ನೀವಿಲ್ಲದೆ ನಾನೇನೂ ಅಲ್ಲ! ಕೇವಲ ಶೂನ್ಯ: ಮತ್ತೊಮ್ಮೆ ಅದೇ ವಿಷಯ ಒತ್ತಿ ಹೇಳಿದ 'ಕಲ್ಕಿ' ಪ್ರಭಾಸ್​

ಹೈದರಾಬಾದ್: ಜಾಗತಿಕವಾಗಿ ಜೂ. 27ರಂದು ಬಹುತೇಕ ಚಿತ್ರಮಂದಿಗಳಲ್ಲಿ ಬಿಡುಗಡೆಗೊಂಡ ಟಾಲಿವುಡ್ ರೆಬೆಲ್​ ಸ್ಟಾರ್​, ನಟ ಪ್ರಭಾಸ್​ ಅಭಿನಯದ ಪ್ಯಾನ್ ಇಂಡಿಯಾ ‘ಕಲ್ಕಿ 2898 ಎಡಿ’ ಚಿತ್ರ ಇದೀಗ ಬಾಕ್ಸ್ ಆಫೀಸ್​ನಲ್ಲಿ ಭರ್ಜರಿ ಪ್ರದರ್ಶನ ಮುಂದುವರೆಸಿದೆ. ಮೊದಲ ದಿನವೇ ಸಿನಿಪ್ರೇಕ್ಷಕರಿಂದ ಉತ್ತಮ ರೆಸ್ಪಾನ್ಸ್ ಪಡೆದ ನಾಗ್ ಅಶ್ವಿನ್ ನಿರ್ದೇಶನದ ಈ ಚಿತ್ರ ಇದೀಗ ಗಲ್ಲಾಪೆಟ್ಟಿಗೆಯಲ್ಲಿ 1000 ಕೋಟಿ ರೂ. ಕ್ಲಬ್​ ಸೇರುವ ಮೂಲಕ ಹೊಸ ಮೈಲಿಗಲ್ಲು ಸಾಧಿಸಿದೆ.

ಇದನ್ನೂ ಓದಿ: ಜಿ.ಎ.ಯು.ಸಿ.ಜಿ. ಅಸೋಸಿಯೇಷನ್​ನಿಂದ ಉಚಿತ ಆರೋಗ್ಯ ಶಿಬಿರ ಆಯೋಜನೆ

ಟಾಲಿವುಡ್​ ರೆಬೆಲ್ ಸ್ಟಾರ್​ ಪ್ರಭಾಸ್ ಮತ್ತು ದೀಪಿಕಾ ಪಡುಕೋಣೆ ಮುಖ್ಯಭೂಮಿಕೆಯಲ್ಲಿ ನಟಿಸಿರುವ ಬ್ಲಾಕ್‌ಬಸ್ಟರ್ ಸೈನ್ಸ್​-ಫಿಕ್ಷನ್ ಕಲ್ಕಿ 2898 AD ಇದೀಗ ಸಾರ್ವಕಾಲಿಕ ದಾಖಲೆ ಬರೆದಿದ್ದು, 6ನೇ ಅತಿ ಹೆಚ್ಚು ಹಣ ಗಳಿಸಿದ ಭಾರತೀಯ ಚಲನಚಿತ್ರವಾಗಿ ಹೊರಹೊಮ್ಮಿದೆ. ಪ್ರಭಾಸ್​ ಚಿತ್ರವು ಅಮಿರ್ ಖಾನ್ ನಟನೆಯ ದಂಗಲ್, ಬಾಹುಬಲಿ 2, ಆರ್​ಆರ್​ಆರ್​, ಕೆಜಿಎಫ್ 2 ಮತ್ತು ಜವಾನ್ ಸಿನಿಮಾಗಳ ನಂತರದ ಸ್ಥಾನದಲ್ಲಿದೆ.

ಈ ಐತಿಹಾಸಿಕ ಯಶಸ್ಸಿಗೆ ಕಾರಣರಾದ ಪ್ರತಿ ಅಭಿಮಾನಿಗೂ ವಿಶೇಷವಾಗಿ ಧನ್ಯವಾದ ಅರ್ಪಿಸಿದ ಪ್ರಭಾಸ್, ಒಂದು ವಿಡಿಯೋ ಮೂಲಕ ಫ್ಯಾನ್ಸ್​ಗಳ ಮನಗೆದ್ದಿದ್ದಾರೆ. “ನನ್ನ ಅಭಿಮಾನಿಗಳೇ, ನನಗೆ ಇಷ್ಟು ದೊಡ್ಡ ಹಿಟ್ ಕೊಟ್ಟಿದ್ದಕ್ಕಾಗಿ ತುಂಬಾ ಧನ್ಯವಾದಗಳು. ನೀವಿಲ್ಲದೆ ನಾನು ಶೂನ್ಯ. ಈ ಸಿನಿಮಾಗಾಗಿ ನಿರ್ದೇಶಕ ನಾಗ್ ಅಶ್ವಿನ್ ಐದು ವರ್ಷ ತುಂಬಾ ಕಷ್ಟಪಟ್ಟಿದ್ದಾರೆ. ಇಷ್ಟೊಂದು ಹಣವನ್ನು ಧೈರ್ಯದಿಂದ ಚಿತ್ರದ ಮೇಲೆ ಸುರಿದ ನಮ್ಮ ನಿರ್ಮಾಪಕರು ಅಶ್ವಿನಿ ದತ್ ಅವರಿಗೆ ಥ್ಯಾಂಕ್ಯೂ ಎಂದು ಹೇಳಿದರು.

https://www.vijayavani.net/emotions-are-still-high-says-sanju-samson