ಸಂವಾದಕ್ಕೆ ಆಗಮಿಸಿದ ನಟ ಪ್ರಕಾಶ್ ರಾಜ್​ ವಿರುದ್ಧ ಹಿಂದೂ ಸಂಘಟನೆಗಳವರ ಆಕ್ರೋಶ, ಧಿಕ್ಕಾರ

ಕಲಬುರಗಿ: ಕಳೆದ ಕೆಲವು ದಿನಗಳಿಂದ ವಿವಾದಾತ್ಮಕ ಹೇಳಿಕೆಗಳಿಂದಾಗಿ ಸೋಷಿಯಲ್ ಮೀಡಿಯಾದಲ್ಲಿ ಹಿಂದೂಗಳ ತೀವ್ರ ವಿರೋಧಕ್ಕೆ ಒಳಗಾಗಿ ಟ್ರೋಲ್​ಗೀಡಾಗಿರುವ ನಟ ಪ್ರಕಾಶ್ ರಾಜ್ ಇಂದು ನೇರಾನೇರ ವಿರೋಧ ಧಿಕ್ಕಾರ ಎದುರಿಸುವಂಥ ಪರಿಸ್ಥಿತಿ ಸೃಷ್ಟಿಯಾಗಿತ್ತು.

ಕಲಬುರಗಿಯ ರಂಗಮಂದಿರದಲ್ಲಿ ಆಯೋಜಿಸಿದ್ದ ಸಂವಾದ ಕಾರ್ಯಕ್ರಮದಲ್ಲಿ ಭಾಗವಹಿಸಲು ಪ್ರಕಾಶ್ ರಾಜ್ ಆಗಮಿಸಿದ್ದ ಸಂದರ್ಭದಲ್ಲಿ ಈ ಘಟನೆ ನಡೆದಿದೆ. ಕಲಬುರಗಿ ನಗರದ ಜಗತ್ ವೃತ್ತದ ಬಳಿ ಹಿಂದು ಜಾಗೃತಿ ಸಂಘಟನೆಯಿಂದ ಪ್ರಕಾಶ್​ ರಾಜ್ ವಿರುದ್ಧ ತೀವ್ರ ಪ್ರತಿಭಟನೆ ನಡೆಯಿತು.

ಕೈಯಲ್ಲಿ ಕಪ್ಪುಪಟ್ಟಿ ಹಿಡಿದು ಜಮಾಯಿಸಿದ ಹಿಂದೂಪರ ಸಂಘಟನೆಗಳ ಸದಸ್ಯರು, ಧರ್ಮದ್ರೋಹಿ, ಹಿಂದೂವಿರೋಧಿ ಪ್ರಕಾಶ್ ರಾಜ್​ಗೆ ಧಿಕ್ಕಾರ ಎಂದು ಘೋಷಣೆಗಳನ್ನು ಕೂಗಿದರು. ಸನಾತನ ಧರ್ಮಕ್ಕೆ ಜಯವಾಗಲಿ ಅಂತ ಜೈಕಾರವನ್ನೂ ಕೂಗಿದರು.

ಶಾಂತಿಯುತ ಕಲಬುರಗಿಯನ್ನ ಹಾಳು ಮಾಡಲು ಆಗಮಿಸಿದ ಪ್ರಕಾಶ್ ರಾಜ್​ಗೆ ಧಿಕ್ಕಾರ ಎಂದ ಅವರು, ಪ್ರಕಾಶ್​ ರಾಜ್​ಗೆ ಎಚ್ಚರಿಕೆ ಎಚ್ಚರಿಕೆ ಎಂದು ಕೂಗಿ ಆಕ್ರೋಶ ವ್ಯಕ್ತಪಡಿಸಿದರು. ಬಳಿಕ ಪ್ರತಿಭಟನಾನಿರತ ಹಿಂದು ಸಂಘಟನೆಯವರನ್ನು ಪೊಲೀಸರು ವಶಕ್ಕೆ ಪಡೆದರು.

https://www.vijayavani.net/elon-musk-hid-his-third-child-with-grimes-total-of-three-kids-new-biography-reveals

https://www.vijayavani.net/bagina-should-not-be-given-by-politicians