ಈ ರೀತಿಯ ಅವಮಾನಗಳಿಂದ ಪಕ್ಷದಲ್ಲಿ ಉಳಿಯಲಾಗದು: ಕಾಂಗ್ರೆಸ್​ ಅಧ್ಯಕ್ಷೆ ಮುಂದೆ ಪಂಜಾಬ್​ ಸಿಎಂ ಅಳಲು

ನವದೆಹಲಿ: ಪಂಜಾಬ್​ ವಿಧಾನಸಭಾ ಚುನಾವಣೆಗೆ ಕೆಲವೇ ತಿಂಗಳುಗಳ ಬಾಕಿ ಇರುವಾಗಲೇ ಕಾಂಗ್ರೆಸ್​ ಪಕ್ಷದಲ್ಲಿ ನಾಯಕತ್ವ ಬದಲಾವಣೆಯ ಕೂಗು ಜೋರಾಗಿದೆ. ಕಾಂಗ್ರೆಸ್​ ಇಂದು ಸಂಜೆ ಕರೆದಿರುವ ಶಾಸಕರ ಡಿಢೀರ್​ ಸಭೆಯಿಂದ ಮುಖ್ಯಮಂತ್ರಿ ಅಮರಿಂದರ್​ ಸಿಂಗ್​ ಹೊಸ ಸಮಸ್ಯೆಯನ್ನು ಎದರಿಸುವಂತಾಗಿದೆ ಎಂದು ಮೂಲಗಳು ತಿಳಿಸಿವೆ.

ಇದರ ನಡುವೆ ಪಕ್ಷದ ಅಧ್ಯಕ್ಷೆ ಸೋನಿಯಾ ಗಾಂಧಿ ಅವರಿಗೆ ತಮ್ಮ ಅಭಿಪ್ರಾಯಗಳನ್ನು ತಿಳಿಸಿರುವ ಅಮರಿಂದರ್​ ಸಿಂಗ್​, ಇಂತಹ ಅವಮಾನಗಳು ಸಾಕು, ಮೂರನೇ ಬಾರಿ ಹೀಗಾಗುತ್ತಿದೆ. ಈ ರೀತಿಯ ಅವಮಾನಗಳಿಂದ ಪಕ್ಷದಲ್ಲಿ ಉಳಿಯುವುದನ್ನು ಮುಂದುವರಿಸಲಾಗದು ಎಂದಿದ್ದಾರೆ.

ಕಳೆದ ಕೆಲವು ತಿಂಗಳಿಂದ ಅಮರಿಂದರ್​ ಸಿಂಗ್​ ಅಲಿಯಾಸ್​ ಕ್ಯಾಪ್ಟನ್​ಗೆ ಹಲವಾರು ಅಡೆತಡೆಗಳು ಎದುರಾಗುತ್ತಿವೆ. ಒಂದು ವರ್ಗದ ಶಾಸಕರು ಅವರ ವಿರುದ್ಧದೇ ಬಂಡೆದಿದ್ದು, ಹೊಸ ನಾಯಕತ್ವಕ್ಕೆ ಆಗ್ರಹಿಸುತ್ತಿದ್ದಾರೆ.

ಪಂಜಾಬ್​ ಕಾಂಗ್ರೆಸ್​ ವಲಯದಲ್ಲಿ ಮೂವರ ಹೆಸರುಗಳು ಮುಂಚೂಣಿಯಲ್ಲಿ ಕೇಳಿಬರುತ್ತಿದೆ. ಅವರುಗಳೆಂದರೆ, ಒಂದು ಸುನೀಲ್​ ಜಾಖರ್​, ಪಂಜಾಬ್​ನ ಮಾಜಿ ಕಾಂಗ್ರೆಸ್​ ಮುಖ್ಯಸ್ಥ ಪ್ರತಾಪ್​ ಸಿಂಗ್​ ಬಾಜ್ವಾ ಮತ್ತು ಬಿಯಾಂತ್​ ಸಿಂಗ್​ ಮೊಮ್ಮಗ ಸಂಸದ ರವನೀತ್​ ಸಿಂಗ್​ ಬಿಟ್ಟು ಹೆಸರು ಕೇಳಿಬರುತ್ತಿವೆ. (ಏಜೆನ್ಸೀಸ್​)

https://www.vijayavani.net/r-land-dispute-bribe-inspector-acb-bengaluru-chikkajala-police-station/

https://www.vijayavani.net/over-20-crore-rs-tax-evasion-allegations-on-actor-sonu-sood/

https://www.vijayavani.net/who-will-be-the-head-coach-after-ravi-shastry-these-two-names-on-top/