ಹರಾಜಿನಲ್ಲಿ ಒಂದೇ ಒಂದು ನಿಂಬೆ ಹಣ್ಣಿಗೆ 35,000 ರೂ.! ಖರೀದಿ ಮಾಡಿದ ವ್ಯಕ್ತಿಯ ಖುಷಿ ಹೇಳತೀರದು…

ಈರೋಡ್: ಈರೋಡ್​ ಸಮೀಪದ ಗ್ರಾಮದಲ್ಲಿರುವ ಖಾಸಗಿ ದೇವಸ್ಥಾನವೊಂದರಲ್ಲಿ ನಡೆದ ಹರಾಜಿನಲ್ಲಿ ಶಿವನಿಗೆ ಹಾಕಿದ ನಿಂಬೆ ಹಣ್ಣನ್ನು ಹರಾಜಿಗೆ ಇಡಲಾಗಿತ್ತು. ಈ ವೇಳೆ ಹರಾಜಿನಲ್ಲಿ ಭಾಗಿಯಾದ ವ್ಯಕ್ತಿಯೊಬ್ಬ ಒಂದೇ ಒಂದು ನಿಂಬೆ ಹಣ್ಣಿಗೆ 35,000 ರೂ. ಹಣ ಕೊಟ್ಟು ಖರೀದಿ ಮಾಡಿರುವ ಅಚ್ಚರಿ ಸಂಗತಿ ಇದೀಗ ಭಾರೀ ಸುದ್ದಿಯಾಗುತ್ತಿದೆ.

ಇದನ್ನೂ ಓದಿ: ಕಾಂತಾರ 2 ರಲ್ಲಿ ಜೂ.ಎನ್​ಟಿಆರ್​.. ಕನ್ನಡ- ತೆಲುಗು ಸಿನಿ ಇಂಡಸ್ಟ್ರಿಯಲ್ಲಿ ಸಂಚಲನ!

ಸಂಪ್ರದಾಯದಂತೆ ಇಲ್ಲಿಂದ 35 ಕಿ.ಮೀ ದೂರದಲ್ಲಿರುವ ಶಿವಗಿರಿ ಗ್ರಾಮದ ಬಳಿ ಇರುವ ಪಜಪೂಸಯ್ಯನ ದೇವಸ್ಥಾನದಲ್ಲಿ ಶುಕ್ರವಾರ (ಮಾ.08) ರಾತ್ರಿ ಮಹಾಶಿವರಾತ್ರಿ ಉತ್ಸವದ ಸಂದರ್ಭದಲ್ಲಿ ಶಿವನಿಗೆ ಅರ್ಪಿಸಿದ ನಿಂಬೆಹಣ್ಣು ಮತ್ತು ಹಣ್ಣುಗಳು ಸೇರಿದಂತೆ ಇತರ ವಸ್ತುಗಳನ್ನು ಹರಾಜು ಮಾಡಲಾಯಿತು.

ಈ ವೇಳೆ ಹರಾಜಿನಲ್ಲಿ ಸುಮಾರು 15 ಭಕ್ತರು ಭಾಗವಹಿಸಿದ್ದು, ಈರೋಡ್‌ನ ಭಕ್ತರೊಬ್ಬರಿಗೆ ನಿಂಬೆ ಹಣ್ಣನ್ನು 35,000 ರೂ.ಗೆ ಮಾರಾಟ ಮಾಡಲಾಗಿದೆ ಎಂದು ದೇವಸ್ಥಾನದ ಅಧಿಕಾರಿಗಳು ಮಾಹಿತಿ ನೀಡಿದ್ದಾರೆ. ದೇವಾಲಯದ ಅರ್ಚಕರು ಹರಾಜಿಗಿಟ್ಟ ನಿಂಬೆಹಣ್ಣನ್ನು ಪೀಠಾಧಿಪತಿ ದೇವರ ಮುಂದೆ ಇಟ್ಟು ಸಣ್ಣ ಪೂಜೆ ನಡೆಸಿ ನೂರಾರು ಭಕ್ತರ ಸಮ್ಮುಖದಲ್ಲಿ ಹರಾಜಿನಲ್ಲಿ ಅತಿ ಹೆಚ್ಚು ಬಿಡ್ ಮಾಡಿದ ವ್ಯಕ್ತಿಗೆ ಅದನ್ನು ಹಸ್ತಾಂತರಿಸಿದರು.

ಇದನ್ನೂ ಓದಿ: ಎಂ.ಬೊಮ್ಮನಹಳ್ಳಿಯಲ್ಲಿ ಅದ್ದೂರಿ ಶಿವರಾತ್ರಿ ಆಚರಣೆ: ಶನೇಶ್ಚರ ದೇವಸ್ಥಾನಕ್ಕೆ ಸಹಸ್ರಾರೂ ಭಕ್ತರ ಭೇಟಿ

ಹೆಚ್ಚಿನ ಬಿಡ್ ಮಾಡಲು ನಿರ್ವಹಿಸುವ ಮತ್ತು ನಿಂಬೆಹಣ್ಣನ್ನು ಪಡೆಯುವ ವ್ಯಕ್ತಿಯು ಮುಂಬರುವ ವರ್ಷಗಳಲ್ಲಿ ಸಂಪತ್ತು ಮತ್ತು ಉತ್ತಮ ಆರೋಗ್ಯದಿಂದ ಆಶೀರ್ವದಿಸಲ್ಪಡುತ್ತಾನೆ ಎಂಬುದು ಇಲ್ಲಿನ ನಂಬಿಕೆ ಎಂದು ಹೇಳಲಾಗಿದೆ,(ಏಜೆನ್ಸೀಸ್).

https://www.vijayavani.net/do-u-know-where-is-actress-maadhaavi-now