7 ಮಕ್ಕಳ ತಾಯಿಯ ಜೀವ ಕಸಿದ ಆರ್ಕೆಸ್ಟ್ರಾ ಡಾನ್ಸ್​! ಸಾವಿನ ರಹಸ್ಯ ಭೇದಿಸಿದ ಪೊಲೀಸರು

ಹೈದರಾಬಾದ್​: ಇಡೀ ಹೈದರಾಬಾದ್​ನಲ್ಲಿ ಭಾರೀ ಸದ್ದು ಮಾಡಿದ ಆರ್ಕೆಸ್ಟ್ರಾ ಟ್ರೂಪ್​ ಡಾನ್ಸರ್​ ಕೊಲೆ ಪ್ರಕರಣದ ರಹಸ್ಯವನ್ನು ಭೇದಿಸುವಲ್ಲಿ ಪೊಲೀಸರು ಯಶಸ್ವಿಯಾಗಿದ್ದಾರೆ. ಪ್ರಕರಣಕ್ಕೆ ಸಂಬಂಧಿಸಿದಂತೆ ಇಬ್ಬರು ಶಂಕಿತರನ್ನು ಪೊಲೀಸರು ವಶಕ್ಕೆ ಪಡೆದಿದ್ದು, ವಿವಾಹೇತರ ಸಂಬಂಧವೇ ಕೊಲೆಗೆ ಕಾರಣ ಎಂದು ತಿಳಿದುಬಂದಿದೆ.

ರೇಸ್​ ಕೋರ್ಸ್​ ಬುಕ್ಕಿ ನಹೀದ್​ ಮತ್ತು ಕ್ಯಾಬ್​ ಡ್ರೈವರ್​ ಮೊಹಮ್ಮದ್​ ಅಪ್ಸರ್​ ಎಂಬಾತನನ್ನು ಬಂಧಿಸಿ, ವಿಚಾರಣೆ ನಡೆಸಿದ ಬಳಿಕ ಸತ್ಯ ಬೆಳಕಿಗೆ ಬಂದಿದೆ. ತನಿಖೆಯ ಪ್ರಕಾರ ಕೊಲೆಯಾದ ಶರಿನಾ ಫಾತಿಮಾ, ಕ್ಯಾಬ್​ ಡ್ರೈವರ್​ ಅಪ್ಸರ್​ ಜತೆ ಫಾತಿಮಾಗೆ ವಿವಾಹೇತರ ಸಂಬಂಧ ಇತ್ತು. ಒಂದು ವರ್ಷದ ಹಿಂದಷ್ಟೇ ಫಾತಿಮಾ ಗಂಡ ಮೃತಪಟ್ಟಿದ್ದ. ಇದಾದ ಬಳಿಕ ಮದುವೆ ಆಗುವಂತೆ ಕ್ಯಾಬ್​ ಡ್ರೈವರ್​ಗೆ ಫಾತಿಮಾ ಒತ್ತಡ ಹಾಕಿದ್ದಳು.

ಆರ್ಕೆಸ್ಟ್ರಾದಲ್ಲಿ ಡಾನ್ಸ್​ ಮಾಡುವುದನ್ನು ನಿಲ್ಲಿಸಿದರೆ ಮದುವೆ ಆಗುವುದಾಗಿ ಕ್ಯಾಬ್​ ಡ್ರೈವರ್​ ಭರವಸೆ ನೀಡಿದ್ದ. ಆದರೆ, ಫಾತಿಮಾ ಡಾನ್ಸ್​ ಮಾಡುವುದನ್ನು ನಿಲ್ಲಿಸಿರಲಿಲ್ಲ. ಹೀಗಾಗಿ ಮದುವೆ ಆಗಲು ಕ್ಯಾಬ್​ ಡ್ರೈವರ್​ ನಿರಾಕರಿಸಿದ್ದ. ಇದೇ ವಿಚಾರಕ್ಕೆ ಇಬ್ಬರ ನಡುವೆ ಆಗಾಗ ಜಗಳ ನಡೆಯುತ್ತಿತ್ತು. ಜಗಳ ತಾರಕಕ್ಕೇರಿ ನ. 9ರಂದು ಕ್ಯಾಬ್​ ಡ್ರೈವರ್​, ಫಾತಿಮಾಳಿಗೆ ಚೆನ್ನಾಗಿ ಕುಡಿಸಿ, ನೇಣು ಬಿಗಿದು ಕೊಲೆ ಮಾಡಿದ್ದಾನೆ ಎಂದು ಹೇಳಲಾಗಿದೆ.

ಇನ್ನು 30 ವರ್ಷದ ಫಾತಿಮಾಗೆ 7 ಮಕ್ಕಳಿದ್ದರು. ಒಂದು ವರ್ಷದ ಹಿಂದಷ್ಟೇ ಗಂಡ ಸತ್ತಿದ್ದ. ಆರ್ಕೆಸ್ಟ್ರಾದಲ್ಲಿ ಡಾನ್ಸ್​ ಮಾಡುತ್ತಾ ಮಕ್ಕಳನ್ನು ಸಾಕುತ್ತಾ ಜೀವನ ಸಾಗಿಸುತ್ತಿದ್ದಳು. ಹೈದರಾಬಾದ್​ನ ಮುಸ್ತಾಫನಗರದಲ್ಲಿ ನೆಲೆಸಿದ್ದಳು. ಇದೀಗ ಫಾತಿಮಾ ಹತ್ಯೆಯಾಗಿದ್ದು, 7 ಮಕ್ಕಳು ಅನಾಥವಾಗಿವೆ. ಕೊಲೆ ಪ್ರಕರಣ ದಾಖಲಾಗಿದ್ದು, ತನಿಖೆ ಮುಂದುವರಿದಿದೆ. (ಏಜೆನ್ಸೀಸ್​)

https://www.vijayavani.net/r-kerala-models-car-accident-case-police-fail-to-collect-dj-party-visuals-from-kochi-hotel/

https://www.vijayavani.net/r-woman-police-inspector-carries-unconscious-man-on-her-shoulders-amid-chennai-rain/

https://www.vijayavani.net/s-man-throwned-chappel-on-judge/