ಕನ್ವಾರ್​ ಯಾತ್ರಿಗಳಿದ್ದ ಗುಂಪಿನ ಕಡೆ ವೇಗವಾಗಿ ನುಗ್ಗಿದ ಟ್ರಕ್​: ಸ್ಥಳದಲ್ಲೇ 6 ಸಾವು, ಓರ್ವನ ಸ್ಥಿತಿ ಗಂಭೀರ

ಲಖನೌ: ವೇಗವಾಗಿ ಬಂದ ಟ್ರಕ್​ ಒಂದು ಕನ್ವಾರ್​ ಯಾತ್ರಿಗಳಿದ್ದ ಗುಂಪಿನ ಕಡೆ ನುಗ್ಗಿದ ಪರಿಣಾಮ ಸ್ಥಳದಲ್ಲೇ 6 ಮಂದಿ ದುರಂತ ಸಾವಿಗೀಡಾಗಿದ್ದು, ಓರ್ವ ಗಂಭೀರವಾಗಿ ಗಾಯಗೊಂಡಿರುವ ಘಟನೆ ಉತ್ತರ ಪ್ರದೇಶದ ಹತ್ರಾಸ್​ ಜಿಲ್ಲೆಯ ಬಧಾರ್​ ಗ್ರಾಮದ ಬಳಿಯಿರುವ ಹತ್ರಾಸ್​-ಆಗ್ರಾ ರಸ್ತೆಯಲ್ಲಿ ಶನಿವಾರ ನಡೆದಿದೆ.

ಕನ್ವಾರ್​ ಯಾತ್ರಿಗಳೆಲ್ಲರೂ ಮಧ್ಯಪ್ರದೇಶದ ಗ್ವಾಲಿಯರ್​ ಮೂಲದವರು. ಈ ಘಟನೆ ಶನಿವಾರ ತಡರಾತ್ರಿ 2.15 ಗಂಟೆಗೆ ರಾಷ್ಟ್ರೀಯ ಹೆದ್ದಾರಿ 93ರಲ್ಲಿ ನಡೆದಿದೆ. ಅಪಘಾತದಲ್ಲಿ ಮೃತಪಟ್ಟವರು ಮೃತದೇಹಗಳನ್ನು ಮರಣೋತ್ತರ ಪರೀಕ್ಷೆಗಾಗಿ ಸ್ಥಳಾಂತರಿಸಲಾಗಿ. ಗಂಭೀರವಾಗಿ ಗಾಯಗೊಂಡಿರುವ ಗಾಯಾಳುಗೆ ಆಗ್ರಾ ಮೆಡಿಕಲ್​ ಕಾಲೇಜಿನಲ್ಲಿ ಚಿಕಿತ್ಸೆ ನೀಡಲಾಗುತ್ತಿದೆ.

ಕನ್ವಾರ್​ ಯಾತ್ರೆಯನ್ನು ಮುಗಿಸಿದ ಒಂದು ಗುಂಪು ಹರಿದ್ವಾರದಿಂದ ಗ್ವಾಲಿಯರ್​ಗೆ ಮರಳುವಾಗ ಈ ದುರ್ಘಟನೆ ಸಂಭವಿಸಿದೆ ಎಂದು ಆಗ್ರಾ ವಲಯದ ಎಡಿಜಿ ರಾಜೀವ್​ ಕೃಷ್ಣ ಮಾಹಿತಿ ನೀಡಿದ್ದಾರೆ.

ಘಟನಾ ಸ್ಥಳಕ್ಕೆ ಭೇಟಿ ನೀಡಿ ಪ್ರಕರಣ ದಾಖಲಿಸಿಕೊಂಡಿರುವ ಸಾದಾಬಾದ್​ ಠಾಣಾ ಪೊಲೀಸರು ತನಿಖೆ ಆರಂಭಿಸಿದ್ದಾರೆ. ಟ್ರಕ್​ ಚಾಲಕನ ಬಗ್ಗೆ ನಮಗೆ ಮಾಹಿತಿ ದೊರೆತಿದ್ದು, ಶೀಘ್ರವೇ ಆತನನ್ನು ಬಂಧಿಸಲಾಗುವುದು ಎಂದು ರಾಜೀವ್​ ಕೃಷ್ಣ ಭರವಸೆ ನೀಡಿದ್ದಾರೆ. (ಏಜೆನ್ಸೀಸ್​)

https://www.vijayavani.net/r-actress-attacked-comedian-bayilvan-ranganathan-for-nude-scene-issue/

https://www.vijayavani.net/r-20-crore-cash-seized-after-raids-on-west-bengal-minister-partha-chatterjees-aide/

https://www.vijayavani.net/r-finally-tumkur-family-get-back-thier-missing-pet-parrot-rusthuma/