ನವದೆಹಲಿ: ಇಂದು ಫೆಬ್ರವರಿ 24. ಅದರಲ್ಲೇನು ವಿಶೇಷ ಎಂದು ನೀವು ಯೋಚಿಸುತ್ತಿರಬಹುದು. ಇದು ಪ್ರತಿ ವರ್ಷ ಬರುತ್ತದೆ ಎಂದು. ಆದರೆ ಇದು ಕೇವಲ ದಿನಾಂಕವಲ್ಲ. ಭಾರತದ ರಾಜಕೀಯದ ದೃಷ್ಟಿಯಿಂದ ಈ ದಿನಾಂಕ ಬಹಳ ಮುಖ್ಯ. ದೇಶದ ಪ್ರಧಾನಿಯಾದ ನರೇಂದ್ರ ಮೋದಿಯವರ ರಾಜಕೀಯ ಜೀವನಕ್ಕೆ ಮುದ್ರೆ ಬಿದ್ದ ದಿನಾಂಕ ಇದು. 22 ವರ್ಷಗಳ ಹಿಂದೆ ಫೆಬ್ರವರಿ 24, 2002 ರಂದು ಮೋದಿ ಅವರು ಮೊದಲ ಬಾರಿಗೆ ಶಾಸಕರಾಗಿ ಆಯ್ಕೆಯಾದರು. ಬಿಜೆಪಿ ನಾಯಕತ್ವದ ಸೂಚನೆ ಮೇರೆಗೆ ಮೋದಿ ಅವರು ಈಗಾಗಲೇ ಗುಜರಾತ್ ಸಿಎಂ ಹುದ್ದೆಯನ್ನು ಅಲಂಕರಿಸಿದ್ದರೂ, ರಾಜ್ಕೋಟ್ ಉಪಚುನಾವಣೆ ಗೆಲ್ಲುವುದು ಅವರ ರಾಜಕೀಯ ಪ್ರವೇಶಕ್ಕೆ ನಾಂದಿಯಾಯಿತು. ಮೋದಿ ತಮ್ಮ ಜೀವನದ ಮೊದಲ ಚುನಾವಣೆಯಲ್ಲಿ ರಾಜ್ಕೋಟ್ನಲ್ಲಿ ಸ್ಪರ್ಧಿಸಿ 15000 ಮತಗಳಿಂದ ಗೆದ್ದಿದ್ದರು.
