ಸ್ತ್ರೀಯರನ್ನಲ್ಲ, ಸರಿಯಾಗಿ ರಸ್ತೆ ನೋಡ್ಕೊಂಡು ಗಾಡಿ ಓಡಿಸು: ಬ್ಯಾರಿಕೇಡ್ಸ್​ ನೋಡಿ ಬೆರಗಾದ ಸವಾರರು

ನಲ್ಗೊಂಡ: ಅಪಘಾತಗಳನ್ನು ತಡೆಯುವ ಉದ್ದೇಶದಿಂದ ವಾಹನಗಳ ವೇಗಕ್ಕೆ ಕಡಿವಾಣ ಹಾಕಲು ಪೊಲೀಸರು ಅಲ್ಲಲ್ಲಿ ಬ್ಯಾರಿಕೇಡ್​ಗಳನ್ನು ಅಳವಡಿಸಿರುತ್ತಾರೆ. ಸವಾರರು ಬ್ಯಾರಿಕೇಡ್​ಗಳನ್ನು ನೋಡುತ್ತಿದ್ದಂತೆ ವಾಹನಗಳ ವೇಗಕ್ಕೆ ಬ್ರೇಕ್​ ಹಾಕುವುದನ್ನು ನೋಡಿದ್ದೇವೆ.

ಆದರೆ, ತೆಲಂಗಾಣದ ನಲ್ಗೊಂಡ ಜಿಲ್ಲೆಯ ಚಿತ್ಯಾಲ ಪೊಲೀಸರು ಕಂಡು ಕೊಂಡಿರುವ ವಿನೂತನ ದಾರಿ ಈಗ ವಾಹನ ಸವಾರರ ಹುಬ್ಬೇರಿಸಿದೆ. ಹೈದರಾಬಾದ್​-ವಿಜಯವಾಡ ರಾಷ್ಟ್ರೀಯ ಹೆದ್ದಾರಿಯಲ್ಲಿ ಬ್ಯಾರಿಕೇಡ್ಸ್​ ಅಳವಡಿಸಿರುವ ಚಿತ್ಯಾಲ ಪೊಲೀಸರು "ಹೆಣ್ಣು ಮಕ್ಕಳನ್ನಲ್ಲ, ಸರಿಯಾಗಿ ರಸ್ತೆ ನೋಡಿಕೊಂಡು ಗಾಡಿ ಓಡಿಸು" ಎಂದು ಬ್ಯಾರಿಕೇಡ್​ ಮೇಲೆ ಬರೆದಿದ್ದಾರೆ.

ಬ್ಯಾರಿಕೇಡ್ಸ್​ ನೋಡಿದ ಸವಾರರು ಬೆರಗಾಗಿ, ಒಂದು ಕ್ಷಣ ಮುಗುಳ್ನಕ್ಕಿ ಗಾಡಿ ಚಲಾಯಿಸಿಕೊಂಡು ಹೋಗುತ್ತಿದ್ದಾರೆ. ಸಾಮಾಜಿಕ ಜಾಲತಾಣದಲ್ಲಿ ಬ್ಯಾರಿಕೇಡ್​​ ಫೋಟೋ ವೈರಲ್​ ಆಗಿದ್ದು, ಪೊಲೀಸರ ವಿನೂತನ ಪ್ರಯತ್ನಕ್ಕೆ ಜೈ ಎಂದಿದ್ದಾರೆ. (ಏಜೆನ್ಸೀಸ್​)

https://www.vijayavani.net/r-acf-death-mystery-lie-detection-test-reports-of-bidya-bharati-dfo-out/

https://www.vijayavani.net/r-samantha-to-start-a-complete-family-life/

https://www.vijayavani.net/r-no-complaint-about-virat-kohlis-captaincy-bcci-treasurer-arun-dhumal-ridicules-rumours/

https://www.vijayavani.net/s-isisi-terror-arrested-due-to-kebab/