ಕೇರಳದ ಕೊಲ್ಲಂ ಜಿಲ್ಲೆಯ ಓಚಿರ ಚಂಗನಕುಲಂಗರದ ನಿವಾಸಿ 65 ವರ್ಷದ ಅಜಿತಾ ಕುಮಾರಿ ಅವರು ಕಳ್ಳರ ಭಯದಿಂದ ಕಳೆದ ಅಕ್ಟೋಬರ್ನಲ್ಲಿ 20 ಸವರನ್ ಚಿನ್ನಾಭರಣ, 15 ಸಾವಿರ ರೂ. ನಗದು, ದಾಖಲೆ ಪತ್ರಗಳು ಹಾಗೂ ಗುರುತಿನ ಚೀಟಿಗಳನ್ನು ಹೂತಿಟ್ಟಿದ್ದರು. ತನ್ನ ಸಂಬಂಧಿಕರ ಊರಿಗೆ ಹೋಗುವ ಮುನ್ನ ಮನೆಯ ಆವರಣದಲ್ಲಿ ಹಳ್ಳ ತೋಡಿ ಹೂತಿಟ್ಟಿದ್ದರು. ಇದಾದ ಬಳಿಕ ಅಜಿತಾ ಕುಮಾರಿ ಮತ್ತು ಅವರ ಪತಿ ರಾಮವರ್ಮ ತಂಪುರನ್ ಸಂಬಂಧಿಕರ ಮನೆಯಿಂದ ಹಿಂತಿರುಗಿದರು. ಊರಿನಿಂದ ಮನೆಗೆ ಬಂದ ದಂಪತಿಗೆ ಕೋವಿಡ್ -19 ಸೋಂಕು ತಗುಲಿತು. ಅದರ ಆರೈಕೆಯಲ್ಲಿದ್ದ ಅಜಿತಾ ಅವರು ಚಿನ್ನಾಭರಣ ಹೂತಿಟ್ಟ ಸಂಗತಿಯನ್ನೇ ಮರೆತು ಬಿಟ್ಟಿದ್ದರು. ಕೊನೆಗೆ ಹೂತಿಟ್ಟ ವಿಚಾರ ನೆನಪಾದಾಗ ಇನ್ನೊಂದು ಟ್ವಿಸ್ಟ್ ಎದುರಾಗಿತ್ತು. ಅದೇನೆಂದರೆ ಯಾವ ಜಾಗದಲ್ಲಿ ಊತಿಟ್ಟಿದ್ದೆ ಎಂಬುದೇ ಅಜಿತಾರಿಗೆ ತಿಳಿಯಲಿಲ್ಲ.
