ಇಂಡೋನೇಷ್ಯಾದಲ್ಲಿ ಜಿ-20 ಶೃಂಗ ಸಭೆ: ಇಂದು ಬಾಲಿಗೆ ಪ್ರಧಾನಿ ಮೋದಿ ಭೇಟಿ, 45 ಗಂಟೆಯಲ್ಲಿ 20 ಸಭೆಗಳಲ್ಲಿ ಭಾಗಿ…

ನವದೆಹಲಿ: ಇಂಡೋನೇಷ್ಯಾದಲ್ಲಿ ನಡೆಯಲಿರುವ 17ನೇ ಜಿ-20 ಶೃಂಗ ಸಭೆಯಲ್ಲಿ ಪಾಲ್ಗೊಳ್ಳಲು ಪ್ರಧಾನಿ ನರೇಂದ್ರ ಮೋದಿ ಇಂದು(ಸೋಮವಾರ) ಬಾಲಿಗೆ ತೆರಳಲಿದ್ದಾರೆ. ಮೂರು ದಿನಗಳ ಇಂಡೋನೇಷ್ಯಾ ಭೇಟಿ ವೇಳೆ ಸುಮಾರು 10 ಜಾಗತಿಕ ನಾಯಕರೊಂದಿಗೆ ದ್ವಿಪಕ್ಷೀಯ ಮಾತುಕತೆ ನಡೆಸಲಿದ್ದಾರೆ.

ಸುಮಾರು 45 ಗಂಟೆ ವಾಸ್ತವ್ಯದ ವೇಳೆ 20 ಸಭೆಗಳಲ್ಲಿ ಪ್ರಧಾನಿ ಮೋದಿ ಭಾಗವಹಿಸಲಿದ್ದಾರೆ. ಅದರಲ್ಲಿ ಆಹಾರ ಮತ್ತು ಇಂಧನ ಭದ್ರತೆ, ಡಿಜಿಟಲ್​ ಪರಿವರ್ತನೆ ಮತ್ತು ಆರೋಗ್ಯ ಕುರಿತ ಮೂರು ಮಹತ್ವದ ಅಧಿವೇಶನಗಳೂ ಸೇರಿವೆ ಎಂದು ವಿದೇಶಾಂಗ ಕಾರ್ಯದರ್ಶಿ ವಿನಯ್​ ಕ್ವತ್ರಾ ತಿಳಿಸಿದ್ದಾರೆ.

ಜಿ-20 ಶೃಂಗ ಸಭೆಯ ಸಮಾರೋಪದಲ್ಲಿ ಇಂಡೋನೇಷ್ಯಾ ಅಧ್ಯಕ್ಷ ಜೋಕೋ ವಿಡೊಡೊ ಅವರು ಜಿ20 ಅಧ್ಯಕ್ಷತೆಯನ್ನು ನರೇಂದ್ರ ಮೋದಿ ಅವರಿಗೆ ಸಾಂಕೇತಿಕವಾಗಿ ಹಸ್ತಾಂತರಿಸಲಿದ್ದಾರೆ. ರಷ್ಯಾ-ಯೂಕ್ರೇನ್​ ಕದನ ಹಾಗೂ ಅದರ ಪರಿಣಾಮ ಸಹಿತ ಹಲವು ಪ್ರಮುಖ ಜಾಗತಿಕ ಸವಾಲುಗಳನ್ನು ಶೃಂಗ ಸಭೆಯಲ್ಲಿ ಚರ್ಚೆಯಾಗಲಿದೆ. ಅಮೆರಿಕ ಅಧ್ಯಕ್ಷ ಜೋ ಬೈಡೆನ್​, ಬ್ರಿಟನ್​ ಪ್ರಧಾನಿ ರಿಷಿ ಸುನಕ್​, ಫ್ರೆಂಚ್​ ಅಧ್ಯಕ್ಷ ಇಮಾನ್ಯುಯೆಲ್​ ಮಾಕ್ರನ್​, ಜರ್ಮನಿ ಚಾನ್ಸಲರ್​ ಒಲಾಫ್​ ಷೋಲ್ಸ್​ ಮತ್ತು ಚೀನಾ ಅಧ್ಯಕ್ಷ ಷಿ ಜಿನ್​ಪಿಂಗ್​ ಅವರುಗಳು ಶೃಂಗಸಭೆಯಲ್ಲಿ ಭಾಗವಹಿಸುವ ನಿರೀಕ್ಷೆಯಿದೆ.

https://www.vijayavani.net/okkaligas-bride-groom-wedding-samavesha-adichunchangiri-math/

https://www.vijayavani.net/go-to-your-husbands-house-did-your-mother-tell-you-wrong/