ಸುರಕ್ಷತಾ ದೃಷ್ಟಿಯಿಂದ ಪೊಲೀಸ್ ವೆಬ್​ಸೈಟ್ ವಿಳಾಸದಲ್ಲಿ ಬದಲಾವಣೆ; ಹೀಗಿದೆ ಹೊಸ ಅಡ್ರೆಸ್..

ಬೆಂಗಳೂರು: ಡಿಜಿಟಲ್​ ಕ್ಷೇತ್ರದಲ್ಲಿ ಅತ್ಯಾಧುನಿಕತೆ ಬಂದಷ್ಟೂ ಅನುಕೂಲ ಹಾಗೂ ಅಪಾಯ ಎರಡೂ ಹೆಚ್ಚಳಗೊಳ್ಳುತ್ತದೆ. ಹೀಗಾಗಿ ಆಗಾಗ ಅಪ್​ಡೇಟ್ ಆಗುವ ಮೂಲಕ ಸೂಕ್ತ ಸುರಕ್ಷಿತ ಕ್ರಮಕೈಗೊಳ್ಳುವ ಅಗತ್ಯ ಇರುತ್ತದೆ. ಆ ನಿಟ್ಟಿನಲ್ಲಿ ರಾಜ್ಯ ಪೊಲೀಸ್ ವೆಬ್​ಸೈಟ್​ ವಿಳಾಸದಲ್ಲಿ ಬದಲಾವಣೆ ಆಗಿದೆ.

ರಾಜಧಾನಿ ಬೆಂಗಳೂರು ನಗರ ಪೊಲೀಸ್ ವೆಬ್​ಸೈಟ್​ ವಿಳಾಸದಲ್ಲಿ ಆಗಿರುವ ಬದಲಾವಣೆ ಕುರಿತಂತೆ ನಗರ ಪೊಲೀಸ್ ಆಯುಕ್ತ ಪ್ರತಾಪ್ ರೆಡ್ಡಿ ಸಂಬಂಧಿತ ಎಲ್ಲ ಅಧಿಕಾರಿಗಳಿಗೆ ಸುತ್ತೋಲೆ ಹೊರಡಿಸಿದ್ದಾರೆ.

ಹೆಚ್ಚುವರಿ ಪೊಲೀಸ್ ಮಹಾನಿರ್ದೇಶಕರು ಪೊಲೀಸ್ ಗಣಕ ವಿಭಾಗದ ಇ-ಮೇಲ್ ಸಂದೇಶದಲ್ಲಿ ತಿಳಿಸಿರುವಂತೆ ರಾಜ್ಯ ಪೊಲೀಸ್‌ನ ಎಲ್ಲಾ ಜಿಲ್ಲೆಗಳ ವೆಬ್‌ಸೈಟ್‌ಗಳ ಸುರಕ್ಷತಾ ದೃಷ್ಟಿಯಿಂದ ಇ-ಆಡಳಿತ ಕೇಂದ್ರದ ಜಾಲತಾಣ ವಿಭಾಗದವರು ಅಭಿವೃದ್ಧಿಪಡಿಸಿರುವ ಮಾನದಂಡಗಳನ್ನೊಳಗೊಂಡ ಹೊಸ ವೆಬ್​ಸೈಟ್​ ಸೃಜಿಸಲಾಗಿರುತ್ತದೆ ಎಂದು ಸುತ್ತೋಲೆಯಲ್ಲಿ ತಿಳಿಸಲಾಗಿದೆ.

ಹೀಗಾಗಿ ಇಲ್ಲಿಯವರೆಗೂ ಬೆಂಗಳೂರು ನಗರ ಪೊಲೀಸ್ ವೆಬ್‌ಸೈಟ್ ವಿಳಾಸ http://www.bcp.gov.in ಎಂದು ಉಪಯೋಗಿಸಲಾಗುತ್ತಿತ್ತು. ಇನ್ನು ಮುಂದೆ ಅದು http://www.bcp.karnataka.gov.in ಎಂದು ಇರಲಿದೆ.

https://www.vijayavani.net/pejavara-shree-reaction-about-actor-chetan-controversy-statement/

https://www.vijayavani.net/rishab-shetty-clarified-about-involving-in-other-language-films/

https://www.vijayavani.net/ten-people-arrested-for-fake-blood-platelets-in-up-after-mosambi-juice-death/