‘ನಮ್ಮ ಫ್ಲಿಕ್ಸ್’ ಸಂಸ್ಥೆಯು ಟಾಟಾ ಪ್ಲೇ, ಏರ್ಟೆಲ್, ಡಿಶ್ ಟಿವಿ, ಸನ್ಡೈರೆಕ್ಟ್ ಜತೆ ಒಪ್ಪಂದ ಮಾಡಿಕೊಂಡಿದ್ದು, ಮುಂದಿನ ದಿನಗಳಲ್ಲಿ ಬಿಎಸ್ಎನ್ಎಲ್ ಜತೆ ಸೇರಿಕೊಳ್ಳಲಿದೆ. ‘ಮ್ಯಾಂಗೋ ಮಾಸ್ ಮೀಡಿಯಾ’ ಜತೆ ಟೈ-ಅಪ್ ಆಗಿದ್ದು, ಇದರ ಪ್ರಕಾರ 100ಕ್ಕೂ ಅಧಿಕ ತೆಲುಗು ಸಿನಿಮಾಗಳು ಕನ್ನಡಕ್ಕೆ ಡಬ್ ಮಾಡಿ ರಿಲೀಸ್ ಮಾಡಲಾಗುತ್ತದೆ. ನಟರಾದ ಪವನ್ಕಲ್ಯಾಣ್, ಜೂ.ಎನ್ಟಿಆರ್, ನಾಗಾ ಚೈತನ್ಯ, ನಟಿ ಅನುಷ್ಕಾ ಶೆಟ್ಟಿ ಸೇರಿ ಹಲವು ಖ್ಯಾತ ನಟರ ಚಿತ್ರಗಳನ್ನು ನೋಡಬಹುದು. ‘ನಮ್ಮ ಫ್ಲಿಕ್ಸ್’ ಕಂಟೆಂಟ್ ವಿಚಾರದಲ್ಲಿ ಯಾವುದೇ ರಾಜೀ ಇಲ್ಲ. ಇಡೀ ಕುಟುಂಬ ಕುಳಿತು ನೋಡುವ ಹಾಗೂ ಕನ್ನಡ ಹಿರಿಮೆ, ಗರಿಮೆ ಸಾರುವ ಸಿನಿಮಾಗಳಿಗೆ ಹೆಚ್ಚು ಆದ್ಯತೆ ನೀಡುತ್ತೇವೆ’ ಎಂದು ಸಿಇಒ ವಿಜಯ್ ಪ್ರಕಾಶ್ ಮಾಹಿತಿ ನೀಡುತ್ತಾರೆ. ‘ನಮ್ಮ ಫ್ಲಿಕ್ಸ್’ ನಲ್ಲಿ ಸಿನಿಮಾ, ಧಾರಾವಾಹಿ ವೆಬ್ ಸರಣಿ ಸೇರಿ ಹಳೆಯ ಕನ್ನಡ ಸಿನಿಮಾಗಳನ್ನು ಉತ್ತಮ ಗುಣಮಟ್ಟದಲ್ಲಿ ಕಡಿಮೆ ಅನಿಸುವ ಸ್ಪರ್ಧಾತ್ಮಕ ದರದಲ್ಲಿ ವೀಕ್ಷಿಸಬಹುದು. ಈ ಆಪ್ ಆಂಡ್ರಾಯ್ಡ್ ಐಒಎಸ್, ಆಂಡ್ರಾಯ್ಡ್ ಟಿವಿಗಳಲ್ಲಿ ಉಚಿತ ಡೌನ್ಲೋಡ್ ಮಾಡಿಕೊಳ್ಳಬಹುದಾಗಿದೆ. ಗುಣಮಟ್ಟದ ಎಚ್ಡಿ ಕ್ವಾಲಿಟಿಯೊಂದಿಗೆ ಸಿನಿಮಾ ವೀಕ್ಷಿಸಬಹುದು.
