ಮೇ 12ರಂದು ಜಾಮಿಟ್ರಿ ಬ್ರಿವರಿ ಪಬ್ ಹಿಂಬಾಗಿಲು ಮೂಲಕ ಒಳನುಗ್ಗಿ 50 ಸಾವಿರ ರೂ. ನಗದು ದೋಚಿದ್ದ. ಸಹೋದರಿ ಮದುವೆ ಇದ್ದ ಕಾರಣಕ್ಕೆ ವಿಮಾನದಲ್ಲಿ ಒಡಿಶಾಗೆ ತೆರಳಿದ್ದ. ಈ ಬಗ್ಗೆ ಪ್ರಕರಣ ದಾಖಲಿಸಿಕೊಂಡು ತನಿಖೆ ಕೈಗೊಂಡಿದ್ದ ಪೊಲೀಸರು, ಕೃತ್ಯ ನಡೆದ ಸ್ಥಳದಲ್ಲಿದ್ದ ಸಿಸಿ ಕ್ಯಾಮರಾ ದೃಶ್ಯಾವಳಿ ಆಧರಿಸಿ ಕಾರ್ಯಾಚರಣೆ ನಡೆಸಿದಾಗ ಒಡಿಶಾದ ಗಜಪತಿ ಜಿಲ್ಲೆ ಪರ್ಲೇಖೆಮಂಡಿ ಜಾಜ್ಪುರ್ ಗ್ರಾಮದಲ್ಲಿ ಇರುವುದು ಖಚಿತವಾಯಿತು. ಒಡಿಶಾಗೆ ಹೋಗಿದ್ದ ಪೊಲೀಸರು ಆರೋಪಿಯನ್ನು ಬಂಧಿಸಿ ಸ್ಥಳೀಯ ಕೋರ್ಟ್ಗೆ ಹಾಜರುಪಡಿಸಿ ಕರೆತಂದಿದ್ದಾರೆ. ಪಿಸ್ತೂಲ್ ತೋರಿಸಿ ಬೆದರಿಸಿ ಕಳ್ಳತನ ಮಾಡಿರುವುದಾಗಿ ಭದ್ರತಾ ಸಿಬ್ಬಂದಿ ದೂರು ನೀಡಿದ್ದರು. ಆದರೆ, ಆರೋಪಿಯು ಪಿಸ್ತೂಲ್ ಬಳಸಿಲ್ಲ ಎಂಬುದು ವಿಚಾರಣೆ ವೇಳೆ ದೃಢವಾಗಿದೆ ಎಂದು ಅಧಿಕಾರಿಗಳು ಮಾಹಿತಿ ನೀಡಿದ್ದಾರೆ.
