ಭಾರತೀಯರೇ ಎಚ್ಚರವಾಗಿರಿ... ಶತ್ರುಗಳು ಗಡಿಯಾಚೆಗಿಲ್ಲ, ನಮ್ಮ ಸುತ್ತಲೂ ಇದ್ದಾರೆ: ನಟಿ ಪ್ರಣಿತಾ ಸುಭಾಷ್​

ಬೆಂಗಳೂರು: ಅಫ್ಘಾನಿಸ್ತಾನದಲ್ಲಿ ನಡೆಯುತ್ತಿರುವ ಬೆಳವಣಿಗೆಯ ಬಗ್ಗೆ ನಟಿ ಪ್ರಣಿತಾ ಪೋಸ್ಟ್​ ಮಾಡಿರುವುದು ಸಾಕಷ್ಟು ಚರ್ಚೆಯನ್ನು ಹುಟ್ಟು ಹಾಕಿದೆ.

ಆಫ್ಘನ್ ಘಟನೆಯನ್ನು ಮರೆಮಾಚಿ ತಮ್ಮನ್ನ ಸಮರ್ಥಿಸಿಕೊಳ್ಳಲು ಕೆಲವರು ಹಿಂದು ಟೆರರ್ (ಹಿಂದು ಉಗ್ರವಾದಿ) ಪದ ಬಳಸುತ್ತಿದ್ದಾರೆ. ಭಾರತೀಯರೇ ಎಚ್ಚರವಾಗಿರಿ... ಶತ್ರುಗಳು ನಮ್ಮ ಗಡಿಯಾಚೆಗೆ ಇರುವುದಿಲ್ಲ. ಅವರು ನಿಮ್ಮ ಸುತ್ತಲೂ ಇದ್ದಾರೆ ಎಂದು ಪ್ರಣಿತಾ ಟ್ವೀಟ್​ ಮಾಡಿದ್ದಾರೆ.

ಬಾಲಿವುಡ್​ ನಟಿ ಸ್ವರಾ ಭಾಸ್ಕರ್ ಹಿಂದುತ್ವವನ್ನು ತಾಲಿಬಾನಿ ಉಗ್ರತ್ವಕ್ಕೆ ಹೋಲಿಕೆ ಮಾಡಿ ಮಾತನಾಡಿರುವ ಬೆನ್ನಲ್ಲೇ ಪ್ರಣಿತಾ ಟ್ವೀಟ್​ ಮಾಡಿರುವುದು ಕುತೂಹಲ ಮೂಡಿಸಿದೆ. ಅಲ್ಲದೆ, ನಟಿ ಸ್ವರಾ ಭಾಸ್ಕರ್​ ಬಂಧಿಸುವಂತೆ ಸಾಮಾಜಿಕ ಜಾಲತಾಣದಲ್ಲಿ ಆಗ್ರಹಗಳು ಕೇಳಿಬರುತ್ತಿವೆ.

ಸ್ವರಾ ಭಾಸ್ಕರ್​ ಸಿಕ್ಕಾಪಟ್ಟೆ ಟ್ರೋಲ್​ ಆಗಿದ್ದು, ಸದ್ಯ ಟ್ವಿಟರ್​ನಲ್ಲಿ ಹಿಂದುತ್ವ ಪದ ಟ್ರೆಂಡ್​ ಆಗಿದ್ದು, ಭಾರಿ ಚರ್ಚೆಯನ್ನು ಸೃಷ್ಟಿಸಿದೆ. ಆದರೆ, ಪ್ರಣಿತಾ ಯಾರನ್ನು ಉದ್ದೇಶಿಸಿ ಟ್ವೀಟ್​ ಮಾಡಿದ್ದಾರೆ ಎಂಬುದು ಮಾತ್ರ ಸ್ಪಷ್ಟವಾಗಿಲ್ಲ.

https://www.vijayavani.net/r-meera-mithuns-youtube-channel-to-be-suspended/

https://www.vijayavani.net/r-andhra-couple-who-ran-school-ends-their-own-life-over-mounting-debts/

https://www.vijayavani.net/r-madras-high-court-directs-lyca-productions-to-pay-rs-5-lakh-to-actor-vishal-towards-costs-in-a-civil-suit/