Bihar Election | ತಲೆಕೆಳಗಾಯ್ತಾ ಚುನಾವಣಾ ತಂತ್ರಗಾರನ ಲೆಕ್ಕಾಚಾರ..? ಪಿಕೆಗೆ ಮನೆ ದಾರಿ ತೋರಿದ 'ಎಕ್ಸಿಟ್​' ಪೋಲ್​

ಪಾಟ್ನಾ: ಬಿಹಾರದ ಚುನಾವಣೆಯಲ್ಲಿ (Bihar Election) ತುಂಬಾ ಸದ್ದು ಮಾಡಿದ್ದ, ರಾಜ್ಯದ ಜನತೆಯ ಪಾಲಿನ ಪರ್ಯಾಯ ರಾಜಕೀಯ ಶಕ್ತಿ ಎಂಬಂತೆ ಬಿಂಬಿತವಾಗಿದ್ದ ಪ್ರಶಾಂತ್ ಕಿಶೋರ್ ನೇತೃತ್ವದ ಜನ್​ ಸುರಾಜ್​ ಪಕ್ಷ, ಹೇಳಿಕೊಳ್ಳುವ ರೀತಿಯ ಪ್ರದರ್ಶನ ನೀಡುವಲ್ಲಿ ವಿಫಲವಾಗಿದೆ ಎಂದು ಸಮೀಕ್ಷಾ ಸಂಸ್ಥೆಗಳು ಅಭಿಪ್ರಾಯಪಟ್ಟಿದ್ದು, ಆಡಳಿತರೂಢ ಎನ್​ಡಿಎ ಸ್ಪಷ್ಟ ಬಹುಮತ ಪಡೆದು ಅಧಿಕಾರಕ್ಕೇರಲಿದೆ ಎಂದು ಭವಿಷ್ಯ ನುಡಿದಿವೆ.

ಇತ್ತೀಚೆಗೆ ನಿರ್ಗಮನ ಸಮೀಕ್ಷೆಯ ಭವಿಷ್ಯವಾಣಿಗಳು ಸರಿಯಾಗಿದ್ದಕ್ಕಿಂತ, ತಪ್ಪಾಗಿರುವುದೇ ಹೆಚ್ಚು. ಅದಕ್ಕೆ 2024 ರ ಲೋಕಸಭಾ ಚುನಾವಣೆ, ಹರಿಯಾಣ ವಿಧಾನಸಭಾ ಚುನಾವಣೆ ಸಾಕ್ಷಿ. ಆದ್ದರಿಂದ ಫಲಿತಾಂಶ ಹೊರಬೀಳುವವರೆಗೂ ಕಾಯಲೇಬೇಕಿದೆ.

ಇದನ್ನೂ ಓದಿ:ಛತ್ತೀಸ್​ಗಢದಲ್ಲಿ ಗುಂಡಿನ ಚಕಮಕಿ; ಆರು ನಕ್ಸಲರನ್ನು ಹೊಡೆದುರುಳಿಸಿದ ಭಧ್ರತಾ ಪಡೆಗಳು| Encounter

ಪ್ರಮುಖ ಸಮೀಕ್ಷೆಗಳ ಪ್ರಕಾರ, 243 ಸದಸ್ಯ ಬಲದ ವಿಧಾನಸಭೆಯಲ್ಲಿ ಎನ್‌ಡಿಎ 122 ಸ್ಥಾನ ಪಡೆದು ಅಧಿಕಾರಕ್ಕೇರಲಿದೆ ಎಂದಿದ್ದು, ಆರ್‌ಜೆಡಿ ನೇತೃತ್ವದ ಮಹಾಘಟಬಂಧನ್ ಸುಮಾರು 70-108 ಆಸುಪಾಸಿನಲ್ಲಿ ಸ್ಥಾನಗಳನ್ನು ಪಡೆಯಬಹುದು ಎನ್ನಲಾಗಿದೆ. ಆದರೆ ರಾಜ್ಯದ ಪಾಲಿಗೆ ಪರ್ಯಾಯ ರಾಜಕೀಯ ಶಕ್ತಿಯಾಗಿ ಕಂಡಿದ್ದ ಕಿಶೋರ್ ಅವರ ಜನ್ ಸುರಾಜ್ ಪಕ್ಷ (ಜೆಎಸ್‌ಪಿ) ಅಬ್ಬರದ ಪ್ರಚಾರದ ಹೊರತಾಗಿಯೂ ಸ್ಥಾನಗಳಿಸಲು ವಿಫಲವಾದಂತೆ ಕಾಣುತ್ತಿದೆ.

1. ದೈನಿಕ್ ಭಾಸ್ಕರ್ 0-3

2. ಚಾಣಕ್ಯ ಸ್ಟ್ರಾಟರ್ಜೀಸ್ 0

3. ಮ್ಯಾಟ್ರಿಜ್ 0-2

4. ಪಿ-ಮಾರ್ಕ್ 1-4

5. ಪೀಪಲ್ ಇನ್‌ಸೈಟ್ 0-2

6. ಡಿವಿ ರೀಸರ್ಚ್ 2-4

7. ಜೆವಿಸಿ 0-1

ಸುಮಾರು ಮೂರು ವರ್ಷಗಳ ಕಾಲ ರಾಜ್ಯಾದ್ಯಂತ ಪಾದಯಾತ್ರೆ ನಡೆಸಿದ ಕಿಶೋರ್​, ಕಳೆದ ವರ್ಷ ಜನ್ ಸುರಾಜ್ ಪಕ್ಷವನ್ನು ಸ್ಥಾಪಿಸಿದ್ದರು. ಒಂದು ಕಾಲದಲ್ಲಿ ನಿತೀಶ್ ಮತ್ತು ನರೇಂದ್ರ ಮೋದಿಯ ಚುನಾವಣೆಗೆ ಪ್ರಚಾರ ತಂತ್ರ ಹೆಣೆಯುತ್ತಿದ್ದು ಕಿಶೋರ್, ಈ ಚುನಾವಣೆಯಲ್ಲಿ ಜಾತಿ ಸಮೀಕರಣಗಳ ಬದಲು, ಉದ್ಯೋಗಗಳು, ಶಿಕ್ಷಣ ಮತ್ತು ವಲಸೆಯ ಬಗ್ಗೆ ಮಾತನಾಡಿದ್ದರು. ಅವರ ಪಕ್ಷದ ಪ್ರಚಾರದಲ್ಲಿ ಜನಸೇರದಿರು ಕೂಡ ಅವು ಮತಗಳಾಗಿ ಪರಿವರ್ತನೆಯಾಗಿಲ್ಲ ಎನ್ನುವುದನ್ನು ಸಮೀಕ್ಷೆಗಳು ಹೇಳುತ್ತಿವೆ.(ಏಜೆನ್ಸೀಸ್​)

https://www.vijayavani.net/giant-nda-win-in-bihar-predict-6-exit-polls