‘‘ಚುನಾವಣೆ ಖರ್ಚು ಎಲ್ಲ ಮುಗಿದರೂ ಇನ್ನೂ ಹಣ ಉಳಿದಿದ್ದನ್ನು ನಾನು ಖುದ್ದು ಕಂಡಿದ್ದೇನೆ. ಹಿಂದೆ ಜನರು ಹಣದ ನಿರೀಕ್ಷೆ ಇಲ್ಲದೆ, ಸ್ವಯಂ ಪ್ರೇರಿತವಾಗಿ ಬಂದು ಮತದಾನ ಮಾಡುತ್ತಿದ್ದರು. ಕರಪತ್ರ ಹಂಚುವವರಿಗೆ ಊಟ, ತಿಂಡಿ ಬಿಟ್ಟರೆ ಇನ್ನೇನನ್ನೂ ನೀಡುತ್ತಿರಲಿಲ್ಲ. ಹಾಗಾಗಿ ಅಭ್ಯರ್ಥಿಗಳಿಗೆ ಖರ್ಚು ಎನ್ನುವುದೇ ಇರುತ್ತಿರಲಿಲ್ಲ. 1983ರಲ್ಲಿ ಚಾಮರಾಜ ಕ್ಷೇತ್ರಕ್ಕೆ ನಡೆದ ಉಪ ಚುನಾವಣೆಯಲ್ಲಿ ಕಾರ್ಯಕರ್ತರಿಗೆ ಹೆಚ್ಚಿನ ಹಣ ನೀಡಲಾಗಿತ್ತೇ ವಿನಹ ಮತದಾರರಿಗೆ ಹಣ ಹಂಚಿಕೆ ಮಾಡಿರಲಿಲ್ಲ. ಕಾಲ್ನಡಿಗೆ, ಸೈಕಲ್, ಕೆಲವೊಬ್ಬರು ಬೈಕ್, ಸ್ಕೂಟರ್ನಲ್ಲಿ ಪ್ರಚಾರ ಮಾಡುತ್ತಿದ್ದರು. ಮತದಾರರು ಕೂಡ ಯಾವುದೇ ಅಪೇಕ್ಷೆ ಇಲ್ಲದೆ ಮತ ಚಲಾಯಿಸುತ್ತಿದ್ದರು. ಆದರೆ ಈಗ ಹಣ ನೀರಿನಂತೆ ಖರ್ಚು ಮಾಡಲಾಗುತ್ತಿದ್ದು ಜನರು, ಕಾರ್ಯಕರ್ತರು ಸೇರಿದಂತೆ ಎಲ್ಲದಕ್ಕೂ ಹಣ ನೀಡಬೇಕು. ಹಿಂದಿನ ಚುನಾವಣೆಗಳನ್ನು ಕಂಡವರಿಗೆ ಈಗಿನ ಚುನಾವಣೆ ನೆನೆಸಿಕೊಂಡರೆನೇ ಭಯವಾಗುತ್ತದೆ.’’
