ಈ ಬಾರಿ ಸುಮಾರು 5 ಸಾವಿರ ಜನರು ಭಾಗವಹಿಸುವ ಹಿನ್ನೆಲೆಯಲ್ಲಿ ಕಾರ್ಯಕ್ರಮಕ್ಕೆ ಬೃಹತ್ ವೇದಿಕೆಯನ್ನು ಕೆ.ಆರ್.ಸಾಗರದ ಬೃಂದಾವನದಲ್ಲಿರುವ ಕಾವೇರಿ ಪ್ರತಿಮೆ ಮುಂಭಾಗದಲ್ಲಿ ನಿರ್ಮಿಸಲಾಗುತ್ತಿದೆ. ಪ್ರತಿವರ್ಷ ಮುಖ್ಯಮಂತ್ರಿ ಕಾವೇರಿ ಮಾತೆಗೆ ಬಾಗಿನ ಅರ್ಪಿಸಿ, ಪೂಜೆ ಸಲ್ಲಿಸಿ ಬುರುತ್ತಿದ್ದಂತೆ ಕಾವೇರಿ ಪ್ರತಿಮೆ ಮುಂಭಾಗದ ಎಡಭಾಗದಲ್ಲಿ ವೇದಿಕೆ ಇರುತ್ತಿತ್ತು. ಈ ಬಾರಿ ಹಲವು ಮಾರ್ಪಾಡುಗಳಿಂದ ಕೂಡಿದೆ. ವೇದಿಕೆಯನ್ನು ಕಾವೇರಿ ಮಾತೆಗೆ ಮುಖವಾಗಿ ನಿರ್ಮಿಸಲಾಗುತ್ತಿದ್ದು ಸುಮಾರು 100 ಅಡಿ ಉದ್ದ ಹಾಗೂ 40 ಅಡಿ ಅಗಲ ಇದೆ. ಮಳೆಯಾದರೂ ಸಾರ್ವಜನಿಕರಿಗೆ ತೊಂದರೆಯಾಗದಿರಲಿ ಎಂದು ಆಧುನಿಕ ರೀತಿಯಲ್ಲಿನ ವೇದಿಕೆ ಸಿದ್ಧವಾಗುತ್ತಿದೆ.
