ಪ್ರಯಾಣಿಕ ವಾಹನಗಳ ಮಾರಾಟ ಮೇ ತಿಂಗಳಲ್ಲಿ 4% ಹೆಚ್ಚಳ

ನವದೆಹಲಿ: ವಾಹನ ತಯಾರಕರು ಮೇ ತಿಂಗಳಲ್ಲಿ ದೇಶೀಯ ಮಾರುಕಟ್ಟೆಯಲ್ಲಿ 3.47 ಲಕ್ಷ ಪ್ರಯಾಣಿಕ ವಾಹನಗಳನ್ನು ಡೀಲರ್‌ಗಳಿಗೆ ರವಾನಿಸಿದ್ದಾರೆ. ಕಳೆದ ವರ್ಷದ ಇದೇ ತಿಂಗಳಿಗೆ ಹೋಲಿಸಿದರೆ ವರ್ಷದಿಂದ ವರ್ಷಕ್ಕೆ ಶೇ 4 ಬೆಳವಣಿಗೆ ದಾಖಲಿಸಿದೆ ಎಂದು ಈ ಉದ್ಯಮ ಸಂಸ್ಥೆ ಭಾರತೀಯ ಆಟೋಮೊಬೈಲ್ ತಯಾರಕರ ಸೊಸೈಟಿ (SIAM) ಮಂಗಳವಾರ ತಿಳಿಸಿದೆ.

ಕಂಪನಿಗಳಿಂದ ಡೀಲರ್‌ಗಳಿಗೆ ಒಟ್ಟಾರೆ ಪ್ರಯಾಣಿಕ ವಾಹನ (ಪಿವಿ) ರವಾನೆಗಳು ಕಳೆದ ತಿಂಗಳು 3,47,492 ಆಗಿವೆ. ಮೇ 2023 ರಲ್ಲಿ ರವಾನಿಸಿದ ವಾಹನಗಳ ಸಂಖ್ಯೆ 3,34,537 ಇತ್ತು.

ಮಾರುತಿ ಸುಜುಕಿ ಕಳೆದ ತಿಂಗಳು 1,44,002 ಯುನಿಟ್‌ಗಳನ್ನು ಮಾರಾಟ ಮಾಡಿದ್ದು, ಮೇ 2023 ರಲ್ಲಿ 1,43,708 ಯುನಿಟ್‌ಗಳನ್ನು ಮಾರಾಟ ಮಾಡಿದೆ. ಹ್ಯುಂಡೈ ಮೋಟಾರ್ ಇಂಡಿಯಾ ಮೇ ತಿಂಗಳಲ್ಲಿ 49,151 ಯುನಿಟ್‌ಗಳನ್ನು ಕಳುಹಿಸಿದೆ, ಮೇ 2023 ರಲ್ಲಿ 48,601 ಯುನಿಟ್‌ಗಳನ್ನು ಮಾರಿತ್ತು. ಮಹೀಂದ್ರಾ ಮತ್ತು ಮಹೀಂದ್ರಾ ಕಳೆದ ತಿಂಗಳು 43,218 ಯುನಿಟ್‌ಗಳನ್ನು ಮಾರಾಟ ಮಾಡಿದ್ದು, ಹಿಂದಿನ ವರ್ಷದ ಇದೇ ಅವಧಿಯಲ್ಲಿ 32,886 ಯುನಿಟ್‌ಗಳನ್ನು ಮಾರಾಟ ಮಾಡಿತ್ತು.

ಪ್ರಯಾಣಿಕ ವಾಹನಗಳು, ವಾಣಿಜ್ಯ ವಾಹನಗಳು, ದ್ವಿಚಕ್ರ ವಾಹನಗಳು ಮತ್ತು ತ್ರಿಚಕ್ರ ವಾಹನಗಳು ಸೇರಿ ಎಲ್ಲಾ ವಿಭಾಗಗಳಲ್ಲಿ ಕಳೆದ ವರ್ಷದ ಇದೇ ತಿಂಗಳಿಗೆ ಹೋಲಿಸಿದರೆ ಮೇ ತಿಂಗಳಲ್ಲಿ ಬೆಳವಣಿಗೆಯನ್ನು ದಾಖಲಾಗಿದೆ ಎಂದು ಭಾರತೀಯ ಆಟೋಮೊಬೈಲ್ ತಯಾರಕರ ಸೊಸೈಟಿ ಅಧ್ಯಕ್ಷ ವಿನೋದ್ ಅಗರ್ವಾಲ್ ಹೇಳಿಕೆಯಲ್ಲಿ ತಿಳಿಸಿದ್ದಾರೆ.

"2047 ರ ವೇಳೆಗೆ ವಿಕಸಿತ ಭಾರತದ ಗುರಿಯನ್ನು ಅನುಸರಿಸುತ್ತಿರುವ ಹೊಸ ಸರ್ಕಾರವು ಸಾಮಾನ್ಯ ಮಾನ್ಸೂನ್‌ ನಿರೀಕ್ಷೆಯೊಂದಿಗೆ ಮತ್ತು ಆರ್ಥಿಕ ಅಭಿವೃದ್ಧಿಗೆ ನಿರಂತರ ಒತ್ತು ನೀಡುವುದರೊಂದಿಗೆ, ಆಟೋ ಉದ್ಯಮವು 2024-25 ರಲ್ಲಿ ಸ್ಥಿರವಾದ ಬೆಳವಣಿಗೆಯ ಆಶಾದಾಯಕವಾಗಿದೆ" ಎಂದು ಅಗರ್ವಾಲ್ ಹೇಳಿದ್ದಾರೆ.

ದ್ವಿಚಕ್ರ ವಾಹನಗಳ ಮಾರಾಟವು ಕಳೆದ ತಿಂಗಳು 14,71,550 ಯುನಿಟ್‌ಗಳಿಗೆ ಹೋಲಿಸಿದರೆ ಶೇಕಡಾ 10 ರಷ್ಟು ಏರಿಕೆಯಾಗಿ 16,20,084 ಯುನಿಟ್‌ಗಳಿಗೆ ತಲುಪಿದೆ. ತ್ರಿಚಕ್ರ ವಾಹನ ರವಾನೆಗಳು ಮೇ 2023 ರಲ್ಲಿ 48,610 ಯುನಿಟ್‌ಗಳಿಗೆ ಹೋಲಿಸಿದರೆ ಮೇ ತಿಂಗಳಲ್ಲಿ 55,763 ಯುನಿಟ್‌ಗಳಿಗೆ 15 ಪ್ರತಿಶತದಷ್ಟು ಏರಿಕೆಯಾಗಿದೆ.