ಅಂತ್ಯ ಸಂಸ್ಕಾರದ ವೇಳೆ ತಂದೆಯ ಶವದ ಮುಂದೆ ಫೋಟೋಶೂಟ್ ಮಾಡಿಸಿದ ಮಾಡೆಲ್​ ವಿರುದ್ಧ ಆಕ್ರೋಶ..!​​

ಮೈಮಿ: ಅಂತ್ಯ ಸಂಸ್ಕಾರದ ವೇಳೆ ತಂದೆಯ ಶವದ ಮುಂದೆ ಫೋಟೋಶೂಟ್​ ಮಾಡಿಸಿದ ಫ್ಲೊರಿಡಾದ ಮೈಮಿ ನಗರದ ಸೋಶಿಯಲ್​ ಮೀಡಿಯಾ ಸ್ಟಾರ್ ಹಾಗೂ ಮಾಡೆಲ್​​ ವಿರುದ್ಧ ತೀವ್ರ ಆಕ್ರೋಶ ವ್ಯಕ್ತವಾಗಿವೆ. ತಂದೆಯ ಶವದ ಪೆಟ್ಟಿಗೆಯನ್ನು ತೆಗೆದು ಫೋಟೋಗೆ ಪೋಸ್​​ ನೀಡಿರುವುದನ್ನು ಖಂಡಿಸಿ ಸಾಕಷ್ಟು ಟೀಕೆಗಳು ವ್ಯಕ್ತವಾಗುತ್ತಿವೆ.

ಈ ನಾಚಿಕೆಗೇಡಿನ ಕೆಲಸ ಮಾಡಿದವಳ ಹೆಸರು ಜಯ್ನೆ ರಿವೇರಾ. ಈಕೆ ಇನ್​ಸ್ಟಾಗ್ರಾಂನಲ್ಲಿ ಸಾಕಷ್ಟು ಖ್ಯಾತಿ ಪಡೆದಿದ್ದಾಳೆ. ಫೋಟೋಶೂಟ್​ ಮಾಡಿಸಿ, ಅದನ್ನು ಇನ್​ಸ್ಟಾಗ್ರಾಂನಲ್ಲಿ ಹಂಚಿಕೊಂಡಿರುವ ರಿವೇರಾ, ಚಿಟ್ಟೆ ದೂರ ಹಾರಿದೆ. ನೀವು ನನ್ನ ಬೆಸ್ಟ್​ ಫ್ರೆಂಡ್​, ನಿಮ್ಮ ಆತ್ಮಕ್ಕೆ ಶಾಂತಿ ಸಿಗಲಿ. ಚೆನ್ನಾಗಿ ಬದುಕಿದ ಜೀವ ಎಂದು ಫೋಟೋಗಳಿಗೆ ಅಡಿಬರಹ ಬರೆಯಲಾಗಿದೆ.

ಒಟ್ಟು 8 ಫೋಟೋಗಳನ್ನು ರಿವೇರಾ, ಇನ್​ಸ್ಟಾಗ್ರಾಂನಲ್ಲಿ ಶೇರ್​ ಮಾಡಿಕೊಂಡಿದ್ದಾರೆ. ಸಾಕಷ್ಟು ಟೀಕೆಗಳು ವ್ಯಕ್ತವಾದ ಬೆನ್ನಲ್ಲೇ ಎಲ್ಲ ಫೋಟೋಗಳನ್ನು ಡಿಲೀಟ್​ ಮಾಡಿದ್ದಾಳೆ. ಫೋಟೋ ತೆಗೆಸಿದ್ದಲ್ಲದೆ, ಫೋಟೋ ನಗುತ್ತಾ ಪೋಸ್​ ನೀಡಿರುವುದು ಇನ್ನಷ್ಟು ಆಕ್ರೋಶಕ್ಕೆ ಕಾರಣವಾಗಿದೆ.

ಫೋಟೋ ವೈರಲ್​ ಆಗುತ್ತಿದ್ದಂತೆ 20 ವರ್ಷದ ಮಾಡೆಲ್​ನನ್ನು ತರಾಟೆಗೆ ತೆಗೆದುಕೊಂಡ ನೆಟ್ಟಿಗರು, ಇದೊಂದು ಕೆಟ್ಟ ನಡವಳಿಕೆ ಎಂದು ಜರಿದಿದ್ದಾರೆ. ಈ ರೀತಿ ಮಾಡಲು ಮನಸ್ಸಾದರೂ ಹೇಗೆ ಬಂತು ಟೀಕಿಸಿದ್ದಾರೆ. ಸಾಕಷ್ಟು ಆಕ್ರೋಶಗಳು ವ್ಯಕ್ತವಾಗುತ್ತಿದ್ದಂತೆ ಫೋಟೋ ಡಿಲೀಟ್​ ಮಾಡಿರುವ ರಿವೇರಾ, ಎಲ್ಲರ ಬಳಿ ಕ್ಷಮೆಯಾಚಿಸಿದ್ದಾಳೆ. (ಏಜೆನ್ಸೀಸ್​)

https://www.vijayavani.net/basavaraja-bommai-cm-bommai-cm-of-karnataka-bjp-congress-hanagal-sindagi-by-election/

https://www.vijayavani.net/r-samantha-urges-parents-to-think-above-marriage-for-their-daughters/

https://www.vijayavani.net/r-indian-origin-techie-travel-blogger-killed-in-shootout-between-rival-mexican-gangs/