ಲೆಕ್ಕಪರಿಶೋಧನೆ ಎಂಬುದು ಇಂದು ಮೌಲ್ಯವರ್ಧನೆಯ ಒಂದು ಭಾಗವಾಗಿ ಪರಿಗಣಿಸಲ್ಪಟ್ಟಿದೆ. ಸಿಎಜಿ ವರ್ಸಸ್ ಸರ್ಕಾರ ಎಂಬ ಮನಸ್ಥಿತಿ ಬದಲಾಗಿದೆ ಎಂದು ಪ್ರಧಾನಿ ನರೇಂದ್ರ ಮೋದಿ ಮಂಗಳವಾರ ಹೇಳಿದರು. ಅವರು ದೇಶದ ಚೊಚ್ಚಲ ‘ಆಡಿಟ್ ದಿವಸ್’(ಲೆಕ್ಕಪರಿಶೋಧನೆ ದಿನ) ಕಾರ್ಯಕ್ರಮ ಮತ್ತು ಸರ್ದಾರ್ ಪಟೇಲ್ ಅವರ ಪ್ರತಿಮೆ ಅನಾವರಣ ಮಾಡಿ ಮಾತನಾಡಿದರು. ಹಿಂದಿನ ಸರ್ಕಾರಗಳ ಸತ್ಯವನ್ನು ನಾವು ಪ್ರಾಮಾಣಿಕವಾಗಿ ದೇಶದ ಜನರ ಮುಂದೆ ಇರಿಸಿದ್ದೇವೆ. ಸಮಸ್ಯೆಗಳನ್ನು ಗುರುತಿಸಿದಾಗ ಮಾತ್ರವೇ ಅದಕ್ಕೆ ಪರಿಹಾರ ಕಂಡುಕೊಳ್ಳುವುದು ಸಾಧ್ಯವಾಗುತ್ತದೆ. ಸಂಪರ್ಕರಹಿತ ಕಸ್ಟಮ್್ಸ, ಆಟೋಮ್ಯಾಟಿಕ್ ರಿನೀವಲ್ಸ್, ಫೇಸ್ಲೆಸ್ ಅಸೆಸ್ವೆುಂಟ್ಸ್, ಸೇವಾ ಪೂರೈಕೆಗೆ ಆನ್ಲೈನ್ ಅರ್ಜಿ ಸಲ್ಲಿಕೆ ಮುಂತಾದ ಕ್ರಮಗಳನ್ನು ತೆಗೆದುಕೊಳ್ಳಲಾಗಿದೆ. ಈ ಎಲ್ಲ ಸುಧಾರಣಾ ಕ್ರಮಗಳ ಕಾರಣ ಸರ್ಕಾರದ ಅನಪೇಕ್ಷಿತ ಹಸ್ತಕ್ಷೇಪಗಳು ಕೊನೆಯಾಗಿವೆ ಎಂದರು. ಸಿಎಜಿ ಗಿರೀಶ್ಚಂದ್ರ ಮುಮು ಕಾರ್ಯಕ್ರಮದಲ್ಲಿ ಉಪಸ್ಥಿತರಿದ್ದರು.
