ಅಪರಾಧಿಗಳು ಜೈಲಿನಲ್ಲಿ ಇದ್ದಾಗ ಎಸಗುವ ತಪ್ಪುಗಳಿಗೆ ಒಂದಿಷ್ಟು ಶಿಕ್ಷೆಗಳನ್ನು ವಿಧಿಸಬೇಕೆಂದು ಕರ್ನಾಟಕ ಕಾರಾಗೃಹ ಕಾಯ್ದೆ-1963ರ ಸೆಕ್ಷನ್ 46ರಿಂದ 49ರವರೆಗೆ ಹೇಳಲಾಗಿದೆ. ಜೈಲುಗಳಲ್ಲಿ ತಪ್ಪು ಮಾಡುವ ಅಪರಾಧಿಗಳಿಗೆ ಕನಿಷ್ಠ ಏಳು ದಿನ ಕಠಿಣ ಕೆಲಸ ಮಾಡಿಸಬೇಕು, ಪೆರೋಲ್, ತಾತ್ಕಾಲಿಕ ಬಿಡುಗಡೆಯ ಹಕ್ಕುಗಳನ್ನು ನಿರಾಕರಿಸಬೇಕು, ಕನಿಷ್ಠ 2 ತಿಂಗಳು ಅವರನ್ನು ಪ್ರತ್ಯೇಕವಾಗಿ ಇರಿಸಬೇಕು ಎಂದು ಹೇಳಲಾಗಿದೆ. ಆದರೆ, ಶಿಕ್ಷೆ ವಿಧಿಸಲು ಅನುಸರಿಸುವ ವಿಧಾನಗಳ ಬಗ್ಗೆ ಕಾಯ್ದೆಯಲ್ಲಿ ಹೇಳಲಾಗಿಲ್ಲ. ಹೀಗಾಗಿ ಜೈಲು ಅಧಿಕಾರಿಗಳು ಈ ಅವಕಾಶವನ್ನು ಮನಬಂದಂತೆ ಪಕ್ಷಪಾತವಾಗಿ, ಪ್ರತಿಕಾರಕ್ಕಾಗಿ, ಪೂರ್ವಾಗ್ರಹವಾಗಿ, ದ್ವೇಷದಿಂದ ಅಥವಾ ವೈಯುಕ್ತಿಕ ಹಿತಾಸಕ್ತಿಗೆ ಬಳಸಿಕೊಳ್ಳುವ ಸಾಧ್ಯತೆಯಿದೆ ಎಂದು ಅರ್ಜಿಯಲ್ಲಿ ಉಲ್ಲೇಖಿಸಲಾಗಿದೆ.
