ಇನ್ಮುಂದೆ ನಿಮ್ಮ ಮನೆ ಬಾಗಿಲಿಗೆ ಬರಲಿದೆ ಮದ್ಯ! ಆನ್​ಲೈನ್​ ಆರ್ಡರ್​ ಮತ್ತು ಡೋರ್​ ಡೆಲಿವರಿ ಕೂಡ ಲಭ್ಯ..| liquor

liquor : ಮದ್ಯವು ಈಗಾಗಲೇ ಎಲ್ಲಾ ರಾಜ್ಯದ ಖಜಾನೆಗೆ ಪ್ರಮುಖ ಆದಾಯದ ಮೂಲವಾಗಿದೆ. ಮದ್ಯ ಮಾರಾಟವನ್ನು ಮತ್ತಷ್ಟು ಹೆಚ್ಚಿಸಲು ಮತ್ತು ಗ್ರಾಹಕರನ್ನು ಆಕರ್ಷಿಷಲು ಕೆಲವು ಪ್ರಸ್ತಾವನೆಗಳನ್ನು ಸಿದ್ಧಪಡಿಸಲಾಗಿದೆ. ಕೊರೊನಾ ಸಂದರ್ಭದಲ್ಲಿ ಮನೆ ಬಾಗಿಲಿಗೆ ಮದ್ಯ ತಲುಪಿಸುವ ಪ್ರಸ್ತಾವನೆ ಮುನ್ನಲೆಗೆ ಬಂದಿತ್ತು, ಆದರೆ ಈ ಪ್ರಸ್ತಾವನೆಯನ್ನು ಜಾರಿಗೆ ತರಲು ಹಲವು ಪ್ರಯತ್ನಗಳು ನಡೆಯುತ್ತಿವೆ. ಇದರ ಮೂಲಕ ಆನ್​ಲೈನ್​ ಆರ್ಡರ್​ ಮತ್ತು ಡೋರ್​ ಡೆಲಿವರಿ ಕೂಡ ಲಭ್ಯವಾಗಲಿದೆ. ಇದು ಎಲ್ಲಿ ಅಂತೀರಾ? ಹಾಗಿದ್ದರೆ ಒಮ್ಮೆ ಸುದ್ದಿ ನೋಡಿ...

ಇದನ್ನೂ ಓದಿ: ಸಮಾಜಕ್ಕೆ ದಿಕ್ಕು ತೋರಿಸುವ ಸಾಧಕರ ಸಾಧನೆ: ಲೇಖಕ ಎಸ್.ಷಡಕ್ಷರಿ ಅಭಿಮತ

ಕೇರಳ ಸರ್ಕಾರ ಮದ್ಯ ಪ್ರಿಯರಿಗಾಗಿ ಹೊಸ ಪ್ರಸ್ತಾವನೆಯೊಂದನ್ನು ರೂಪಿಸುತ್ತಿದ್ದು, ಮಾದಕ ವ್ಯಸನಿಗಳಿಗೆ ಮದ್ಯ ತಲುಪಿಸುವ ನಿಟ್ಟಿನಲ್ಲಿ ಕ್ರಮಕೈಗೊಳ್ಳುತ್ತಿದೆ. ಇನ್ನು ಮದ್ಯ ಪ್ರಿಯರು ಆನ್​ಲೈನ್​ ಮೂಲಕ ಆರ್ಡರ್​ ಮಾಡಿದರೆ, ಅವರ ಮನೆಗಳಿಗೆ ಮದ್ಯ ಬಂದು ತಲುಪುದರ ಜೊತೆಗೆ ಸರ್ಕಾರಕ್ಕೆ ಬರುವ ಆದಾಯ ಹೆಚ್ಚಿಸುತ್ತದೆ. ಈ ಪ್ರಸ್ತಾವನೆಯಿಂದ ಮದ್ಯದ ಅಂಗಡಿಯಲ್ಲಿ ಜನದಟ್ಟಣೆ ಕಡಿಮೆ ಮಾಡುತ್ತದೆ ಎಂದು ನಿರೀಕ್ಷಿಸಲಾಗುತ್ತಿದೆ.ಈ ಪ್ರಸ್ತಾವನೆಯನ್ನು ಪ್ರಸ್ತುತ ಸರ್ಕಾರ ಪರಿಗಣನೆ ಮಾಡುತ್ತಿದ್ದು, ಇದು ವಾಸ್ತವವಾಗಲು ರಾಜ್ಯ ಅಬಕಾರಿ ಕಾಯ್ದೆಗೆ ತಿದ್ದುಪಡಿಗಳನ್ನು ಮಾಡಬೇಕಾಗುತ್ತದೆ. ಈ ದಿಕ್ಕಿನಲ್ಲಿ ಮುಂದಿನ ವಾರ ಈ ನಿರ್ಧಾರ ಪ್ರಕಟಿಸುವ ಸಾಧ್ಯತೆಯಿದೆ ಎಂದು ತಿಳಿಸಿದೆ.

