50 ವರ್ಷಗಳಿಂದ ತಲೆಮರೆಸಿಕೊಂಡಿದ್ದ ಆರೋಪಿಯನ್ನು ಬಂಧಿಸಿದ ಪೊಲೀಸರು! ಏನಿದು ಪ್ರಕರಣ?

ಮುಂಬೈ: 50 ವರ್ಷಗಳಿಂದ ತಲೆಮರೆಸಿಕೊಂಡಿದ್ದ 77 ವರ್ಷದ ಆರೋಪಿಯನ್ನು ಕೊನೆಗೂ ಬಂಧಿಸುವಲ್ಲಿ ಮುಂಬೈ ಪೊಲೀಸರು ಯಶಸ್ವಿಯಾಗಿದ್ದಾರೆ.

ಆರೋಪಿಯನ್ನು ಚಂದ್ರಶೇಖರ್​ ಮಧುಕರ್​ ಕಲೆಕರ್​ ಎಂದು ಗುರುತಿಸಲಾಗಿದ್ದು, 1977 ರಲ್ಲಿ ಮುಂಬೈನ ಕೊಲಾಬಾ ಪೊಲೀಸ್ ಠಾಣೆಯಲ್ಲಿ ದಾಖಲಾಗಿದ್ದ ಕೊಲೆ ಯತ್ನ ಪ್ರಕರಣದಲ್ಲಿ (ಐಪಿಸಿ ಸೆಕ್ಷನ್ 307) ಆರೋಪಿಯಾಗಿದ್ದನು. ಸುಮಾರು 50 ವರ್ಷಗಳ ಕಾಲ ಪೊಲೀಸರಿಂದ ತಪ್ಪಿಸಿಕೊಳ್ಳುತ್ತಿದ್ದ ಈತನನ್ನು ಪೊಲೀಸರು ಕೊನೆಗೂ ಪತ್ತೆಹಚ್ಚಲಾಗಿದೆ.

ಇದನ್ನೂ ಓದಿ:ವಾಲ್ಮೀಕಿ ಸಮಾಜ ನಿಂದನೆ ಆರೋಪ: ಮಾಜಿ ಸಂಸದ ರಮೇಶ್ ಕತ್ತಿ ಬಂಧನಕ್ಕೆ ಮನವಿ

ಮಹಿಳೆ ಮೇಲೆ ಹಲ್ಲೆ!

ಆರೋಪಿ ಕಲೆಕರ್​ 1977ರಲ್ಲಿ ಮಹಿಳೆಯ ಹೊಟ್ಟೆ, ಬೆನ್ನು ಮತ್ತು ಕೈಗೆ ಹರಿತವಾದ ಚಾಕುವಿನಿಂದ ಹಲ್ಲೆ ಮಾಡಿದ್ದನು. ಗಾಯಗೊಂಡ ಮಹಿಳೆ ಬದುಕುಳಿದರೂ, ಅಪರಾಧವನ್ನು ಗಂಭೀರವೆಂದು ಪರಿಗಣಿಸಲಾಗಿತ್ತು. ಕಾಲೇಕರ್ ಅವರನ್ನು ಬಂಧಿಸಿ 15 ದಿನಗಳ ಕಾಲ ಜೈಲಿನಲ್ಲಿ ಇರಿಸಲಾಗಿತ್ತು, ಆದರೆ ಜಾಮೀನಿನ ಮೇಲೆ ಬಿಡುಗಡೆಯಾದ ನಂತರ, ಅವರು ನ್ಯಾಯಾಲಯಕ್ಕೆ ಹಾಜರಾಗದೆ ಪರಾರಿಯಾಗಿದ್ದರು.

ಹಳೆಯ ಮತದಾರರ ಪಟ್ಟಿಗಳು ಮತ್ತು ಸರ್ಕಾರಿ ದಾಖಲೆಗಳ ಮೂಲಕ ಪೊಲೀಸರು ಅವರನ್ನು ಪತ್ತೆಹಚ್ಚಲು ಪ್ರಯತ್ನಿಸಿದರು. ಅಂತಿಮವಾಗಿ, ಅವರ ಚಾಲನಾ ಪರವಾನಗಿಯ ಮಾಹಿತಿಯು ಪೊಲೀಸರಿಗೆ ದೃಢವಾದ ಸುಳಿವು ನೀಡಿದೆ.(ಏಜೆನ್ಸೀಸ್)

https://www.vijayavani.net/yathindras-statement-at-an-appropriate-time-dk-shivakumar