ದಾನಿಗಳೇ ಎಚ್ಚರ | ಕರೊನಾ ಪೀಡಿತರ ನೆರವಿಗೆ ದೇಣಿಗೆ ಸ್ವೀಕರಿಸುತ್ತಿರುವ ಯುಪಿಐ ಐಡಿಯ ನಕಲಿ ಖಾತೆ ಸೃಷ್ಟಿಯಾಗಿದೆ

ನವದೆಹಲಿ: ಕರೊನಾ ಸೋಂಕು ಪೀಡಿತರ ನೆರವಿಗೆ ಕೇಂದ್ರ ಸರ್ಕಾರ ಸಾರ್ವಜನಿಕರಿಂದ ನಿಧಿ ಸಂಗ್ರಹಿಸಲು ಮುಂದಾಗಿರುವ ಬೆನ್ನ ಹಿಂದಯೇ ನಕಲಿ ಖಾತೆಗಳು ಸೃಷ್ಟಿಯಾಗಿವೆ ಎಂದು ಭಾರತೀಯ ಸ್ಟೇಟ್​ ಬ್ಯಾಂಕ್​ ಎಚ್ಚರಿಕೆ ನೀಡಿದೆ.

ಪ್ರಧಾನಿ ನರೇಂದ್ರ ಮೋದಿ ಅವರು, ಕರೊನಾ ಮಾರಿ ಓಡಿಸಲು ಸಾರ್ವಜನಿಕರು ಉದಾರವಾಗಿ ದೇಣಿಗೆ ನೀಡಬೇಕು ಎಂದು ಕೋರಿದ್ದರು. ಇದನ್ನೇ ಬಂಡವಾಳ ಮಾಡಿಕೊಂಡ ಕೆಲವರು ನಕಲಿ ಖಾತೆ ಸೃಷ್ಟಿಸಿ ಹಣ ದೋಚಲು ಮುಂದಾಗಿದ್ದಾರೆ.

ನಕಲಿ ಐಡಿ: ಪಿಎಂ ಕೇರ್ಸ್ ಫಂಡ್ ಯುಪಿಐ ಐಡಿ pmcare@upi ಎಂಬ ಹೆಸರಿನಲ್ಲಿ ಹಣ ಕಳಿಸುವಂತೆ ಮನವಿ ಬಂದರೆ ಈ ಐಡಿಗೆ ಹಣ ಕಳುಹಿಸಬೇಡಿ ಎಂದು ಕೇಂದ್ರ ಸರ್ಕಾರ ಸಾರ್ವಜನಿಕರಲ್ಲಿ ಮನವಿ ಮಾಡಿದೆ.

ದೇಣಿಗೆ ನೀಡುವ ಸಾರ್ವಜನಿಕರು PM Cares Fundನ ಯುಪಿಐ ಐಡಿ pmcares@sbi. ಗೆ ಹಣ ನೀಡಬಹುದು ಎಂದು ಕೇಂದ್ರ ಸರ್ಕಾರ ತಿಳಿಸಿದೆ. (ಏಜೆನ್ಸೀಸ್​)

https://www.vijayavani.net/%e0%b2%95%e0%b2%b0%e0%b3%8a%e0%b2%a8%e0%b2%be-%e0%b2%b8%e0%b3%88%e0%b2%a1%e0%b3%8d-%e0%b2%8e%e0%b2%ab%e0%b3%86%e0%b2%95%e0%b3%8d%e0%b2%9f%e0%b3%8d%e2%80%8b%e0%b2%97%e0%b3%86-11-%e0%b2%b8%e0%b2%be/