ಫೆ.21ರಂದು ಬೆಂಗಳೂರು-ವಾರಣಾಸಿ-ಅಯೋಧ್ಯೆ-ಪ್ರಯಾಗರಾಜ್ಗೆ ತೆರಳಿದ್ದ ಟ್ರಿಪ್ನಲ್ಲಿ ಪ್ರಯಾಣಿಸುತ್ತಿದ್ದ ಭಕ್ತಾಧಿಗಳಿಗೆ ಫಂಗಸ್ ಹೊಂದಿರುವ ಚಪಾತಿ ವಿತರಿಸಲಾಗಿದೆ. ರೈಲುನಲ್ಲಿ ಪ್ರಯಾಣಿಸುವ ಭಕ್ತಾಧಿಗಳಿಗೆ ಬೆಳಗ್ಗೆ ಉಪ್ಪಿಟ್ಟು, ಮಧ್ಯಾಹ್ನ ಚಪಾತಿ ಪಲ್ಯ,ಅನ್ನ ಸಾಂಬರು ಮತ್ತು ಮಜ್ಜಿಗೆ, ರಾತ್ರಿ ವೇಳೆ ಪಲಾವ್ ಅಥವಾ ಗೀ ರೈಸ್ ನೀಡಲಾಗುತ್ತಿದೆ. ಇದರ ಜತೆಗೆ ಕಾಫಿ ಅಥವಾ ಟೀ ನೀಡಲಾಗುತ್ತದೆ. ಆದರೆ,ಆಹಾರ ವಿತರಣೆಗೆ ಗುತ್ತಿಗೆ ವಹಿಸಿಕೊಂಡಿರುವ ಸಂಸ್ಥೆಯು,ಕಳಪೆ ಆಹಾರ ಸರಬರಾಜು ಮಾಡಿರುವುದು ಬೆಳಕಿಗೆ ಬಂದಿದೆ. ವಿಧಿಯಿಲ್ಲದೆ ಭಕ್ತಾಧಿಗಳು ಇದನ್ನೇ ಸೇವಿಸುವಂತಾಗಿದೆ. ಈ ಬಗ್ಗೆ ಭಕ್ತರು ರೈಲ್ವೆ ಇಲಾಖೆಯ ಗಮನಕ್ಕೆ ತಂದಿದ್ದಾರೆ. ಬಳಿಕ, ಭಕ್ತಾರಿಗೆ ರೈಲು ಇಲಾಖೆ ಅಧಿಕಾರಿ, ಕ್ಷಮಾರ್ಪಣೆ ಪತ್ರ ಬರೆದು ಮುಂದೆ ಹೀಗಾಗದಂತೆ ಕ್ರಮ ವಹಿಸುವುದಾಗಿ ಭರವಸೆ ನೀಡಿದ್ದಾರೆ. ಕೆಲವರು ಮಾಡುವ ತಪ್ಪುಗಳಿಂದ ಮಹತ್ವಾಕಾಂಕ್ಷಿ ಯೋಜನೆಗೆ ಕೆಟ್ಟು ಹೆಸರು ಬರುವಂತಾಗಿದೆ. ಕಳಪೆ ಆಹಾರ ವಿತರಿಸಿರುವ ಸಂಸ್ಥೆ ವಿರುದ್ಧ ಕ್ರಮ ತೆಗೆದುಕೊಳ್ಳಬೇಕೆಂದು ಯಾತ್ರಾರ್ಥಿಗಳ ಒತ್ತಾಯವಾಗಿದೆ.