ಕೇರಳ ಸರ್ಕಾರ ಸ್ವೀಕರಿಸಿದ ಪ್ರಸ್ತಾವನೆಗಳ ಪ್ರಕಾರ, ಹೋಂ ಡೆಲಿವರಿ ಮಾರಾಟದಿಂದ ಬರುವ ಆದಾಯ ಮತ್ತಷ್ಟು ಹೆಚ್ಚಾಗುವ ನಿರೀಕ್ಷೆಯಿದೆ. ಇನ್ನು ಮದ್ಯವು 2024-25ರಲ್ಲಿ ಮಾರಾಟದ ಆದಾಯ ರೂಪಾಯಿ 19,700 ಕೋಟಿಗಳಾಗಿದ್ದರೆ, ಹಿಂದಿನ ಆದಾಯ 19,050 ಕೋಟಿಗಳಷ್ಟಿತ್ತು.

ಅಪ್ಲಿಕೇಶನ್​ಗಳು ಯಾವುವು?

ಇನ್ನು ಕೇರಳ ಸರ್ಕಾರ ಆನ್​ಲೈನ್​ನಲ್ಲಿ ಮದ್ಯ ವಿತರಣೆಗಾಗಿ BEVCO ವಿಶೇಷ ಮೊಬೈಲ್ ಅಪ್ಲಿಕೇಶನ್ ಅನ್ನು ರಚಿಸಿದೆ. ಅದೇ ಸಮಯದಲ್ಲಿ ಪ್ರಮುಖ ಆನ್​ಲೈನ್ ವಿತರಣಾ ಕಂಪನಿಗಳಾದ Swiggy ಮತ್ತು Zomato ಈ ಸೇವೆಯ ಭಾಗವಾಗಲು ಆಸಕ್ತಿ ತೋರಿಸುತ್ತಿವೆ.

ಇದನ್ನೂ ಓದಿ: ವಸತಿ ಪ್ರಮಾಣ ಪತ್ರ ನೀಡುವಂತೆ ಬೆಕ್ಕಿನ ಹೆಸರಲ್ಲಿ ಅರ್ಜಿ! ಯಾರೀ ಕ್ಯಾಟ್ ಕುಮಾರ್? | Cat Kumar

ನಿಮಯಗಳೇನು?

ಅಪ್ಲಿಕೇಶನ್ ಮೂಲಕ ಆರ್ಡರ್ ಮಾಡುವ ಗ್ರಾಹಕರಿಗೆ ನೇರವಾಗಿ ಮದ್ಯವನ್ನು ಮನೆಗೆ ತಲುಪಿಸಲಾಗುತ್ತದೆ. BEVCO ಪ್ರಸ್ತಾವನೆಯ ಪ್ರಕಾರ, 23 ವರ್ಷಕ್ಕಿಂತ ಮೇಲ್ಪಟ್ಟವರು ಮಾತ್ರ ಆನ್‌ಲೈನ್‌ನಲ್ಲಿ ಮದ್ಯವನ್ನು ಖರೀದಿಸಲು ಸಾಧ್ಯವಾಗುತ್ತದೆ. ಆರ್ಡರ್ ಮಾಡುವ ಮೊದಲು ವಯಸ್ಸಿನ ಪುರಾವೆಯನ್ನು ತೋರಿಸಬೇಕು. ಈ ನಿಟ್ಟಿನಲ್ಲಿ ಕೆಲವೊಂದು ನಿಯಮಗಳನ್ನು ಶೀಘ್ರದಲ್ಲಿ ಜಾರಿಗೊಳಿಸಲಾಗುವುದು ಎಂಧು ಕೇರಳ ಸರ್ಕಾರ ತಿಳಿಸಿದೆ. (ಏಜೆನ್ಸೀಸ್​)

https://www.vijayavani.net/trying-to-lose-weight-if-so-eat-these-fruits-with-food