ರಾಜ್ಯದಲ್ಲಿ ವಿದ್ಯುತ್ ಪೂರೈಕೆ ಮಾಡುವ ಕೆಪಿಟಿಸಿಎಲ್ ಅಧೀನದಲ್ಲಿರುವ 5 ಎಸ್ಕಾಂಗಳು ವಿದ್ಯುತ್ ದರ ಏರಿಕೆ ಕುರಿತಂತೆ ಈಗಾಗಲೇ ಕೆಇಆರ್ಸಿಗೆ ಪ್ರಸ್ತಾವನೆ ಸಲ್ಲಿಸಿವೆ. ಅದರಲ್ಲಿ ಬೆಸ್ಕಾಂ 1 ಯುನಿಟ್ ವಿದ್ಯುತ್ಗೆ 1.96 ರೂ. ಹೆಚ್ಚಿಸುವಂತೆ ಮನವಿ ಮಾಡಿದೆ. ಎಲ್ಲರ ಮನವಿ ಪರಿಶೀಲನೆ ನಡೆಸಿರುವ ಕೆಇಆರ್ಸಿ, ವಿದ್ಯುತ್ ಉತ್ಪಾದನೆ, ಆಡಳಿತಾತ್ಮಕ ವೆಚ್ಚ ಇನ್ನಿತರ ವೆಚ್ಚಗಳ ಆಧಾರದ ಮೇಲೆ ಪ್ರತಿ ಯುನಿಟ್ಗೆ 30ರಿಂದ 50 ಪೈಸೆ ಹೆಚ್ಚಿಸುವ ಕುರಿತು ನಿರ್ಧರಿಸಿದೆ. ಇಂಧನ ಖಾತೆ ಹೊಂದಿರುವ ಮುಖ್ಯಮಂತ್ರಿ ಬಿ.ಎಸ್.ಯಡಿಯೂರಪ್ಪ ಅವರು ಪ್ರಸ್ತಾವನೆಗೆ ಒಪ್ಪಿಗೆ ನೀಡಿದ ಕೂಡಲೇ ದರ ಏರಿಕೆ ಕುರಿತು ಘೋಷಣೆಯಾಗಲಿದೆ. 2019ರ ಮಾರ್ಚ್ನಲ್ಲಿ ಪ್ರತಿ ಯುನಿಟ್ಗೆ 29ರಿಂದ 33 ಪೈಸೆ ವಿದ್ಯುತ್ ದರ ಏರಿಸಲಾಗಿತ್ತು.
