ಸಿಂಗಾಪುರ ವಿವಿಯಲ್ಲಿ ಸ್ನಾತಕೋತ್ತರ ಪದವಿ ಪಡೆದ ಪವನ್ ಪತ್ನಿ; ಫ್ಯಾನ್ಸ್​​​ ಹೇಳಿದ್ದೇನು ಗೊತ್ತಾ?

ಅಮರಾವತಿ: ತೆಲುಗಿನ ಪವರ್​​​ಸ್ಟಾರ್ ಮತ್ತು ಆಂಧ್ರಪ್ರದೇಶದ ಉಪಮುಖ್ಯಮಂತ್ರಿ ಪವನ್ ಕಲ್ಯಾಣ್ ಅವರ ಪತ್ನಿ ಅನ್ನಾ ಲೆಜ್ನೆವಾ ಅವರು ಸಿಂಗಾಪುರದ ನ್ಯಾಷನಲ್ ಯೂನಿವರ್ಸಿಟಿಯಿಂದ ಮಾಸ್ಟರ್ ಆಫ್ ಆರ್ಟ್ಸ್ ಪದವಿ ಪಡೆದಿದ್ದಾರೆ. ಪದವಿ ಪ್ರದಾನ ಸಮಾರಂಭದಲ್ಲಿ ಪವನ್ ಕಲ್ಯಾಣ್ ಉಪಸ್ಥಿತರಿದ್ದರು.

ಇದನ್ನು ಓದಿ: ಆ ಪದ ಬಳಸಿದ್ದಕ್ಕೆ ಪಾಲಕರು ನನಗೆ ಎಚ್ಚರಿಸಿದ್ರು; ಹಳೇ ಘಟನೆ ನೆನೆದ ಸುಶ್ಮಿತಾ ಸೇನ್​​

ಪವನ್​​ ಪತ್ನಿ ಅನ್ನಾ ಲೆಜ್ನೆವಾ ಅವರು ಆಗ್ನೇಯ ಏಷ್ಯಾದ ರಾಷ್ಟ್ರಗಳ ಕಲೆ ಮತ್ತು ಸಾಮಾಜಿಕ ವಿಜ್ಞಾನದಲ್ಲಿ ತಮ್ಮ ಸ್ನಾತಕೋತ್ತರ ಪದವಿಯನ್ನು ಸಿಂಗಾಪುರದ ನ್ಯಾಷನಲ್ ಯೂನಿವರ್ಸಿಟಿಯಲ್ಲಿ ಪೂರ್ಣಗೊಳಿಸಿದ್ದಾರೆ. ಸದ್ಯ ಅವರ ಪದವಿಯ ಫೋಟೋಗಳು ಮತ್ತು ವೀಡಿಯೊಗಳು ಸಾಮಾಜಿಕ ಮಾಧ್ಯಮದಲ್ಲಿ ವೈರಲ್ ಆಗುತ್ತಿವೆ.

ಇದು ಶ್ರೀಮತಿ ಅನ್ನಾ ಅವರು ಪಡೆದಿರುವ ಎರಡನೇ ಸ್ನಾತಕೋತ್ತರ ಪದವಿ ಆಗಿದೆ. ಏಷ್ಯಾದ ದೇಶಗಳ ಇತಿಹಾಸ, ಭಾಷೆಗಳು ಮತ್ತು ಜೀವನಶೈಲಿಯ ಅಧ್ಯಯನದಲ್ಲಿ ಅವರು ತಮ್ಮ ಮೊದಲ ಪದವಿಯನ್ನು ಪಡೆದರು. ಆ ಅಧ್ಯಯನದಲ್ಲಿ ಥೈಲ್ಯಾಂಡ್ ಇತಿಹಾಸವು ವಿಶೇಷ ವಿಷಯವಾಗಿದೆ. ಸೇಂಟ್ ಪೀಟರ್ಸ್‌ಬರ್ಗ್ ಸ್ಟೇಟ್ ಯೂನಿವರ್ಸಿಟಿಯಲ್ಲಿದ್ದಾಗ ಅವರು ಮೂರು ಭಾಷೆಗಳನ್ನು ಕಲಿತಿದ್ದು, ಅದರ ನಂತರ ಶ್ರೀಮತಿ ಅನ್ನಾ ಬ್ಯಾಂಕಾಕ್‌ನ ಚುಲಾಂಗ್‌ಕಾರ್ನ್ ವಿಶ್ವವಿದ್ಯಾಲಯದಿಂದ ಥಾಯ್ ಅಧ್ಯಯನದಲ್ಲಿ ತನ್ನ ಮೊದಲ ಸ್ನಾತಕೋತ್ತರ ಪದವಿಯನ್ನು ಪಡೆದಿದ್ದಾರೆ.

ಅಭಿನಂದನಾ ಸಂದೇಶಗಳನ್ನು ಹಂಚಿಕೊಳ್ಳಲು ಪವನ್ ಅಭಿಮಾನಿಗಳು ಇನ್​ಸ್ಟಾಗ್ರಾಮ್​​ ಮತ್ತು ಎಕ್ಸ್​​ (ಹಿಂದೆ ಟ್ವಿಟರ್​​)ನಲ್ಲಿ ಲೈವ್-ಸ್ಟ್ರೀಮ್ ಮಾಡಿದ ಪದವಿ ಸಮಾರಂಭದಲ್ಲಿ ತೆಗೆದ ವೀಡಿಯೊಗಳನ್ನು ಹಂಚಿಕೊಂಡಿದ್ದಾರೆ. ಸಿನಿಮಾಗೆ ಸಂಬಂಧಿಸಿದಂತೆ ಕಳೆದ ವರ್ಷ ಬಿಡುಗಡೆಯಾದ ಬ್ರೋ ಚಿತ್ರದಲ್ಲಿ ಪವನ್ ಕೊನೆಯದಾಗಿ ಕಾಣಿಸಿಕೊಂಡರು. (ಏಜೆನ್ಸೀಸ್​)

https://www.vijayavani.net/narendra-modi-led-nda-government-rejects-special-category-status-to-bihar