ನಿರ್ದೇಶಕ ವಿವೇಕ್​ ಅಗ್ನಿಹೋತ್ರಿ ಮುಂಬೈನಲ್ಲಿ ಖರೀದಿಸಿರುವ ಐಷಾರಾಮಿ ಅಪಾರ್ಟ್​ಮೆಂಟ್​ ಬೆಲೆ ಕೇಳಿದ್ರೆ ಬೆರಗಾಗ್ತೀರಾ!

ಮುಂಬೈ: ಕಾಶ್ಮೀರಿ ಪಂಡಿತರ ನರಮೇಧದ ಭಯಾನಕ ಚಿತ್ರಣವನ್ನು "ದಿ ಕಾಶ್ಮೀರ್​ ಫೈಲ್ಸ್​" ಸಿನಿಮಾ ಮೂಲಕ ತೆರೆಯ ಮೇಲೆ ತರುವ ಮೂಲಕ ನಿರ್ದೇಶಕ ವಿವೇಕ್​ ರಂಜನ್​ ಅಗ್ನಿಹೋತ್ರಿ ಅಭೂತಪೂರ್ವ ಗೆಲುವು ಸಾಧಿಸಿದ್ದಾರೆ. ಈ ಒಂದು ಸಿನಿಮಾ ಮೂಲಕ ವಿವೇಕ್​ ಅದೃಷ್ಟವೇ ಬದಲಾಗಿದ್ದು, ಅದಕ್ಕೆ ಉದಾಹರಣೆ ಎಂಬಂತೆ ವಾಣಿಜ್ಯ ನಗರಿ ಮುಂಬೈನಲ್ಲಿ ಐಷಾರಾಮಿ ಅಪಾರ್ಟ್​ಮೆಂಟ್​ ಅನ್ನು ಖರೀದಿ ಮಾಡಿದ್ದಾರೆ.

ವಿವೇಕ್​ ಅವರು ತಮ್ಮ ಪತ್ನಿ ಹಾಗೂ ನಟಿ ಪಲ್ಲವಿ ಜೋಶಿ ಅವರೊಂದಿಗೆ ಅಂಧೇರಿಯ ಐಷಾರಾಮಿ ವರ್ಸೋವಾ ಪ್ರದೇಶದಲ್ಲಿ ಅಪಾರ್ಟ್​ಮೆಂಟ್​ ಖರೀದಿಸಿದ್ದಾರೆ. ಈ ಅಪಾರ್ಟ್​ಮೆಂಟ್​ 3,258 ಚದರ ಅಡಿ ವಿಸ್ತೀರ್ಣದಲ್ಲಿ ಹರಡಿದೆ. ರಾಯಸ್ಕರನ್ ಪಾರ್ಥೆನಾನ್‌ನಲ್ಲಿರುವ 30ನೇ ಮಹಡಿಯಲ್ಲಿ ಈ ಅಪಾರ್ಟ್​ಮೆಂಟ್​ ಇದೆ.

ಅಪಾರ್ಟ್​ಮೆಂಟ್​ನ ಅನ್ನು 17.92 ಕೋಟಿ ರೂಪಾಯಿಗೆ ಖರೀದಿಸಿದ್ದಾರೆಂದು ತಿಳಿದುಬಂದಿದೆ. ಅಪಾರ್ಟ್‌ಮೆಂಟ್‌ನ ಮೌಲ್ಯ ಪ್ರತಿ ಚದರ ಅಡಿಗೆ ಸುಮಾರು 55,000 ರೂಪಾಯಿ ಎಂದು ಅಂದಾಜಿಸಲಾಗಿದೆ. ಖರೀದಿ ಒಪ್ಪಂದಕ್ಕೆ ಮುದ್ರಾಂಕ ಶುಲ್ಕವೇ 1.07 ಕೋಟಿ ರೂ. ಖರ್ಚಾಗಿದೆ ಎನ್ನಲಾಗಿದೆ.

ಈ ಅಪಾರ್ಟ್​ಮೆಂಟ್​ನಲ್ಲಿ ಮೂರು ಕಾರು ಪಾರ್ಕಿಂಗ್ ಸ್ಲಾಟ್‌ಗಳು ಇದೆ. ಈ ಆಸ್ತಿಯನ್ನು ಸೆಪ್ಟೆಂಬರ್ 27 ರಂದು ನೋಂದಾಯಿಸಲಾಗಿದೆ. ಕುತೂಹಲಕಾರಿ ಸಂಗತಿಯೇನೆಂದರೆ, ಬಾಲಿವುಡ್ ಮೆಗಾಸ್ಟಾರ್ ಅಮಿತಾಬ್ ಬಚ್ಚನ್ ಕೆಲವು ದಿನಗಳ ಹಿಂದೆ ಕಟ್ಟಡದಲ್ಲಿ ಸಂಪೂರ್ಣ 31 ನೇ ಮಹಡಿಯನ್ನು ಖರೀದಿಸಿದ್ದರು.

ಅಂದಹಾಗೆ ವಿವೇಕ್​ ಅವರ 'ದಿ ಕಾಶ್ಮೀರ್ ಫೈಲ್ಸ್' 2022ರಲ್ಲಿ ತೆರೆಕಂಡ ಅತಿದೊಡ್ಡ ಹಿಟ್‌ ಚಿತ್ರಗಳಲ್ಲಿ ಒಂದಾಗಿದೆ. ಇದು ಕೇವಲ 15 ಕೋಟಿ ರೂಪಾಯಿ ಬಜೆಟ್‌ನಲ್ಲಿ ತಯಾರಿಸಲ್ಪಟ್ಟಿದ್ದರೂ, ಇದು ವಿಶ್ವದಾದ್ಯಂತ ಬಾಕ್ಸ್ ಆಫೀಸ್‌ನಲ್ಲಿ 340 ಕೋಟಿ ರೂಪಾಯಿಗಳನ್ನು ಗಳಿಸಿತು. ವಿವೇಕ್​ ಈಗ ತಮ್ಮ ಮುಂದಿನ ನಿರ್ದೇಶನದ 'ದಿ ಡೆಲ್ಲಿ ಫೈಲ್ಸ್' ಎಂಬ ಶೀರ್ಷಿಕೆಯ ಕೆಲಸವನ್ನು ಪ್ರಾರಂಭಿಸಿದ್ದಾರೆ. ವರದಿಗಳನ್ನು ನಂಬುವುದಾದರೆ, ಚಿತ್ರವು 1984 ರ ಸಿಖ್ ವಿರೋಧಿ ದಂಗೆಯನ್ನು ಆಧರಿಸಿದೆ. (ಏಜೆನ್ಸೀಸ್​)

https://www.vijayavani.net/r-ileana-dcruz-takes-a-mirror-selfie-as-she-flaunts-her-drop-dead-gorgeous-yellow-bikini-look-pic/

https://www.vijayavani.net/journalists-covering-pm-modis-event-in-himachal-pradesh-tomorrow-will-need-to-produce-character-certificates/

https://www.vijayavani.net/r-dont-call-me-bhaya-and-uncle-uber-drivers-notice-for-passengers-goes-viral/