ಸಾರಿಗೆ ಸಚಿವಾಲಯದ ಅಧಿಸೂಚನೆ ಪ್ರಕಾರ 15 ವರ್ಷ ಹಳೆಯ ವಾಹನ ನೋಂದಣಿ ನವೀಕರಣಕ್ಕೆ ಕಟ್ಟುವ ಶುಲ್ಕ ಈಗಿರುವ 600 ರೂ.ನಿಂದ ಏಪ್ರಿಲ್ನಲ್ಲಿ 5,000 ರೂ.ಗೆ ಏರಿಕೆ ಆಗಲಿದೆ. ಇದೇ ರೀತಿ, ದ್ವಿಚಕ್ರ ವಾಹನಗಳ ನೋಂದಣಿ ನವೀಕರಣ ದರ 300 ರೂ.ಇರುವುದು 1,000 ರೂ. ಆಗಲಿದೆ. 15 ವರ್ಷ ಮೇಲ್ಪಟ್ಟ ಬಸ್ ಅಥವಾ ಟ್ರಕ್ಗಳಿಗೆ ಫಿಟ್ನೆಸ್ ಪ್ರಮಾಣ ಪತ್ರ ನವೀಕರಣ ಶುಲ್ಕ ಈಗಿರುವ 1,500 ರೂ.ನಿಂದ 12,500 ರೂ.ಗೆ ಹೆಚ್ಚಳ ಆಗಲಿದೆ. ನೋಂದಣಿ ನವೀಕರಣ ವಿಳಂಬ ಮಾಡಿದಲ್ಲಿ ವೈಯಕ್ತಿಕ ಬಳಕೆ ವಾಹನಗಳಿಗೆ ತಿಂಗಳಿಗೆ 300 ರೂ., ವಾಣಿಜ್ಯ ಬಳಕೆ ವಾಹನಗಳಿಗೆ 500 ರೂ.ಪಾವತಿಸಬೇಕು. ಇದೇ ರೀತಿ ಫಿಟ್ನೆಸ್ ಪ್ರಮಾಣಪತ್ರ ನವೀಕರಣ ವಿಳಂಬವಾದರೂ ದಿನಕ್ಕೆ 50 ರೂಪಾಯಿ ದಂಡ ಶುಲ್ಕ ಪಾವತಿಸಬೇಕು. ವೈಯಕ್ತಿಕ ಬಳಕೆಯ ವಾಹನಗಳ ಮಾಲೀಕರು 15ವರ್ಷ ಹಳೆಯ ವಾಹನಗಳ ಬಳಕೆಯನ್ನು ಮುಂದುವರಿಸುವುದೇ ಆದರೆ 5 ವರ್ಷಗಳಿಗೆ ಒಮ್ಮೆ ನೋಂದಣಿ ನವೀಕರಿಸಬೇಕು. ವಾಣಿಜ್ಯ ವಾಹನಗಳನ್ನು ಇದೇ ರೀತಿ ಬಳಸುವುದಾದರೆ 8 ವರ್ಷಗಳಿಗೆ ಒಮ್ಮೆ ಫಿಟ್ನೆಸ್ ಪ್ರಮಾಣಪತ್ರ ನೋಂದಣಿ ನವೀಕರಿಸಬೇಕಿದೆ.
