ಮನೆ ಮಂದಿಯ ಕಾವಲಿಗೆ ಪುಟಾಣಿಗಳ ಸೇನೆ- ಸೋಷಿಯಲ್ ಡಿಸ್ಟೆನ್ಸಿಂಗ್ ಜಾರಿಗೆ ಪ್ರಧಾನಿ ಸಿದ್ಧಪಡಿಸಿದ್ರು ಹೊಸ ಪ್ಲ್ಯಾನ್

ನವದೆಹಲಿ: ಕರೊನಾ ಸೋಂಕು ತಡೆಯುವುದುಕ್ಕಾಗಿ ಕೇಂದ್ರ ಸರ್ಕಾರ ಹಲವು ಕಠಿಣ ಕ್ರಮಗಳನ್ನು ಕೈಗೊಂಡಿದ್ದು, ಜನರ ಸ್ವಯಂಪ್ರೇರಿತ ಪಾಲ್ಗೊಳ್ಳುವಿಕೆಯನ್ನೂ ಬಯಸಿದೆ. ಆದರೆ, ಇದರ ಅನುಷ್ಠಾನಕ್ಕೆ ನಾನಾ ಜಾಗೃತಿ ಕಾರ್ಯಕ್ರಮಗಳನ್ನು, ಅಭಿಯಾನಗಳನ್ನೂ ಸರ್ಕಾರ ಕೈಗೊಂಡಿದೆ. ಇಡೀ ದೇಶದಲ್ಲಿ 21 ದಿನಗಳ ಲಾಕ್​ ಡೌನ್ ಕೂಡ ಘೋಷಿಸಲಾಗಿದೆ.

ರಾಜ್ಯಗಳೂ ಈ ಲಾಕ್​ಡೌನ್​ ಅನ್ನು ಪರಿಣಾಮಕಾರಿಯಾಗಿ ಅನುಷ್ಠಾನಗೊಳಿಸುವ ಸಲುವಾಗಿ ಕರ್ಫ್ಯೂ ಮಾದರಿಯ ನಿಗಾವನ್ನೂ ಜನರ ಮೇಲೆ ಇರಿಸಿದೆ. #SocialDistancing ಬಗ್ಗೆ ಜಾಗೃತಿ ಮೂಡಿಸುತ್ತ, ಸಾರ್ವಜನಿಕವಾಗಿ ಇದನ್ನು ಅನುಷ್ಠಾನಗೊಳಿಸುವ ಹೊಣೆಯನ್ನು ಪೊಲೀಸರು ಮತ್ತು ಕರೊನಾ ವಾರಿಯರ್ಸ್ ಹೊತ್ತುಕೊಂಡಿದ್ದಾರೆ.

ಈ ನಡುವೆ ಪ್ರಧಾನಿ ನರೇಂದ್ರ ಮೋದಿಯವರು ಬುಧವಾರ ತಮ್ಮ ಸ್ವಕ್ಷೇತ್ರ ವಾರಾಣಸಿಯ ಜನರ ಜತೆ ಮಾತನಾಡುತ್ತ, ಆರೋಗ್ಯ ಸಿಬ್ಬಂದಿಗೆ ಸಹಕರಿಸದವರ ವಿರುದ್ಧ ಕಠಿಣ ಕ್ರಮಕ್ಕೆ ಪೊಲೀಸರಿಗೆ ಸೂಚನೆ ನೀಡಿದ್ದಾರೆ. ಅದೇ ರೀತಿ, ರಾತ್ರಿ ವೇಳೆ ಪ್ರಧಾನಿಯವರು ಒಂದು ಟ್ವೀಟ್ ಮಾಡಿ ಬಾಲ ಸೇನೆಯ ವಿಚಾರವನ್ನೂ ಪ್ರಸ್ತಾಪಿಸಿದ್ದಾರೆ.

ಪ್ರತಿ ಮನೆಯಲ್ಲೂ ಇರುವ ಮಕ್ಕಳು, ಪಾಲಕರು ಹೊರ ಹೋಗದಂತೆ ನೋಡಿಕೊಳ್ಳಬೇಕು ಎಂಬ ಸಂದೇಶವನ್ನು ಪ್ರಧಾನಿ ರವಾನಿಸಿದ್ದಾರೆ. ಈ ಟ್ವೀಟ್ ಸಂದೇಶದ ಜತೆಗೆ ಒಂದು ವಿಡಿಯೋವನ್ನೂ ಅಟ್ಯಾಚ್ ಮಾಡಿದ್ದು ಎಲ್ಲರ ಗಮನಸೆಳೆಯುವಂತಿದೆ.

https://www.vijayavani.net/prime-minister-modis-interaction-with-citizens-of-varanasi/