್ರಕರಣ ದೇಶದಲ್ಲಿ ಭಾರೀ ಚರ್ಚೆ ಹುಟ್ಟುಹಾಕಿದೆ. ಹೆತ್ತ ಮಗಳನ್ನೇ ಕೊಲ್ಲುವಷ್ಟು ಸೇಡು ಆ ತಂದೆಗೆ ಏನಿತ್ತು ಎಂಬ ಪ್ರಶ್ನೆಗಳು ತೀವ್ರ ಚರ್ಚೆಗೆ ಗ್ರಾಸವಾಗಿದ್ದು, ತಂದೆ-ಮಗಳಿಗೆ ಸಂಬಂಧಿಸಿದಂತೆ ಹಲವು ಅಚ್ಚರಿ ವಿಚಾರಗಳು ಹೊರಬರುತ್ತಿವೆ.

ಇದನ್ನೂ ಓದಿ: ಎಷ್ಟು ದಿನಗಳ ನಂತರ ಚಪ್ಪಲಿಗಳನ್ನು ಬದಲಾಯಿಸಬೇಕು, ದೀರ್ಘಕಾಲ ಒಂದೇ ಚಪ್ಪಲಿಯನ್ನು ಧರಿಸಿದರೆ ಏನಾಗುತ್ತದೆ ಗೊತ್ತಾ? Slippers

ಮಗಳ ಸಾಧನೆಯ ಹಾದಿಗೆ ಅಡಿಪಾಯ ಹಾಕಿಕೊಟ್ಟಿದ್ದೇ ತಂದೆ ದೀಪಕ್​ ಎನ್ನುವಾಗ ರಾಧಿಕಾಳನ್ನು ಟೆನಿಸ್​ನಿಂದ ದೂರವಿರಲು ಆತ ಹೇಳಲು ಸಾಧ್ಯವೇ? ಗುಂಡಿಟ್ಟು ಕೊಲ್ಲುವ ಮನಸ್ಸು ಹೇಗೆ ಮೂಡಿತು? ಅನ್ನೋದೇ ನಂಬಲು ಅಸಾಧ್ಯ. ಇದರ ಹಿಂದೆ ಬೇರೇನೋ ಕಾರಣವಿರಬೇಕು ಎಂದು ದೀಪಕ್​ ಪರಿಚಯಸ್ಥರೊಬ್ಬರು ಹೇಳಿದ್ದಾರೆ. ರಾಧಿಕಾಳ ಹತ್ಯೆ ಬಳಿಕ ಆಕೆ ಇನ್​ಸ್ಟಾಗ್ರಾಮ್​ನಲ್ಲಿ ರೀಲ್ಸ್​ ಮತ್ತು ಮ್ಯೂಸಿಕ್ ವಿಡಿಯೋದಲ್ಲಿ ಕಾಣಿಸಿಕೊಂಡಿದ್ದು ದೀಪಕ್​ಗೆ ಇಷ್ಟವಿರಲಿಲ್ಲ ಎಂಬ ವಿಷಯಗಳು ಹೊರಬಿದ್ದಿವೆ. ಇದರ ಮಧ್ಯೆ ಮತ್ತೊಂದು ಸಂಗತಿ ಬಯಲಾಗಿದ್ದು, ರಾಧಿಕಾ ತನ್ನ ಕೋಚ್​ಗೆ ಕಳುಹಿಸಿದ ವಾಟ್ಸ್​ಆ್ಯಪ್ ಸಂದೇಶಗಳಲ್ಲಿ ತಾನು ಅನುಭವಿಸುತ್ತಿದ್ದ ನೋವನ್ನು ಹಂಚಿಕೊಂಡಿದ್ದಾಳೆ.​

ಇದನ್ನೂ ಓದಿ: ಅಲೆಮಾರಿಗಳ ಸಮಾವೇಶ ಏಕಪಕ್ಷೀಯ ನಿರ್ಧಾರ: ಕುಳುವ ಮಹಾಸಭಾದ ಮಾಜಿ ಅಧ್ಯಕ್ಷ ತಿರುಮಲಾಪುರ ಗೋಪಾಲ್ ಆಕ್ರೋಶ

ತನ್ನ ಕೋಚ್ ​ಅಜಯ್‌ಗೆ ಕಳುಹಿಸಿರುವ ಸಂದೇಶದಲ್ಲಿ, "ನೋಡಿ, ಚೀನಾದಲ್ಲಿ ಆಹಾರ ಸಮಸ್ಯೆ ಎದುರಾಗುತ್ತೆ. ದುಬೈ, ಆಸ್ಟ್ರೇಲಿಯಾ ದೇಶಗಳಾದರೆ ಪರವಾಗಿಲ್ಲ. ನನಗೆ ಆಸ್ಟ್ರೇಲಿಯಾದಲ್ಲಿ ಕುಟುಂಬವಿದೆ. ಕೆಲವು ಕಾಲ ನಾನೊಬ್ಬಳೇ ಬದುಕಬೇಕು" ಎಂದು ರಾಧಿಕಾ ಹೇಳಿದ್ದಾರೆ. ಇದಕ್ಕೆ ಅಜಯ್​ ವಾಯ್ಸ್​ ನೋಟ್​ನಲ್ಲಿ ಪ್ರತಿಕ್ರಿಯಿಸಿದ್ದಾರೆ.

ಮತ್ತೊಂದು ಸಂದೇಶದಲ್ಲಿ...

"1 ಅಥವಾ 2 ತಿಂಗಳುಗಳು. ನಾನು ಸ್ವಲ್ಪ ಸಮಯ ಇಲ್ಲಿಂದ ಹೊರಡಲು ಬಯಸುತ್ತೇನೆ. ಕುಟುಂಬವರು ಚೆನ್ನಾಗಿದ್ದಾರೆ. ಆದರೆ, ನಾನು ಸ್ವಲ್ಪ ಸಮಯದವರೆಗೆ ಸ್ವತಂತ್ರವಾಗಿ ಜೀವನ ಮಾಡಲು ಎದುರುನೋಡುತ್ತಿರುವೆ. ನಾನು ಖುಷಿಯಾಗಿರಲು ಬಯಸುತ್ತಿದ್ದೀನಿ. ಇಲ್ಲಿ ಸಾಕಷ್ಟು ನಿರ್ಬಂಧಗಳಿವೆ" ಎಂದಿದ್ದಾರೆ. ಇನ್ನೊಂದು ಚಾಟ್​ನಲ್ಲಿ, "ನಾನು ನನ್ನ ತಂದೆಯೊಂದಿಗೆ ಮಾತನಾಡಿದೆ. ಆದರೆ, ಅವರು ಎಲ್ಲವನ್ನೂ ಕೇಳಿ ಕಡೆಗೆ ನಿರಾಕರಿಸಿದ್ದಾರೆ. ಅಪ್ಪ, ಯಾವುದೇ ಅರ್ಥವಿಲ್ಲ ಮತ್ತು ಹೆಚ್ಚು ಹಣ ಉಳಿಸಲು ಸಾಧ್ಯವಿಲ್ಲ ಎನ್ನುತ್ತಿದ್ದಾರೆ" ಎಂದು ಅಜಯ್​ಗೆ ಹೇಳಿರುವುದಾಗಿ 'ಎನ್​ಡಿಟಿವಿ' ಸುದ್ದಿ ಸಂಸ್ಥೆ ತನ್ನ ವರದಿಯಲ್ಲಿ ತಿಳಿಸಿದೆ,(ಏಜೆನ್ಸೀಸ್).

https://www.vijayavani.net/the-villagers-knew-about-the-wealth-of-deepak-who-killed-radhika