'ಅಮ್ಮಾ...ನಿಮ್ಮಂತಹ ಕೋಟ್ಯಂತರ ತಾಯಂದಿರ ಆಶೀರ್ವಾದ ಕರೊನಾ ವಿರುದ್ಧ ಹೋರಾಡುತ್ತಿರುವವರ ಮೇಲಿದೆ..': ತಾಯಿ ಹೀರಾಬೆನ್​ಗೆ ನರೇಂದ್ರ ಮೋದಿ ಕೃತಜ್ಞತೆ

ನವದೆಹಲಿ: ಕರೊನಾ ವೈರಸ್​ ವಿರುದ್ಧ ಪ್ರಧಾನಿ ನರೇಂದ್ರ ಮೋದಿಯವರು ಕರೆ ನೀಡಿದ್ದ ಜನತಾ ಕರ್ಫ್ಯೂಗೆ ಬೆಂಬಲ ನೀಡಿದ ದೇಶದ ಜನರು, ಮೋದಿಯವರ ಮನವಿಯಂತೆ ಸಂಜೆ 5ಗಂಟೆಗೆ ಮನೆಯಿಂದ ಹೊರಬಂದು ಚಪ್ಪಾಳೆ ತಟ್ಟಿ, ಗಂಟೆ, ಜಾಗಟೆ ಬಾರಿಸಿ, ಶಂಖ ಊದಿ ಕರೊನಾ ಸೇನಾನಿಗಳಿಗೆ ಗೌರವ ಸಲ್ಲಿಸಿದ್ದಾರೆ.

ಹಲವು ರಾಜಕೀಯ ಗಣ್ಯರು, ಸಿನಿಮಾ ಸೆಲೆಬ್ರಿಟಿಗಳು ಕೂಡ ತಮ್ಮ ಮನೆಯಿಂದ ಹೊರಬಂದು ಐದು ನಿಮಿಷ ಗೌರವ ಸಲ್ಲಿಸಲು ಮೀಸಲಾಗಿಟ್ಟಿದ್ದರು. ಸಾಮಾಜಿಕ ಜಾಲತಾಣಗಳಲ್ಲಿ ವಿಡಿಯೋಗಳು, ಫೋಟೋಗಳು ವೈರಲ್ ಆಗಿತ್ತು. ಆದರೆ ಅವೆಲ್ಲಕ್ಕಿಂತಲೂ ಹೆಚ್ಚಿನ ಗಮನಸೆಳೆದಿದ್ದು ಪ್ರಧಾನಿ ನರೇಂದ್ರ ಮೋದಿಯವರ ತಾಯಿ ಹೀರಾ ಬೆನ್​ ಅವರು ಪ್ಲೇಟ್ (ಥಾಲಿ)​ ಬಡಿದ ವಿಡಿಯೋ.

ಹೀರಾ ಬೆನ್​ ಕೂಡ ತಮ್ಮ ಮಗನ ಮಾತಿಗೆ ಸ್ಪಂದಿಸಿ, ಮನೆಯ ಹೊರಗೆ ಕುರ್ಚಿ ಹಾಕಿ ಕುಳಿತು ಥಾಲಿಯನ್ನು ಬಡಿಯುವ ಮೂಲಕ ಆರೋಗ್ಯ, ವೈದ್ಯಕೀಯ ಸಿಬ್ಬಂದಿಗೆ, ಕರೊನಾ ಆತಂಕದ ಮಧ್ಯೆಯೂ ಅಗತ್ಯ ಸೇವೆ ಸಲ್ಲಿಸುತ್ತಿರುವವರಿಗೆ ಕೃತಜ್ಞತೆ ಸಲ್ಲಿಸಿದ್ದರು. ಈ ವಿಡಿಯೋವನ್ನು ಎಎನ್​ಐ ಸುದ್ದಿ ಮಾಧ್ಯಮ ಪೋಸ್ಟ್ ಮಾಡಿತ್ತು.
ಇಂದು ನರೇಂದ್ರ ಮೋದಿಯವರು ಎಎನ್​ಐ ಪೋಸ್ಟ್ ಮಾಡಿದ್ದ ತಮ್ಮ ತಾಯಿಯ ವಿಡಿಯೋವನ್ನು ರೀಟ್ವೀಟ್​ ಮಾಡಿಕೊಂಡು, ಅಮ್ಮಂಗೆ ಕೃತಜ್ಞತೆ ಸಲ್ಲಿಸಿದ್ದಾರೆ.

ಅಮ್ಮಾ, ನಿಮ್ಮಂತಹ ಕೋಟ್ಯಂತರ ತಾಯಂದಿರ ಆಶೀರ್ವಾದ, ಹಾರೈಕೆಯಿಂದ ಅನೇಕ ವೈದ್ಯರು, ದಾದಿಯರು, ಆರೋಗ್ಯ ಸಿಬ್ಬಂದಿ, ಪೊಲೀಸರು, ಭದ್ರತಾ ಪಡೆಗಳು, ಮಾಧ್ಯಮಗಳ ಸಿಬ್ಬಂದಿ, ಪೌರಕಾರ್ಮಿಕರು ಕರೊನಾ ಸೋಂಕಿನ ವಿರುದ್ಧ ಹೋರಾಡುತ್ತ, ಆತಂಕದ ನಡುವೆಯೂ ಅಗತ್ಯ ಸೇವೆಯನ್ನು ಸಲ್ಲಿಸುತ್ತಿದ್ದಾರೆ. ಈಗ ಅವರಿಗೆಲ್ಲ ಮತ್ತಷ್ಟು ಕೆಲಸ ಮಾಡಲು ಸ್ಫೂರ್ತಿ, ಬೆಂಬಲ ಸಿಕ್ಕಿದೆ ಎಂದು ಮೋದಿಯವರು ಟ್ವೀಟ್​ ಮಾಡಿದ್ದಾರೆ. (ಏಜೆನ್ಸೀಸ್​)

https://www.facebook.com/narendramodi/videos/pcb.10163270796420165/499215554300343/?type=3&__tn__=HH-R&eid=ARC06MSRf6-JgWG_RCjOsgEoFYKue5gfzqwiWt_ZqrHascIed7igHR3J16eftlG0RqYMahqboZKhbAd5&__xts__%5B0%5D=68.ARCqycJ6R1rmtCcQJ3XwtJShgQAjk4EBhUSxEEXTMXf-IdKCtSkjvc9ctLVIZLl7Emc_x5kSP1LQgSNGzYKCvJza92g7SKBbwFKrzBQ_qmudLYBRjZ11KQS_vEFc1SCw8_yjgzb7lz6eibWhKxnHME32SmwWWWdfaA8fHBMnphrOdwwfkNsXpo-sAe-ansDIO8TgUOzwHj77rIOXNvkZHZkom3bgxGZ0W6uQfa58soYg18IkEywBq_NndCmspmD3aeqOtcCThNZxQm-A5k29X8jkU6HlJVDcHz5g778jZ8Swvym_oMye_b8XOv8g7zEArzhSh9TXkTqCYGHY3XzT

https://www.vijayavani.net/why-rajinikanths-post-on-janata-curfew-was-removed-by-twitter/