ಕುತುಬ್​ ಮಿನಾರ್​ ಬಳಿ ಹನುಮಾನ್ ಚಾಲೀಸ ಪಠನ ಯತ್ನ; ಹಿಂದು ಸಂಘಟನೆಯ 44 ಮಂದಿ ಪೊಲೀಸ್ ವಶಕ್ಕೆ..

ನವದೆಹಲಿ: ರಾಜ್ಯದಲ್ಲಿ ಆಜಾನ್ ವಿರುದ್ಧ ಸುಪ್ರಭಾತ ಅಭಿಯಾನ ಸದ್ದು ಮಾಡುತ್ತಿದ್ದರೆ ದೇಶದಲ್ಲಿ ಹನುಮಾನ್​ ಚಾಲೀಸ ಸುದ್ದಿಯಾಗುತ್ತಿದೆ. ಮಸೀದಿಗಳಲ್ಲಿ ಧ್ವನಿವರ್ಧಕದ ಮೂಲಕ ಆಜಾನ್​ ಕೂಗುತ್ತಿರುವುದರ ವಿರುದ್ಧ ಕಳೆದ ಕೆಲವು ದಿನಗಳಿಂದ ದೇಶದ ವಿವಿಧೆಡೆ ಹನುಮಾನ್ ಚಾಲೀಸ ಅಭಿಯಾನ ನಡೆಯುತ್ತಿದ್ದು, ಅದನ್ನು ಇಂದು ಕುತುಬ್ ಮಿನಾರ್​ ಬಳಿಯೂ ನಡೆಸಲು ಯತ್ನಿಸಲಾಗಿದೆ.

ರಾಷ್ಟ್ರದ ರಾಜಧಾನಿಯಲ್ಲಿರುವ ಐತಿಹಾಸಿಕ ಹಾಗೂ ವಿಶ್ವ ಪಾರಂಪರಿಕ ತಾಣವಾದ ಕುತುಬ್ ಮಿನಾರ್​ ಬಳಿ ಹಿಂದು ಸಂಘಟನೆಯವರೆನ್ನಲಾದ ಸುಮಾರು ಐವತ್ತು ಮಂದಿ ಜಮಾಯಿಸಿ, ಹುನುಮಾನ್ ಚಾಲೀಸ ಪಠನ ಮಾಡುವುದಾಗಿ ಹೇಳಿಕೊಂಡಿದ್ದರು.

ಯುನೈಟೆಡ್ ಹಿಂದೂ ಫ್ರಂಟ್​ (ಯುಎಚ್​ಎಫ್​) ಕಾರ್ಯಾಧ್ಯಕ್ಷ ಜೈ ಭಗವಾನ್ ಗೋಯಲ್ ಕರೆ ಮೇರೆಗೆ ಈ ಕಾರ್ಯಕರ್ತರು ಹನುಮಾನ್ ಚಾಲೀಸ ಪಠನಕ್ಕಾಗಿ ಕುತುಬ್ ಮಿನಾರ್ ಬಳಿ ಜಮಾಯಿಸಿದ್ದರು.

ಹೀಗೆ ಹನುಮಾನ್ ಚಾಲೀಸ ಪಠನಕ್ಕಾಗಿ ಜಮಾಯಿಸಿದ್ದವರೆಲ್ಲ ಯುನೈಟೆಡ್​ ಹಿಂದೂ ಫ್ರಂಟ್ ಮತ್ತು ರಾಷ್ಟ್ರವಾದಿ ಶಿವಸೇನಾ ಕಾರ್ಯಕರ್ತರು ಎನ್ನಲಾಗಿದ್ದು, ಆ ಪೈಕಿ 44 ಮಂದಿಯನ್ನು ವಶಕ್ಕೆ ಪಡೆಯಲಾಗಿದೆ ಎಂದು ದಕ್ಷಿಣ ದೆಹಲಿಯ ಡಿಸಿಪಿ ಬೆನಿಟಾ ಮೇರಿ ಜೈಕರ್ ತಿಳಿಸಿದ್ದಾರೆ.

https://www.vijayavani.net/sriramasena-told-that-they-will-stop-suprabhatha-campaign-from-tomorrow-reason-is-this/

https://www.vijayavani.net/bbmp-election-going-to-happen-very-soon/